Amos 2:11 - An Bibel Kernewek 20234 (Kernewek Kemmyn)

¹¹ ha my a dhrehevis rann a'gas mebyon yn profoesi ha rann a'gas tus yowynk yn nazirysi. A nyns yw yndella, A vebyon Ysrael? yn-medh an Arloedh.

Amos 2:11 Iomraidhean Croise

1 Myghternedh 17:1

Lemmyn Elias an Tishbeyas, a Tishbe yn Gilead, a leveris dhe Ahab, ‘Dell vew an Arloedh, Duw Ysrael, mayth esov ow sevel a-dheragdho, ny vydh na gluth na glaw an blydhynyow ma, marnas my a re an ger’

1 Myghternedh 18:4

pan esa Yezebel ow ladha profoesi an Arloedh, Obadia a gemmersa kans profoes, aga hudha yn mogowyow, hanter kans yn pubonan, ha'ga sostena gans bara ha dowr.

1 Myghternedh 19:16

hag ynwedh untya Yehu mab Nimshi avel myghtern war Ysrael, hag untya Elisha mab Shafat a Abel-mehola avel profoes yn dha le.

1 Myghternedh 20:13

Ena y teuth neb unn profoes dhe vyghtern Ahab a Ysrael ha leverel, ‘Yndellma y lever an Arloedh, A welsys oll an routh veur ma? Mir, my a's re y'th leuv hedhyw; ha ty a wodhvydh ow bos an Arloedh.’

1 Myghternedh 20:35

Orth gorhemmynn an Arloedh unn esel a gowetha an brofoesi a leveris dh'y gila, ‘Gwask vy!’ Mes an gour a naghas y weskel.

1 Myghternedh 20:41

Ena ev a gemmeras an lystenn yn uskis a'y lagas. Myghtern Ysrael a'n aswonnis avel onan a'y brofoesi.

1 Myghternedh 22:8

Myghtern Ysrael a leveris dhe Yehoshafat, ‘Yma hwath ken onan may kovynnyn a'n Arloedh dredho, Mikaya mab Ymla; mes my a'n kas, rag ny dhargan dader dhymm, marnas drog.’ Yehoshafat a leveris, ‘Na leveres an myghtern tra a'n par na.’

2 Myghternedh 17:13

Byttegyns an Arloedh a warnyas Ysrael ha Yuda dre bub profoes ha pub gwelesydh, ow leverel, ‘Treylyewgh dhiworth agas drog fordhow ha gwithewgh ow gorhemmynnow ha'm ordenansow, herwydh oll an lagha a worhemmynnis dh'agas tasow hag a dhannvenis dhywgh der ow gwesyon ha'm profoesi.’

2 Myghternedh 6:1

Mebyon an brofoesi a leveris dhe Elisha, ‘Mir lemmyn, an tyller le may trigyn genes yw re vyghan ragon.

2 Kroniklys 36:15

An Arloedh, Duw aga thasow, a dhannvonas ger dre leuv y gannasow arta hag arta, drefenn ev dhe berthi tregeredh war-tu ha'y bobel ha war-tu ha'y drigva;

Yeremia 11:21

Ytho yndellma y lever an Arloedh a-dro dhe bobel Anathoth, a hwila dha vewnans, ow leverel, ‘Na brofoes yn hanow an Arloedh, ma na verwi der agan dorn.’

Yeremia 2:31

A henedh, gwelewgh ger an Arloedh. A veuv gwylvos dhe Ysrael, po tir a dewlder? Ytho prag y lever ow fobel, ‘Ni yw rydh dhe wandra; ny dheun dhis namoy’?

Yeremia 2:5

Yndellma y lever an Arloedh Pana dhrogober re gavas aga thasow ynnov, mayth ens gyllys pell ahanav, ha may kerdhsons war-lergh euveredh, ha devedhys ha bos euver vons?

Yeremia 26:11

Ena an oferysi ha'n brofoesi a gewsis dhe'n bennsevigyon ha dhe oll an bobel, ow leverel, ‘An gour ma a dhervynn an mernans drefenn ev dhe brofoesa erbynn an sita ma, dell glewsowgh gans agas skovornow agas honan.’

Yeremia 7:25

A-dhia'n jydh may teuth agas tasow yn-mes a bow Ejyp bys y'n jydh hedhyw, my re dhannvonas dhywgh oll ow servysi an brofoesi, orth aga dannvon dydh wosa dydh;

Kynvannow 4:7

Glanna o hy nazirysi ages an ergh, kanna ages leth, ruttha aga horf ages koral, aga fisment kepar ha saffir.

Mika 2:6

‘Na brofoesewgh yn transyek’ yn-medhons i yn transyek. ‘Ny dhegoedh profoesa a'n taklow ma; ny dheu disenor warnan.’

Oberow 4:18

Hag i a's gelwis hag a erghis dhedha na gowssons na dyski mann yn hanow Yesu.

Oberow 5:28

ow leverel, ‘Ni a erghis dhywgh yn stroeth ma na dhyskewgh y'n hanow ma, mes otta, hwi re lenwis Yerusalem a'gas dyskas, hag ervirys owgh dhe dhri warnan ni goes an gour ma.’

Oberow 7:51

‘A hwi kales agas kilbenn, hag antrodreghys yn agas kolonn hag yn agas diwskovarn, pup-prys y sevowgh erbynn an Spyrys Sans, kepar dell wre agas tasow, yndella hwi ynwedh a wra.

Dewteronomi 18:18

My a dhrehav ragdha yn-mes a'ga breder profoes yw haval dhis. My a worr ow geryow yn y anow, hag ev a gews dhedha pup-tra a worhemmynnav.

1 Samuel 19:20

Ena Sowl a dhannvonas kannasow dhe gemmeres Davydh. Pan welsons kowethas an brofoesi ow profoesa, gans Samuel ow sevel avel penn warnedha, spyrys Duw a dheuth war gannasow Sowl, hag i ynwedh a brofoesas.

1 Samuel 3:20

Hag oll Ysrael dhiworth Dan bys yn Beer-sheba a wodhya bos Samuel apoyntys profoes lel a'n Arloedh.