2 Timothi 2:19 - An Bibel Kernewek 20234 (Kernewek Kemmyn)

¹⁹ Byttegyns selven fyrv Duw a sev, ha warnodho an skrif ma: ‘An Arloedh a aswonn an re usi dhodho’, ha, ‘Pubonan a henow hanow an Arloedh, treylys ev dhiworth kammhynseth.’

2 Timothi 2:19 Iomraidhean Croise

Job 28:28

Hag ev a leveris dhe vab-den, “Otta, own an Arloedh – furneth yw henna; ha skonya drog yw konvedhes.” ’

Salmow 1:6

rag an Arloedh a aswonn fordh an re wiryon, mes fordh an debeles a dhe goll.

Salmow 112:6

Rag ny wra ev trebuchya bynitha; an den gwiryon a vydh synsys yn kov bys vykken.

Salmow 34:14

Treyl dhiworth drog, ha gwra da; hwila kres, ha'y helghya.

Salmow 37:18

An Arloedh a aswonn dydhyow an re dhivlam, ha'ga ertach a dhur bys vykken.

Salmow 97:10

Hwi neb a gar an Arloedh, kesewgh drog; ev a with enevow y syns; ev a's delirv dhiworth dorn an debeles.

Lavarow Koth 10:25

Pan dremen an annawel nyns usi an tebelwas na fella, mes an den gwiryon yw fondys bys vykken.

Lavarow Koth 3:7

Na vydh fur y'th tewlagas dha honan; porth own a'n Arloedh, ha treyl dhiworth drog.

Ysay 14:32

Fatell worthyp kannasow an genedhel? ‘Yth yw an Arloedh neb re selyas Sion, ha boghosogyon y bobel a hwila harber ynni.’

Ysay 28:16

rakhenna yndellma y lever an Arloedh Duw, Otta, yth esov ow gorra selven yn Sion, men prevys, pennmen drudh, selven sur; piwpynag a grysso ny vydh fysk.

Ysay 63:19

Ni re beu a-henys kepar ha'n re na rewlsys warnedha, kepar ha'n re na veu dha hanow gelwys warnedha.

Ysay 65:15

Hwi a as agas hanow avel molleth dhe'm re dhewisys; ha'n Arloedh Duw a'th ladh; mes ev a elow y servysi gans ken hanow.

Ezekiel 9:4

ha'n Arloedh a leveris dhodho, ‘Tremen der an sita, dre Yerusalem, ha gwra merk war dal an wer usi owth hanasa ha kyni war oll an taklow kasadow gwrys a-berth ynni.’

Nahum 1:7

Da yw an Arloedh, dinas yn dydh anken; hag ev a aswonn an re a drest ynno ev.

Haggay 2:23

Y'n jydh na, yn-medh Arloedh an luyow, my a'th kemmer, A Zerubbabel, ow gwas, mab Shealtiel, yn-medh an Arloedh, ha my a'th wra kepar ha bysow sel: rag my re'th tewisas, yn-medh Arloedh an luyow.

Zekaria 3:9

Awotta'n men a worris a-rag Yoshua! Yma seyth lagas war unn men, ha my a wra gravya skrifa warnodho, yn-medh Arloedh an luyow, ha my a wra remova pegh an tir ma yn unn jydh.

Niverow 16:5

hag ev a leveris dhe Koragh ha'y gowetha oll, ‘Y'n myttin an Arloedh a wra diskwedhes piw yw dhodho, ha piw yw sans, hag a wra dhodho dos nes dhodho; ev neb a dhewis ev a'n gwra dhe dhos nes dhodho.

Niverow 6:27

Yndellma i a wra gorra ow hanow war vebyon Ysrael ha my a wra aga benniga.

Matthew 24:24

Rag fals Kristow ha fals profoesi a sev ow kul toknys bras ha marthusyon, rag toella, mara kyllir, an re dhewisys.

Matthew 28:19

Ewgh ytho ha gwra dhe oll an kenedhlow bos dyskyblon, orth aga besydhya yn hanow an Tas, ha'n Mab, ha'n Spyrys Sans,

Matthew 7:23

Hag ena my a dheklar dhedha, “Bythkweth ny'gas aswonnis; diberthewgh dhiworthiv, hwi dhrogoberoryon!”

Matthew 7:25

ha'n glaw a goedhas ha'n livow a dheuth ha'n gwynsow a hwythas ha deghesi war an chi na mes ev ny goedhas, rag y vos selys war garrek.

Mark 12:16

Ytho i a's dros, hag yn-medh ev dhedha, ‘Piw a bew an imaj ma ha'n pennskrifa?’ Yn-medhons dhodho, ‘Sesar.’

Mark 13:22

Rag fals Kristow ha fals profoesi a sev, hag a dhiskwa toknys ha marthusyon, rag toella, mara kyllir, an re dhewisys.

Luk 13:27

Hag ev a lever dhywgh, “Ny'gas aswonnav, a-ble owgh; diberthewgh dhiworthiv, hwi dhrogoberoryon oll!”

Luk 6:48

Ev yw haval dhe dhen ow trehevel chi, neb a balas yn town ha gorra selyow war an garrek; ha pan dheuth liv, an avon a weskis erbynn an chi na, ha ny yllis y gryghylli, rag y vos selys war an garrek.

Yowann 10:14

My yw an bugel da, ha my a aswonn ow deves ow honan, ha'm re ow honan a'm aswonn vy.

