Amos 1:4 - An Bibel Kernewek 20234 (Kernewek Kemmyn)

⁴ Ytho my a dhannvon tan war ji Hazael, dhe dhevorya palesyow Ben-hadad;

Amos 1:4 Iomraidhean Croise

1 Myghternedh 19:15

Ena an Arloedh a leveris dhodho, ‘Ke, dehwel war dha fordh dhe wylvos Damaskus, ke a-ji dhe'n sita; hag untya Hazael avel myghtern war Aram,

2 Myghternedh 13:25

Ena Yehoash mab Yehoahaz a dhaskemmeras dhiworth leuv Ben-hadad mab Hazael an sitys a gemmersa dhiworth leuv Yehoahaz y das yn bresel. Teyrgweyth Yehoash a'n fethas, ha daskavoes sitys Ysrael.

2 Myghternedh 13:3

Sorr an Arloedh a dhewis erbynn Ysrael, hag ev a's delivras a-berth yn leuv Hazael myghtern Aram, hag a-berth yn leuv Ben-hadad mab Hazael, dres nebes blydhynyow.

2 Myghternedh 6:24

Wosa hemma Ben-hadad, myghtern Aram, a guntellas oll y lu hag yskynna ha gul esedhva war Samaria.

2 Kroniklys 16:2

Ena Asa a gemmeras an arghans ha'n owr yn-mes a dresorvaow chi an Arloedh, hag a's dannvonas dhe Ben-hadad myghtern Aram, trigys yn Damaskus, ow leverel,

Yeremia 17:27

Mes mar ny woslewowgh orthiv, dhe sanshe dydh an sabot, ha ma na degowgh begh owth entra dhe yetow Yerusalem ganso yn dydh an sabot, ena my a enow tan yn hy yetow hag y hwra distrui palesyow Yerusalem, ha ny vydh difeudhys.

Yeremia 49:27

Ha my a enow tan orth fos Damaskus, hag a gowllesk lysyow Ben-hadad.

Ezekiel 30:8

Ena i a woer my dhe vos an Arloedh, pan worrav tan yn Ejyp, hag oll hy gweresoryon a vydh terrys.

Ezekiel 39:6

My a dhannvon tan war Magog ha war an re trigys yn sawder y'n ynysow; i a woer my dhe vos an Arloedh.

Hosea 8:14

Ysrael re ankovas y Wrier, ha re dhrehevis palesyow; ha Yuda re wrug lies sita gerys. Mes my a dhannvon tan yn y sitys a dhevor y gastylli.

Amos 1:10

Ytho my a dhannvon tan war fos Tyr dhe dhevorya hy falesyow.

Amos 1:12

Ytho my a dhannvon tan war Teman, dhe dhevorya palesyow Bosra.

Amos 1:14

Ytho my a worr tan yn fos Rabba, dhe dhevorya hy falesyow gans garm yn dydh an gas, gans annawel yn dydh an korwyns;

Amos 1:7

Ytho my a dhannvon tan war fos Gaza, dhe dhevorya hy falesyow.

Amos 2:2

Ytho my a dhannvon tan war Moab dhe dhevorya palesyow Kerioth; ha Moab a verow yn mysk tervans, yn mysk garm ha son an korn;

Amos 2:5

Ytho my a dhannvon tan war Yuda, dhe dhevorya palesyow Yerusalem.

Breusysi 9:57

ha Duw a wrug may koedhas oll droktra tus Shekem war aga fenn, ha warnedha y teuth molleth Yotham mab Yerubbaal.