2 Timothi 2:25 - An Bibel Kernewek 20234 (Kernewek Kemmyn)

²⁵ yn klorder ow tyski an re a sev er y bynn. Y hyll bos, Duw dhe ri edrek dhedha rag godhvos an gwir,

2 Timothi 2:25 Iomraidhean Croise

Yeremia 31:33

Mes hemma a vydh an kevambos a wrav gans chi Ysrael wosa an dydhyow na, yn-medh an Arloedh: My a worr ow lagha a-ji dhedha ha'y skrifa war aga holonn; ha my a vydh aga Duw, hag i a vydh ow fobel.

Ezekiel 11:19

My a re dhedha unn golonn, ha my a worr spyrys nowydh ynnowgh; my a gemmer an golonn a ven dhiworth aga horf ha ri dhedha kolonn a gig,

Ezekiel 12:3

Ytho ty, A vab den, pareus ragos dha honan fardellow rag divroedh, hag yn golow dydh, hag i ow mires, ke dhe dhivroedh; ke dhiworth dha dyller dhe dyller arall a-wel dhedha. Y hyll bos, i dhe gonvedhes, kyn fons i chi diwostydh.

Ezekiel 36:26

My a re dhywgh kolonn nowydh, ha gorra spyrys nowydh ynnowgh, ha kemmeres an golonn a ven dhiworth agas kig, ha ri dhywgh kolonn a gig.

Ezekiel 36:31

Ena hwi a berth kov a'gas drog fordhow ha'gas gweythresow na vons da; ha hwi a wra divlasa agas honan rag agas kammweythresow ha'gas gwriansow kasadow.

Zekaria 12:10

Ha my a wra diveri war ji Davydh ha trigoryon Yerusalem spyrys a ras ha pysadow. I a wra mires warnav vy neb re wansons, ha kyni ragdho avel kynvann rag an unn vab, ha mornya ragdho yn hwerow avel galar rag an kynsa-genys.

Matthew 11:29

Kemmerewgh ow yew warnowgh ha dyskewgh genev, rag klor yth ov hag uvel ow holonn, ha hwi a gyv powes dh'agas enev.

Matthew 21:32

Rag Yowann a dheuth dhywgh yn fordh ewnder ha ny wrussowgh krysi dhodho, mes an dolloryon ha'n horys a grysis dhodho; mes hwi hwath ow kweles henna ny'gas teva edrek a-wosa, na krysi dhodho.

Mark 1:15

hag ow leverel, ‘Kollenwys yw an termyn, ha gwlaskor Duw re dheuth nes; koedhewgh yn edrek, ha krysewgh y'n aweyl.’

Yowann 5:34

Mes ny dhegemmerav an dustuni dhiworth den, mes my a lever hemma rag may fowgh hwi selwys.

Oberow 11:18

Pan glewsons an taklow ma, i a dewis ha gordhya Duw, ow leverel, ‘Ytho dhe'n Jentilys ynwedh Duw re ros edrek a led dhe vewnans.’

Oberow 2:38

Hag yn-medh Peder dhedha, ‘Kemmerewgh edrek, ha bedhes besydhys kettep penn ahanowgh yn hanow Yesu Krist rag gevyans agas peghosow, ha hwi a wra degemmeres ro an Spyrys Sans.

Oberow 20:21

hag ow tustunia keffrys dhe Yedhewon ha dhe Grekys a-dro dhe edrek a-rag Duw ha fydh yn agan Arloedh Yesu.

Oberow 5:21

Pan glewsons hemma, i a entras y'n tempel a-dro dhe vora, ha dyski. Lemmyn y teuth an arghoferyas ha'n re esa ganso, hag i a elwis an konsel hag oll an senedh a vebyon Ysrael, hag i a dhannvonas dhe'n prison may fens dres.

Oberow 5:31

Duw a ughelhas an gour ma dh'y barth dhyghow avel Rewler ha Selwyas, rag ri edrek dhe Ysrael ha dehwelyans peghosow.

Oberow 8:22

Kemmer edrek, ytho, a'n sherewynsi usi dhis, ha pys war an Arloedh may fo gevys dhis, mar kyll bos, mynnas dha golonn.

Galatianys 6:1

A vreder, mar pe nebonan kechys yn kammweythres, hwi, usi a'n Spyrys, restoryewgh den a'n par na yn spyrys a jentylys. Mir orthis dha honan, ma na vi temptys ynwedh.

1 Timothi 2:4

neb a vynn tus oll dhe vos selwys ha dhe dhos dhe aswonnvos an gwir.

1 Timothi 6:11

Mes ty, a dhen Duw, fi dhiworth an taklow ma ha ke war-lergh ewnder, sansoleth, fydh, kerensa, perthyans, klorder.

2 Timothi 3:7

ow tyski pup-prys, heb galloes kavoes bythkweth godhvos a'n gwir.

Titus 1:1

Powl, gwas Duw hag abostol Yesu Krist, war-lergh fydh an re yw dewisys gans Duw hag aswonnvos an gwir yw yn akord gans sansoleth,

Titus 3:2

heb leverel drog a dhenvyth, heb kedrynna, klor, hag ow tiskwedhes pub uvelder dhe dus oll.

Jamys 1:17

Pub ro da ha pub ro perfydh a dhiyskynn dhiworth a-wartha, ow tos yn-nans dhiworth an Tas a wolowys ha nyns eus chanj na skeus treylyans ganso.

1 Peder 3:15

mes sanshewgh an Arloedh Krist yn agas kolonn. Bedhewgh parys pup-prys dhe wul defens dhe bub den a wovynn orthowgh a-dro dhe'n govenek usi ynnowgh,

1 Yowann 5:16

Den mar kwel y vroder ow pegha peghes nag eus bys yn mernans, ev a wra pysi, ha Duw a re dhodho bewnans rag an re na beghons bys yn mernans. Yma peghes yw peghes bys yn mernans; ny lavarav y tylir pysi rakhenna.