2 Timothi 1:3 - An Bibel Kernewek 20234 (Kernewek Kemmyn)

³ Gras a wonn dhe Dhuw a wordhyav dell wrug ow thasow, divlam ow howses, ow perthi kov ahanas heb hedhi y'm pysadow dydh ha nos,

2 Timothi 1:3 Iomraidhean Croise

Luk 2:37

ha hi gwedhwes bys peswar bloedh ha peswar-ugens, neb na dhiberthi dhiworth an tempel, ow servya Duw gans penys ha pysadow dydh ha nos.

Oberow 22:3

‘Yedhow ov vy, genys yn Tarsus yn Kilikia, mes meythrys y'n sita ma, dyskys orth treys Gamaliel, straght herwydh lagha agan tasow, diwysyk rag Duw kepar ha hwi oll hedhyw.

Oberow 23:1

Powl, ow mires gluw orth an konsel, a leveris, ‘Breder, bys y'n jydh ma my re vewas gans kowses da a-rag Duw.’

Oberow 24:14

Mes hemma my a gonfess dhis, my dhe wordhya Duw agan tasow, herwydh an Fordh a elwons i sekt, ow krysi pup-tra yw herwydh an lagha ha'n taklow skrifys y'n brofoesi.

Oberow 24:16

Rakhenna my ow honan a striv prest dhe synsi kowses divlam a-rag Duw ha tus oll.

Oberow 26:4

‘Ytho, oll an Yedhewon a woer gis ow bewnans a-dhia'm yowynkneth, bewnans spenys dhiworth an dalleth yn mysk ow henedhel hag yn Yerusalem.

Oberow 27:23

Rag nyhewer y sevis rybov el a'n Duw neb a'm piw hag ynwedh neb a servyav,

Romanyon 9:1

Yth esov ow kewsel an gwirder yn Krist, ny wowlavarav; ow howses a dheg dustuni y'n Spyrys Sans,

2 Korinthianys 1:12

Lemmyn, hemm yw agan bost, dustuni agan kowses, ni dhe omdhegi y'n bys yn sempledh ha gwiryonsys Duw, heb skentoleth an kig mes dre ras Duw, ha dres oll orthowgh hwi.

Galatianys 1:14

hag avonsya pella yn yedhowieth ages lies kevoes genev a'm kenedhel vy ha bos tynn dres eghenn rag hengovyow ow hendasow.

Efesianys 1:16

ny asav grassa ragowgh, orth agas kampoella y'm pysadow,

1 Thessalonianys 3:10

ow pysi yn tiwysyk dydh ha nos a weles agas fas ha kollenwel an pyth a fyll yn agas fydh?

1 Timothi 1:19

ow synsi fydh ha kowses da. Yma tus, ow skonya hemma, re wrug gorhel terrys a'ga fydh;

1 Timothi 1:5

Mes towl an arghadow yw kerensa yn-mes a golonn lan ha kowses da ha fydh heb gil.

1 Timothi 5:5

Neb yw gwedhwes wir, neb re beu gesys hy honan, re settyas hy govenek war Dhuw, ow pesya yn govynnadow ha pysadow dydh ha nos.

2 Timothi 1:5

ow perthi kov a'th fydh heb toell na gil a re beu kyns y'th vamm-wynn Lois hag y'th vamm Ewnike hag a drig ynnos jy, sur ov vy.

2 Timothi 3:15

ha ty dhe wodhvos a-ban es flogh an skrifow sans, a yll dha wul fur bys yn selwyans dre fydh yn Krist Yesu.

Ebrowyon 13:8

Yesu Krist yw an keth de ha hedhyw ha bys vykken.

1 Samuel 12:23

Ynwedh dhe'm parth vy, pell bedhes dhiworthiv my dhe begha erbynn an Arloedh dre hedhi pysi ragowgh; ha my a dhysk dhywgh an da ha'n fordh ewn.