Amos 1:9 - An Bibel Kernewek 20234 (Kernewek Kemmyn)

⁹ Yndellma y lever an Arloedh: Rag tri hammweythres a Tyr, ha rag peswar, ny wrav vy hepkorr an kessydhyans; drefenn i dhe dhelivra pobel gowal dhe Edom, ha ny borthsons kov a'n kevambos a vrederedh.

Amos 1:9 Iomraidhean Croise

2 Samuel 5:11

Myghtern Hiram a Tyr a dhannvonas kannasow dhe Davydh, war-barth gans kederwydh ha seri prenn ha seri men, hag i a dhrehevis chi rag Davydh.

Salmow 83:7

Gebal, hag Ammon, hag Amalek, Filistia ha'n re usi trigys yn Tyr.

Yeremia 25:22

hag oll myghternedh Tyr, hag oll myghternedh Sidon, ha myghternedh an ynysow usi dres an mor;

Yeremia 47:4

Rag an jydh re dheuth dhe dhistrui oll an Filistysi, dhe dreghi a-dhiworth Tyr ha Sidon pub gwereser yw gesys. Rag an Arloedh a dhistru an Filistysi, remenant arvordir Kaftor.

Ezekiel 27:1

Ger an Arloedh a dheuth dhymm, ow leverel:

Ezekiel 27:27

Dha rychys, dha wara, dha varchondis, dha varners, dha gaptenyon, dha galkyoryon, dha werthoryon, hag oll dha soudoryon usi genes, hag oll an mayni usi a-bervedh a sedh yn kolonn an moryow yn dydh dha goedh.

Ezekiel 28:1

Ger an Arloedh a dheuth dhymm, ow leverel:

Ezekiel 28:18

Y'th lies kammhynseth, yn anewnder dha genwerth, ty a dhisakras dha sentris. Ytho my a dhros tan yn-mes dhiworthis; ev a'th tybris, ha my a'th treylyas dhe lusu war an dor yn golok pubonan a'th welas.

Amos 1:11

Yndellma y lever an Arloedh: Rag tri hammweythres a Edom, ha rag peswar, ny wrav vy hepkorr an kessydhyans; drefenn ev dhe helghi y vroder gans kledha, ha taga y druedh; ha'y sorr a skwardyas bynitha, hag ev a withas y gonnar bys vykken.

Amos 1:6

Yndellma y lever an Arloedh: Rag tri hammweythres a Gaza, ha rag peswar, ny wrav vy hepkorr an kessydhyans; drefenn i dhe dhoen pobel gowal yn divroedh orth aga delivra dhe Edom.

Obadia 1:11

Y'n jydh may sevsys a-denewen, y'n jydh may hwrug alyons kemmeres y lu yn keth, hag estrenyon a dheuth bys dh'y yetys, ha tewlel prenn war Yerusalem, ty ynwedh o kepar hag onan anedha.

Zekaria 9:1

Begh ger an Arloedh war dir Hadrak ha Damaskus a vydh y bowesva; rag war an Arloedh y fydh dewlagas tus, hag oll loethow Ysrael.

Matthew 11:21

‘Go-jy Korasin! Go-jy Bethsada! rag mar pe gwrys yn Tyr ha Sidon an oberow galloesek a veu gwrys yn agas mysk, seuladhydh i a goedhsa yn edrek, yn yskar ha lusu.

Matthew 11:22

Mes yn-medhav dhywgh, y fydh moy perthadow rag Tyr ha Sidon dydh breus es dell vydh ragowgh hwi.

Luk 10:13

‘Go-jy Korasin! Go-jy Bethsaida! – rag mar pe gwrys yn Tyr ha Sidon an oberow galloesek a veu gwrys yn agas mysk, seuladhydh i a goedhsa yn edrek, esedhys yn yskar ha lusu.

Luk 10:14

Mes moy perthadow vydh rag Tyr ha Sidon y'n vreus es dell vydh ragowgh hwi.