2 Timothi 2:15 - An Bibel Kernewek 20234 (Kernewek Kemmyn)

¹⁵ Bydh freth dhe omdhiskwedhes kemmeradow dhe Dhuw, gonisyas heb meth, ow styrya yn ewn an ger a wiryonedh,

2 Timothi 2:15 Iomraidhean Croise

Matthew 13:52

Yn-medh ev dhedha, ‘Pub skriba, ytho, a veu dyskys rag gwlaskor nev yw haval dhe diek neb a denn yn-mes a'y withva taklow nowydh ha taklow koth.’

Mark 4:33

Dre lies parabolenn a'n par na yth esa ow terivas an ger dhedha, kepar dell esa dhedha galloes a'y glewes;

Luk 12:42

Ha'n Arloedh a worthybis, ‘Piw ytho yw an rennyas lel ha doeth neb a re an mester dhodho charj a'y servysi dhe ri dhedha aga ewnrannow y'n seson ewn?

Oberow 2:22

‘Gwer Ysrael, klewewgh an geryow ma: Yesu a Nazareth, gour kommendys dhywgh gans Duw, gans oberow galloesek ha marthusyon hag toknys hag a wrug Duw dredho yn agas mysk, dell wodhowgh hwi agas honan,

Oberow 20:27

rag ny omwithis vy rag derivas dhywgh oll an gusul a Dhuw.

Romanyon 14:18

neb a serv Krist yndella yw plegadow gans Duw ha kevys da gans tus.

Romanyon 16:10

Salusewgh Apelles, neb yw kommendys yn Krist. Salusewgh eseli teylu Aristobulus.

Romanyon 6:13

Ha na rewgh agas eseli dhe begh avel arvow anewnder, mes omrewgh dhe Dhuw avel tus dhastrehevys a vernans dhe vewnans ha'gas eseli dhe Dhuw avel arvow ewnder.

1 Korinthianys 2:6

Hwath yn mysk an re adhves ni a gews skentoleth, kyn nag yw skentoleth a'n oes ma po a rewlysi a'n oes ma, neb a dremen dhe-ves.

2 Korinthianys 10:18

rag nyns yw ev neb a omgommend y honan neb yw degemmerys, mes ev neb yw kommendys gans an Arloedh.

2 Korinthianys 3:6

neb a'gan gwrug gwiw dhe vos menystrys a gevambos nowydh, a-der a lytherenn mes a spyrys; rag an lytherenn a ladh, mes an spyrys a vewha.

2 Korinthianys 4:2

mes ni re hepkorras traow kevrinek ha divlas; ny wren ni gul devnydh a felder, na gul kamm ger Duw, mes dre dhiskwedhyans a'n gwiryonedh ni a omgommend dhe gowses pub huni dherag Duw.

2 Korinthianys 5:9

Rakhenna, mars eson ni po yn tre po a-dre, mall yw genen ni bos plegadow dhodho.

Galatianys 1:10

Esov vy ytho owth assaya y'n eur ma perswadya tus po Duw? Po a hwilav plesya tus? Mar pen vy hwath ow plesya tus ny vien kethwas Krist.

Efesianys 1:13

yn neb hwi ynwedh, ow klewes an ger a wiryonedh, aweyl agas selwyans, yn neb hwi ynwedh ow krysi, a veu selys gans an Spyrys Sans ambosys,

1 Thessalonianys 2:4

mes, ha ni kommendys gans Duw may fo gorrys an aweyl yn charj dhyn ni, yndella y kewsyn: ny wren kewsel dhe blegya dhe vab-den, mes dhe Dhuw a brev agan kolonnow.

1 Thessalonianys 5:14

Ha ni a'gas pys, a vreder, a geski an re yw diek, a hebaskhe an re yw digolonnek, a skoedhya an re yw gwann, hir agas godhevyans troha pub den oll.

1 Timothi 4:6

Mar profydh an taklow ma dhe'n vreder, gwas da dhe Grist Yesu vydhydh, megys gans geryow an fydh ha'n dyskas da re siwsys.

Ebrowyon 4:11

Bedhes mall genen ytho a entra y'n bowesva na, ma na goettho nagonan dre dhiwostytter a'n keth par.

Jamys 1:12

Gwynnvys an gour a bes yn-dann brevyans rag, wosa bos prevys, ev a dhegemmer an gurun a vewnans a ambosas Duw dhe'n re a'n kar.

Jamys 1:18

Gans y vynnas ev, ev a'gan dineythis dre er a wiryonedh, may fen ni avel an kynsa frut a'y greaturs.

2 Peder 1:10

Rakhenna, a vreder, bedhewgh dhe voy diwysyk dhe fastya agas galow ha'gas dewis; rag mar kwrewgh an taklow ma, ny wrewgh trebuchya bynitha.

2 Peder 1:15

Ha my a striv gwella gylliv dhe surhe hwi dhe berthi kov pup-prys a'n taklow ma wosa ow thremenyans.

2 Peder 3:14

Ytho, karadowyon, a-ban esowgh ow kortos an taklow ma, bedhewgh diwysyk, dhe vos kevys ganso dinamm ha divlam, yn kres.