2 Timothi 1:5 - An Bibel Kernewek 20234 (Kernewek Kemmyn)

⁵ ow perthi kov a'th fydh heb toell na gil a re beu kyns y'th vamm-wynn Lois hag y'th vamm Ewnike hag a drig ynnos jy, sur ov vy.

2 Timothi 1:5 Iomraidhean Croise

Salmow 116:16

Yn hwir, A Arloedh, dha was ov vy, dha was ov vy, ha mab dha vaghteth. Ty re dorras ow holmennow.

Salmow 17:1

Klew an ewnder, A Arloedh, goslow dhe'm garm; ro skovarn dhe'm pysadow mes a dhiwweus heb gil.

Salmow 18:44

Kettell glewons ahanav, gostydh yns i dhymm; estrenyon a ombleg dhymm.

Salmow 22:10

Tewlys en vy warnas a-dhiworth an brys, ty yw ow Duw a-dhiworth torr ow mamm.

Salmow 66:3

Leverewgh dhe Dhuw, ‘Ass osta euthyk y'th wriansow! Dre vraster dha nerth yth ombleg dha eskerens dhiso jy.

Salmow 77:6

My a berth kov a'm kan y'n nos; my a gews gans ow holonn, ha'm enev a hwila dihwans:

Salmow 81:15

An re a gas an Arloedh a omwrussa gostydh dhodho, ha'ga thermyn a via bys vykken.

Salmow 86:16

Treyl dhymmo vy, ha bydh grassyes orthiv; ro dha nerth dhe'th was, ha salw mab dha vaghteth.

Yeremia 3:10

Mes yn spit dhe oll hemma, ny dreylyas hy hwoer draytus Yuda dhymm gans oll hy holonn, mes yn fayntys, yn-medh an Arloedh.

Yowann 1:47

Yesu a welas Nathanael ow tos dhodho hag yn-medh ev anodho, ‘Awotta Ysraelyas yn hwir, ma nag eus ynno gil!’

Oberow 16:1

Hag ynwedh ev a dheuth yn-nans dhe Derbe ha dhe Lystra. Hag otta, yth esa ena unn dyskybel henwys Timothi, mab Yedhowes kryjyk mes y das o Grek.

Oberow 26:26

Rag an myghtern a gonvedh a-dro dhe'n taklow ma, hag orto ev my a gews, hardh ow lavarow, rag sur ov vy nag yw nagonan a'n taklow ma kudhys dhiworto, rag ny veu hemma gwrys yn kornell.

Romanyon 14:14

My a woer ha gwrys sur ov gans an Arloedh Yesu, nag yw travyth kemmyn dredho y honan, mes gans an den a dyb y vos kemmyn, kemmyn yw.

Romanyon 14:5

Unn den a syns unn jydh gwell ages dydh arall, ha den arall a syns pub dydh par. Bedhes peub sur yn y vrys y honan.

Romanyon 15:14

Ha surhes ov ow honan, ow breder, yn agas kever, hwi ynwedh dhe vos leun a dhader, lenwys a bub godhvos, had abel dhe ri kusul an eyl dh'y gila.

Romanyon 4:21

hag ow pos sur y hylli Duw gul an pyth re ambossa.

Romanyon 8:38

Rag surhes ov, nag ankow, na bewnans, nag eledh, na prynsipatys, na taklow eus lemmyn, na taklow a dheu, na nerthow,

2 Korinthianys 6:6

yn glander, yn godhvos, yn perthyans, yn kuvder, y'n Spyrys Sans, yn kerensa wiryon,

1 Timothi 1:5

Mes towl an arghadow yw kerensa yn-mes a golonn lan ha kowses da ha fydh heb gil.

1 Timothi 4:6

Mar profydh an taklow ma dhe'n vreder, gwas da dhe Grist Yesu vydhydh, megys gans geryow an fydh ha'n dyskas da re siwsys.

2 Timothi 1:12

Rakhenna y hwodhavav an taklow ma; mes ny borthav meth, rag my a woer neb re grysis ynno ha sur ov vy ev dhe alloes gwitha an pyth re beu gorrys y'm charj, bys y'n jydh na.

2 Timothi 3:15

ha ty dhe wodhvos a-ban es flogh an skrifow sans, a yll dha wul fur bys yn selwyans dre fydh yn Krist Yesu.

Ebrowyon 11:13

Dre fydh y ferwis oll an re ma, heb degemmeres an ambosow; mes i a's gwelas ha'ga salusi a-bell, ow konfessya aga bos estrenyon ha godrigoryon war an nor.

Ebrowyon 6:9

Kyn kewsyn yndellma, yn agas kas hwi, karadowyon, surhes on a daklow gwell a dheu gans selwyans.

1 Peder 1:22

Wosa glanhe agas enev der wostytter dhe'n gwir, dhe gerensa broder heb fayntys, kerewgh an eyl y gila yn tiwysyk, yn-mes a golonn lan.