Yowann 13:18

Ny gowsav ahanowgh hwi oll; my a woer piw a dhewisis; mes hemm yw rag may fo an skryptor kollenwys, “Ev neb a dhybris bara genev re dhrehevis y wewenn er ow fynn.”

Yowann 3:33

Neb a dhegemmer y dhustuni re worras y sel war hemma: Duw dhe vos lel.

Oberow 11:26

ha pan y'n kavas ev a'n dros dhe Antiogh. Dell hwarva ynwedh i a omguntellas gans an eglos dres blydhen dhien, ha dyski niver meur a dus. Hag yn Antiogh yn kynsa an dhyskyblon a veu henwys Kristonyon.

Oberow 15:17

may hwillo oll an dus erell an Arloedh, an Jentilys oll may feu gelwys ow hanow warnedha, yn-medh an Arloedh re wrug an taklow ma

Oberow 9:14

hag omma ev a'n jeves awtorita dhiworth an bennoferysi dhe gelmi myns a grio war dha hanow.’

Romanyon 11:2

Ny dewlis Duw y bobel dhe-ves neb a ragaswonnis ev. Po a ny wodhowgh hwi pandr'a lever an skryptor a-dro dhe Elias, fatell bys ev Duw erbynn Ysrael?

Romanyon 12:9

Gwres kerensa bos gwiryon; kesewgh an drog, glenewgh orth an da;

Romanyon 15:20

yndella fest ow strivya pregoth an aweyl, y'n tylleryow ma na veu henwys Krist kyns, rag na dhreheffen war sel onan arall,

Romanyon 15:9

ha rag may hwormolla an kenedhlow Duw rag y dregeredh. Dell yw skrifys, ‘Rakhenna my a vynn dha wormel yn mysk an kenedhlow ha kana dhe'th hanow jy’;

Romanyon 8:28

Ni a woer pup-tra dhe oberi war-barth rag dader rag an re a gar Duw, an re yw gelwys herwydh y borpos.

Romanyon 9:11

kyn na vons hwath genys na ny wrussens naneyl da na drog, (rag may pessyo towl Duw herwydh dewisyans, a-der der oberow mes der y alow),

1 Korinthianys 1:2

Dhe eglos Duw usi yn Korinth, dhe'n re sanshes yn Krist Yesu, gelwys may fens i syns, gans oll an re na, yn pub tyller, a gri war hanow agan Arloedh Yesu Krist, Arloedh keffrys dhedha i ha dhyn ni:

1 Korinthianys 8:3

mes nebonan mar kar Duw, aswonnys ganso yth ywa.

2 Korinthianys 7:1

Rakhenna a-ban eus dhyn an ambosow ma, karadowyon, gwren glanhe agan honan dhiworth pub defolans a gig hag a spyrys, ow kul dhe sansoleth bos perfydh y'n own a Dhuw.

Galatianys 4:9

mes y'n eur ma owth aswonn Duw, mes moy yn tevri aswonnys gans Duw, fatell esowgh ow treylya arta war-tu ha'n elvennow gwann hag ydhil, may fynnowgh bos arta kethyon dhedha avel kyns?

Efesianys 2:20

drehevys war sel an abesteli ha'n brofoesi, Krist Yesu y honan ow pos an pennmen.

Efesianys 3:15

mayth yw henwys warnodho pub teylu yn nev ha nor,

Efesianys 4:30

Ha na wrewgh grevya Spyrys Sans Duw, yn neb hwi a veu selys rag dydh daspren.

1 Timothi 3:15

Mes mar strechyav, ty a wra godhvos fatell yw res omdhegi yn mayni Duw, yw eglos an Duw bew, an pilar ha'n grond a wiryonedh.

1 Timothi 6:19

ow kuntell tresor ragdha aga honan avel sel da erbynn an termyn a dheu, may hallons synsi an gwir vewnans.

Ebrowyon 11:10

Rag y hwaytya an sita hag a's tevo selveyn, ha'n pennser ha'n byldyer anedhi yw Duw.

2 Peder 3:14

Ytho, karadowyon, a-ban esowgh ow kortos an taklow ma, bedhewgh diwysyk, dhe vos kevys ganso dinamm ha divlam, yn kres.

1 Yowann 2:19

I eth yn-mes a-dhiworthyn, mes ahanan nyns esens; rag mar pens i ahanan, y pessens genen; mes i eth yn-mes, rag may fo diskwedhys nag esens i oll dhiworthyn ni.

Diskwedhyans 17:8

An best a welsys a veu, ha nyns yw; hag ev a vydh owth yskynna yn-mes a'n pytt diwoeles, ha mos a wra dhe dhiswrians. Hag y fydh marth dhe drigoryon an norvys, na veu skrifys aga hanow y'n lyver a vewnans dhiworth gwrians an bys, pan welons an best, rag yth o, ha nyns yw, hag y fydh.

Diskwedhyans 2:13

‘My a aswonn le mayth esos trigys, le mayth usi tron Satnas, ha ty a syns ow hanow yn fast ha ny wrussys nagha ow fydh hwath y'n dydhyow na may feu ledhys Antipas ow merther len yn agas mysk, le may trig Satnas.

Diskwedhyans 21:14

Ha fos an sita a's tevo dewdhek sel, hag ynna henwyn dewdhek abostol an Oen.

Diskwedhyans 22:4

hag i a wel y fas: ha'y hanow a vydh war aga thal.

Diskwedhyans 3:8

‘My a aswonn dha wriansow. Otta, my re worras daras igerys a-dheragos, ha denvyth ny yll y dhegea; rag bos krevder byghan genes, ha re withsys ow ger, ha ny neghsys ow hanow.