Amos 1:3 - An Bibel Kernewek 20234 (Kernewek Kemmyn)

³ Yndellma y lever an Arloedh: Rag tri hammweythres a Damaskus, ha rag peswar, ny wrav vy hepkorr an kessydhyans; drefenn i dhe dhrushya Gilead gans draylellow-drushya a horn.

Amos 1:3 Iomraidhean Croise

1 Myghternedh 19:17

Piw pynag a dhienk kledha Hazael, Yehu a ladh; ha piw pynag a dhienk kledha Yehu, Elisha a ladh.

2 Myghternedh 13:3

Sorr an Arloedh a dhewis erbynn Ysrael, hag ev a's delivras a-berth yn leuv Hazael myghtern Aram, hag a-berth yn leuv Ben-hadad mab Hazael, dres nebes blydhynyow.

2 Myghternedh 13:7

Nyns esa gesys dhe Yehoahaz lu a voy ages hanter-kans marghek ha deg charett, ha deg mil droesek; rag myghtern Aram re's distrusa, ha re wrussa dhedha bos kepar ha doust drushya.

2 Myghternedh 16:9

Myghtern Assyria a woslowas orto; myghtern Assyria a geskerdhas erbynn Damaskus, ha'y hemmeres, ow toen hy fobel yn keth dhe Kir; hag ev a ladhas Resin.

2 Myghternedh 8:12

Hazael a wovynnas, ‘Prag yth oelydh, ow arloedh?’ Ev a worthybis, ‘Drefenn my dhe wodhvos an drog a wredh dhe fleghes Ysrael: ty a lesk aga heryow, ty a ladh aga gwer yowynk gans an kledha, ha brewi aga fleghigyow, ha skwardya aga benynes hag yw gans flogh.’

Job 19:3

Hwi re'm keredhis dekkweyth; a nyns owgh methek a omsettya orthiv?

Job 5:19

Ev a wra dha dhelivra dhiworth hwegh trobel; yn seyth ny wra drog mann dha dochya.

Lavarow Koth 6:16

Yma hwegh tra a gas an Arloedh, seyth yw tra gasadow dhodho:

Ekklesiastes 11:2

Ro rann a'th pythow dhe seyth po dhe eth, rag ny wodhesta py par happ drog y fydh y'n nor.

Ysay 28:27

Rag nyns yw fenogel drushys gans draylell-dhrushya, ha nyns yw ros kert rolys war gumin; mes fenogel yw dornys gans lath ha kumin gans gwelenn.

Ysay 41:15

Otta, my a'th wra draylell-dhrushya, lymm, nowydh, ha dhedhi dyns, ty a dhrusha an menydhyow, ha'ga brewi, ha ty a wra an breow avel us.

Ysay 7:16

Rag kyns an maw dhe wodhvos denagha an drog ha dewis an da, an tir a vydh forsakys, mayth owgh hwi ownek a-rag y dhew vyghtern.

Ysay 7:8

rag penn Aram yw Damaskus ha penn Damaskus yw Resin; hag a-ji dhe bymp blydhen ha tri-ugens Efraym a vydh terrys dhe demmyn ma na vydh pobel na fella.

Ysay 8:4

rag kyns an flogh dhe wodhvos gelwel ‘Ow thas’ hag ‘Ow mamm’, rychys Damaskus ha preydh Samaria a vydh degys dhe-ves a-rag myghtern Assyria.

Amos 1:11

Yndellma y lever an Arloedh: Rag tri hammweythres a Edom, ha rag peswar, ny wrav vy hepkorr an kessydhyans; drefenn ev dhe helghi y vroder gans kledha, ha taga y druedh; ha'y sorr a skwardyas bynitha, hag ev a withas y gonnar bys vykken.

Amos 1:13

Yndellma y lever an Arloedh: Rag tri hammweythres a vebyon Ammon, ha rag peswar, ny wrav vy hepkorr an kessydhyans; drefenn i dhe skwardya gwragedh gans flogh yn Gilead, mayth efannens aga amal.

Amos 1:6

Yndellma y lever an Arloedh: Rag tri hammweythres a Gaza, ha rag peswar, ny wrav vy hepkorr an kessydhyans; drefenn i dhe dhoen pobel gowal yn divroedh orth aga delivra dhe Edom.

Amos 1:9

Yndellma y lever an Arloedh: Rag tri hammweythres a Tyr, ha rag peswar, ny wrav vy hepkorr an kessydhyans; drefenn i dhe dhelivra pobel gowal dhe Edom, ha ny borthsons kov a'n kevambos a vrederedh.

Amos 2:1

Yndellma y lever an Arloedh: Rag tri hammweythres a Moab, ha rag peswar, ny wrav vy hepkorr an kessydhyans; drefenn ev dhe leski dhe lim eskern myghtern Edom.

Amos 2:4

Yndellma y lever an Arloedh: Rag tri hammweythres a Yuda, ha rag peswar, ny wrav vy hepkorr an kessydhyans; drefenn i dhe skonya lagha an Arloedh, ha ny withsons y ordenansow, mes aga fals dhuwow re wrug dhedha sowdhanas, may kerdhas aga thasow war aga lergh.

Amos 2:6

Yndellma y lever an Arloedh: Rag tri hammweythres a Ysrael, ha rag peswar, ny wrav vy hepkorr an kessydhyans; drefenn i dhe wertha an den gwiryon a arghans, ha'n edhommek a dhiw eskis.

Zekaria 9:1

Begh ger an Arloedh war dir Hadrak ha Damaskus a vydh y bowesva; rag war an Arloedh y fydh dewlagas tus, hag oll loethow Ysrael.

Zekaria 9:2

Hamath ynwedh, usi war hy or; Tyr ynwedh ha Sidon, mar skiansek kyn fons.