Amos 1:13 - An Bibel Kernewek 20234 (Kernewek Kemmyn)

¹³ Yndellma y lever an Arloedh: Rag tri hammweythres a vebyon Ammon, ha rag peswar, ny wrav vy hepkorr an kessydhyans; drefenn i dhe skwardya gwragedh gans flogh yn Gilead, mayth efannens aga amal.

Amos 1:13 Iomraidhean Croise

2 Samuel 12:31

Ev a dhros yn-mes an bobel esa ynni, ha'ga settya dhe lavur gans heskennow, ha pigellow a horn, ha boelyow a horn, hag ev a's gorras dhe lavur orth an kowynnow-brykk. Yndella y hwrug dhe oll sitys an Ammonysi. Ena Davydh hag oll an bobel a dhehwelis dhe Yerusalem.

2 Myghternedh 15:16

Ena Menahem a weskis Tifsagh, pubonan esa ynni ha'y thiredh dhiworth Tifsagh yn-rag; drefenn na igorsa an yetys dhodho ev a's gweskis. Ev a skwardyas oll an benynes ynni esa gans flogh.

2 Myghternedh 24:2

An Arloedh a dhannvonas er y bynn bagasow a Kaldeanys, bagasow a Aramysi, bagasow a Moabysi ha bagasow a Ammonysi; ev a's dannvonas erbynn Yuda rag y distrui, herwydh ger an Arloedh a gewsis der y wesyon an brofoesi.

2 Myghternedh 8:12

Hazael a wovynnas, ‘Prag yth oelydh, ow arloedh?’ Ev a worthybis, ‘Drefenn my dhe wodhvos an drog a wredh dhe fleghes Ysrael: ty a lesk aga heryow, ty a ladh aga gwer yowynk gans an kledha, ha brewi aga fleghigyow, ha skwardya aga benynes hag yw gans flogh.’

2 Kroniklys 20:1

Wosa hemma an Moabysi, an Ammonysi, ha gansa re a'n Meunysi, a dheuth erbynn Yehoshafat rag batalyas.

2 Kroniklys 20:10

Lemmyn, awotta mebyon Ammon, Moab, ha Menydh Seir! Ny essys dhe'n Ysraelysi dos yn aga thiredh pan dheuthons yn-mes a bow Ejyp; ytho i a dreylyas dhiworta heb aga diswul.

Nehemia 2:19

Mes pan glewas Sanballat an Horonyas, ha Tobia an gwas, an Ammonyas, ha Geshem an Arab a-dro dh'agan towlow, i a wrug ges ahanan ha'gan dispresya, ow leverel, ‘Pyth yw an dra ma esowgh hwi ow kul? Esowgh hwi ow rebellya erbynn an myghtern?’

Salmow 83:7

Gebal, hag Ammon, hag Amalek, Filistia ha'n re usi trigys yn Tyr.

Ysay 5:8

Go-i a jun chi dhe ji, ha keworra park dhe bark, bys pan na vo tyller gesys, ha nyns eus gesys marnas hwi dhe driga yn kres an wlas.

Yeremia 25:21

Edom, ha Moab, ha'n Ammonysi;

Ezekiel 21:28

Ha ti, A vab den, profoes ha lavar, Yndellma y lever an Arloedh Duw a-dro dhe vebyon Ammon hag a-dro dh'aga heredh; lavar: Kledha, kledha, tennys rag ladhva, rutys splann dhe gonsumya, dhe lughesi!

Ezekiel 25:1

Ger an Arloedh a dheuth dhymm, ow leverel:

Ezekiel 35:10

Drefenn ty dhe leverel, ‘An dhiw genedhel ma ha'n dhew bow ma yw dhymmo vy, ha ni a's erit’, kyn feu an Arloedh ena,

Hosea 13:16

Samaria a vydh kessydhys, rag hi a rebellyas erbynn hy Duw. I a goedh der an kledha; aga fleghesigow a vydh terrys dhe demmyn, ha'ga benynes veghyek a vydh skwardys igor.

Hosea 14:1

Dehwel, Ysrael, dhe'n Arloedh dha Dhuw; rag ty re drebuchyas yn dha gammhynseth.

Amos 1:3

Yndellma y lever an Arloedh: Rag tri hammweythres a Damaskus, ha rag peswar, ny wrav vy hepkorr an kessydhyans; drefenn i dhe dhrushya Gilead gans draylellow-drushya a horn.

Dewteronomi 2:19

Pan dheudh nes dhe vebyon Ammon, na omladh er aga fynn, ha na enter yn kas gansa, rag ny rov travyth a diredh an Ammonysi dhis avel eretons, rag my a'n ros dhe vebyon Lot avel eretons.’