2 Timothi 3:13 - An Bibel Kernewek 20234 (Kernewek Kemmyn)

¹³ Mes tus dhrog ha faytours a wra mos yn-rag gweth ha gweth ow toella, hag ow pos toellys.

2 Timothi 3:13 Iomraidhean Croise

Job 12:16

Ganso yma nerth ha doethter; dhodho yma an den toellys ha'n den a doell.

Ysay 44:20

Ev a beur war lusu, kolonn doellys re'n kammhembronkas, ha ny'n jeves delivra y enev na leverel, ‘A nyns eus gow y'm leuv dhyghow?’

Ezekiel 8:13

Hag yn-medh ev dhymm, ‘Ty a wel taklow vil hwath brassa esons orth aga gul.’

2 Korinthianys 6:8

dre wolewder ha disenor, dre gabel ha ger-da; akontys bos avel toelloryon, mes tus wiryon,

1 Timothi 4:1

An Spyrys a lever yn tiblans re dhe asa an fydh yn termynyow diwettha ha gul vri a fals spyrysyon ha dyskasow dywolow;

2 Timothi 3:8

Kepar dell settyas Yannes ha Yambres orth Moyses, y'n keth vaner an re ma a sett orth an gwir, shyndys aga brys, anwiw a-dro dhe'n fydh.

Titus 3:3

Rag ni ynwedh o foll, diwostydh, toellys, kethwesyon dhe drokhwansow ha plesours divers, ow pewa yn atti hag avi, kasadow, hag ow kasa an eyl y gila.

2 Peder 2:20

Rag wosa diank mostedhes an bys der aswonnvos an Arloedh ha Selwyas Yesu Krist, mars yns i maglennys arta ynna ha fethys, gweth gallas an studh diwettha anedha es an kynsa.

2 Peder 3:3

Godhvydhewgh hemma kyns oll: y'n dydhyow diwettha y hwra dos gesyoryon ow kul ges, ow kerdhes war-lergh aga drokhwansow i,

Diskwedhyans 12:9

Ha'n dhragon veur a veu tewlys yn-nans, an sarf goth neb yw gelwys an Jowl, ha Satnas, neb a doell oll an bys: ev a veu tewlys yn-nans bys y'n dor, ha'y eledh a veu tewlys yn-nans ganso.

Diskwedhyans 13:14

Hag ev a doell an drigoryon war an bys der an toknys a veu res dhodho dhe wul a-dherag an best; ow leverel dhe'n re a drig war an bys may hwrellens imaj dhe'n best a veu goliys der an kledha hag a vewa.

Diskwedhyans 18:23

ha golow kantol ny splann ynnos namoy; ha lev an gour pries ha'n venyn bries ny vydh klewys ynnos namoy, rag dha wikoryon a veu tus meur aga bri y'n norvys, rag oll kenedhlow a veu toellys gans dha bystri.