2 Timothi 4:18 - An Bibel Kernewek 20234 (Kernewek Kemmyn)

¹⁸ An Arloedh a wra ow delivra dhiworth pub drogober hag ow sawya rag y wlaskor nevek. Dhodho ev re bo gordhyans trank heb worfenn. Amen.

2 Timothi 4:18 Iomraidhean Croise

Jenesis 48:16

an el neb a'm delivras dhiworth pub droktra, re vennikko an vebyon; ha re bo gelwys warnedha ow hanow vy ha hanow ow thasow Abraham hag Ysak; ha re gressyons dhe vos bras aga niver yn kres an norvys.’

1 Kroniklys 4:10

Yabes a elwis war Dhuw Ysrael, ow leverel, ‘Unnweyth a kwrelles ow benniga ha moghhe ow oryon, hag a pe dha leuv genev ha'm gwitha dhiworth drog, may fen heb payn.’ Ha Duw a wrontyas an pyth a wovynnas.

Salmow 121:7

An Arloedh a'th with rag pub dregynn; ev yw neb a with dha enev.

Salmow 37:28

Rag an Arloedh a gar gwirvreus, ha ny as y syns. Gwithys yns i bynitha, mes has an debeles a vydh treghys dhe-ves.

Salmow 73:24

Gans dha gusul ty a'm lew, ha wosa henna ow hemmeres yn golewder.

Salmow 92:10

Mes ty re ughelhas ow horn avel korn an ojyon gwyls; ty re'm untyas gans oyl yr.

Lavarow Koth 14:32

An tebelwas yw domhwelys der y dhroktra, mes an den gwiryon a'n jeves harber yn y lander.

Matthew 13:43

Ena y terlenter an re wiryon avel an howl yn gwlaskor aga Thas. Neb a'n jeves diwskovarn, ev klewes.

Matthew 25:34

Ena y hwra an Myghtern leverel dhe'n re a'y barth dhyghow, “Dewgh, hwi vennigys gans ow Thas, eritewgh an wlaskor yw pareusys dhywgh dhiworth gwrians an bys.

Matthew 6:13

Ha na wra agan dri yn temptasyon, mes delirv ni dhiworth drog.

Luk 11:4

ha gav dhyn agan peghosow, rag ni ynwedh a av dhe beub yw kendoner dhyn ni; ha na wra agan dri yn temptasyon.’

Luk 12:32

‘Na berthewgh own, A flokk byghan, rag bodh agas Tas yw, ev dhe ri dhywgh an wlaskor.

Luk 22:29

ha my a apoynt dhywgh gwlaskor, kepar dell y's apoyntyas ow Thas dhymmo vy,

Yowann 17:15

Ny wovynnav ty dh'aga hemmeres yn-mes a'n bys, mes ty dh'aga gwitha rag an tebel el.

Romanyon 11:36

Rag anodho ha dredho ha dhodho yma pup-tra. Dhodho re bo gordhyans bys vykken!

Romanyon 16:27

re bo dhe'n unn Duw fur golewder bys vykken dre Yesu Krist: Amen.

1 Korinthianys 1:21

Rag yn skentoleth Duw, a-ban na wrug an bys aswonn Duw dre skentoleth, Duw a veu plesys, dre follneth an pyth a veu pregewthys, dhe selwel an re a grys.

1 Korinthianys 10:13

Ny dheuva warnowgh temptasyon vyth nag yw kemmyn dhe vab-den. Lel yw Duw, ha ny wra ev agas gasa dhe vos temptys dres agas nerth, mes keffrys ha'n temptasyon ri fordh a dhiank a wra ev, rag may hyllowgh y berthi.

1 Korinthianys 15:50

Hemma my a lever, breder: kig ha goes ny yllons erita gwlaskor Duw, na podredhes ny erit anpodredhes.

