2 Timothi 2:20 - An Bibel Kernewek 20234 (Kernewek Kemmyn)

²⁰ Yn chi bras nyns eus lestri unnsel yn owr hag arghans, mes yn prenn ha pri ynwedh, an re na rag enor ha'n re ma rag disenor.

2 Timothi 2:20 Iomraidhean Croise

Ezra 1:6

Hag oll aga hentrevogyon a's gweresas gans lestri a arghans, gans owr, gans gwara, ha gans chatel, ha gans rohow a bris, war-barth gans oll an offrynnow bolonjedhek.

Ezra 6:5

hag ynwedh bedhes daskorrys an lestri gwrys a owr hag a arghans a ji Duw, a wrug Nebukadnessar aga hemmeres yn-mes a'n tempel usi yn Yerusalem, ha'ga dri dhe Babylon, ha bedhens dres arta dhe'n tempel usi yn Yerusalem, kettep onan dh'y dyller; ha ty a's gorr yn chi Duw.

Eksodus 27:3

Ty a wra pottow rygdhi dhe dhegemmeres hy lusu, ha'y reuvow ha'y bollow ha'y gigveryow ha'y fadellow-tan; oll hy daffar ty a wra a vrons.

Kynvannow 4:2

Mebyon dhrudh Sion, talvedhys kepar hag owr fin – Ass yns i akontys kepar ha sethow pri, ober diwla priweythor!

Daniel 5:2

Pan dastyas an gwin, Belshassar a worhemmynnis may fe dres an lestri owr hag arghans a gemmersa Nebukadnessar y das yn-mes a'n tempel yn Yerusalem, rag dhiworta mayth effa an myghtern ha'y arlydhi, y wragedh, ha'y iswragedh.

Yowann 8:49

Yesu a worthybis, ‘Nyns eus dhymm dyowl, mes my a enor ow Thas, ha hwi a'm disenor.

Romanyon 9:20

Mes piw os jy, den, dhe worthybi dhe Dhuw? A lever an dra formys dh'y formyer, ‘Prag y'm gwrussys yndella?’

1 Korinthianys 3:9

Rag ni yw kesoberoryon Duw; hwi yw park gonedhys Duw, drehevyans Duw.

2 Korinthianys 4:7

Ha ni a'gan beus an tresor ma yn lestri a bri, rag may fo an nerth dres eghenn dhiworth Duw, a-der ni;

Efesianys 2:22

ynno ev hwi ynwedh yw drehevys war-barth dhe vos trigva Duw y'n Spyrys.

1 Timothi 3:15

Mes mar strechyav, ty a wra godhvos fatell yw res omdhegi yn mayni Duw, yw eglos an Duw bew, an pilar ha'n grond a wiryonedh.

1 Peder 2:5

Ha hwi ynwedh, kepar ha meyn bew, omdhrehevewgh hwi dhe vos chi spyrysel, oferyaseth sans, dhe offrynna sakrifisow spyrysel kemmeradow dhe Dhuw dre Yesu Krist.