Amos 1:6 - An Bibel Kernewek 20234 (Kernewek Kemmyn)

⁶ Yndellma y lever an Arloedh: Rag tri hammweythres a Gaza, ha rag peswar, ny wrav vy hepkorr an kessydhyans; drefenn i dhe dhoen pobel gowal yn divroedh orth aga delivra dhe Edom.

Amos 1:6 Iomraidhean Croise

2 Kroniklys 28:18

An Filistysi a omsettyas war sitys an Shefela ha'n Negeb a Yuda, ha synsi Beth-shemesh, Ayyalon, Gederoth, Soko gans hy threvow, Timna gans hy threvow ha Gimzo gans hy threvow, hag i a drevesigas ynna.

Yeremia 47:1

Ger an Arloedh a dheuth dhe Yeremia an profoes a-dro dhe'n Filistysi, kyns Faro dhe weksel Gaza:

Ezekiel 35:5

Drefenn bos dhis eskarogeth bythkwethek, ha ty re dhelivras mebyon Ysrael dhe nerth an kledha yn termyn aga therroes, yn termyn aga hessydhyans finek,

Yoel 3:4

Pandra esowgh hwi dhymm, A Tyr ha Sidon, hag oll ranndiryow Filistia? Esowgh hwi owth attyli dhymm? Mars esowgh hwi owth attyli dhymm, yn skav ha toeth men my a dreyl agas pemont arta war agas pennow agas honan.

Yoel 3:6

Mebyon Yuda ha mebyon Yerusalem hwi re werthas dhe'n Grekys, orth aga fellhe dhiworth aga oryon aga honan.

Amos 1:11

Yndellma y lever an Arloedh: Rag tri hammweythres a Edom, ha rag peswar, ny wrav vy hepkorr an kessydhyans; drefenn ev dhe helghi y vroder gans kledha, ha taga y druedh; ha'y sorr a skwardyas bynitha, hag ev a withas y gonnar bys vykken.

Amos 1:3

Yndellma y lever an Arloedh: Rag tri hammweythres a Damaskus, ha rag peswar, ny wrav vy hepkorr an kessydhyans; drefenn i dhe dhrushya Gilead gans draylellow-drushya a horn.

Amos 1:7

Ytho my a dhannvon tan war fos Gaza, dhe dhevorya hy falesyow.

Amos 1:9

Yndellma y lever an Arloedh: Rag tri hammweythres a Tyr, ha rag peswar, ny wrav vy hepkorr an kessydhyans; drefenn i dhe dhelivra pobel gowal dhe Edom, ha ny borthsons kov a'n kevambos a vrederedh.

Obadia 1:11

Y'n jydh may sevsys a-denewen, y'n jydh may hwrug alyons kemmeres y lu yn keth, hag estrenyon a dheuth bys dh'y yetys, ha tewlel prenn war Yerusalem, ty ynwedh o kepar hag onan anedha.

Zekaria 9:5

Ashkelon a'n gwel, ha perthi own, Gaza ynwedh, ha hi a wra gwynnel gans angoes, hag Ekron, rag hi a vydh toellys a'y govenek. Gaza a gyll hy myghtern, hag Ashkelon ny vydh annedhys.

Oberow 8:26

Mes el an Arloedh a gewsis orth Felip, ow leverel, ‘Sav yn-bann ha ke troha'n dyghow y'n fordh ow mos war-nans dhiworth Yerusalem dhe Gaza.’ Hemm yw difeythtir.

1 Samuel 6:17

An re ma yw an hwedhow owrek a dhaskorras an Filistysi avel offrynn kammweyth dhe'n Arloedh: onan rag Ashdod, onan rag Gaza, onan rag Ashkelon, onan rag Gath, onan rag Ekron;