2 Korinthianys 1:10

Ev re'gan delivras dhiworth mernans mar vras, hag ev a wra agan delivra; warnodho ni re worras agan govenek ev dh'agan delivra arta,

Galatianys 1:5

ha dhodho re bo gordhyans bys vykken ha bynnari. Amen.

1 Thessalonianys 5:23

Ha'n Dew a gres y honan re'gas sakkro yn tien; ha'gas spyrys ha'gas enev ha'gas korf kowal re bo gwithys divlam orth devedhyans agan Arloedh Yesu Krist.

2 Thessalonianys 3:3

Mes lel yw an Arloedh a wra agas nertha ha'gas gwitha rag an tebel el.

1 Timothi 1:17

Dhe Vyghtern an oesow, anvarwel, diwel, an unn Duw, re bo enor ha gordhyans trank heb worfenn. Amen.

1 Timothi 6:16

neb yn unnsel yw anvarwel, neb a drig yn golow na yllir dos nes dhodho; neb na wrug denvyth y weles na ny yll denvyth y weles. Dhodho ev re bo enor ha galloes bys vykken. Amen.

2 Timothi 1:12

Rakhenna y hwodhavav an taklow ma; mes ny borthav meth, rag my a woer neb re grysis ynno ha sur ov vy ev dhe alloes gwitha an pyth re beu gorrys y'm charj, bys y'n jydh na.

2 Timothi 4:1

A-dherag Duw ha Krist Yesu neb a wra breusi an re yw bew ha'n re yw marow, my a re charj dhis, ha der y omdhiskwedhyans ha'y wlaskor:

Ebrowyon 11:16

Mes lemmyn bro well a hwansons, henn yw, onan nevek. Ytho, Duw ny'n jeves meth bos gelwys aga Duw, rag ev re dharbaris dhedha sita.

Ebrowyon 12:22

Mes hwi re dheuth dhe venydh Sion ha sita an Duw bew, Yerusalem an nevek, ha dhe eledh dres niver yn kuntelles solem,

Ebrowyon 13:21

re'gas provio gans pub tra vas may hwryllowgh y vodh, ow kul ynnon an pyth yw plegadow yn y wolok dre Yesu Krist; dhe neb bedhes gordhyans bys vykken ha bynnari. Amen.

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?

1 Peder 1:5

neb yw gwithys dre alloes Duw dre fydh dhe selwyans parys dhe vos diskwedhys y'n termyn diwettha.

1 Peder 5:11

Dhodho ev an galloes trank heb worfenn. Amen.

2 Peder 1:11

Rag yndella, y fydh grontys dhywgh hwi yn rych dhe entra dhe wlaskor heb diwedh agan Arloedh ha'gan Selwyas Yesu Krist.

2 Peder 3:18

Mes tevewgh yn gras ha godhvos agan Arloedh ha Selwyas Yesu Krist. Dhodho ev re bo gordhyans hag y'n eur ma, ha bys y'n jydh heb worfenn. Amen.

Lyther Yud 1:1

Yud, gwas Yesu Krist, broder Jamys, Dhe'n re yw gelwys, karadow yn Duw an Tas ha gwithys rag Yesu Krist:

1 Samuel 17:37

Yn-medh Davydh, ‘An Arloedh neb a'm delivras dhiworth paw an lew ha dhiworth paw an ors, ev a'm delirv dhiworth dorn an Filistyas ma.’ Ha Sowl a leveris dhe Davydh, ‘Ke, ha re bo an Arloedh genes.’

1 Samuel 25:39

Ha pan glewas Davydh bos Nabal marow, yn-medh ev, ‘Benniges re bo an Arloedh neb re ventenas ow hen rag an despit dhiworth leuv Nabal, hag ev re withas y was dhiworth drog; rag an Arloedh re dreylyas drogober Nabal war y benn y honan.’ Ena Davydh a dhannvonas ha kewsel gans Abigayl, dh'y hemmeres dhodho, dh'y hemmeres avel y wreg.