2 Timothi 1:12 - An Bibel Kernewek 20234 (Kernewek Kemmyn)

¹² Rakhenna y hwodhavav an taklow ma; mes ny borthav meth, rag my a woer neb re grysis ynno ha sur ov vy ev dhe alloes gwitha an pyth re beu gorrys y'm charj, bys y'n jydh na.

2 Timothi 1:12 Iomraidhean Croise

Salmow 25:2

Ow Duw, my a drest ynnos jy, na as vy dhe berthi meth; na vedhes ow eskerens heudhik a'm govis.

Salmow 31:5

Y'th leuv jy y kemmynnav vy ow spyrys; ty re'm dasprenas, A Arloedh, Duw a wiryonedh.

Salmow 56:9

Ena y treyl ow eskerens war-dhelergh y'n jydh may halwav. Hemma a wonn; rag yma Duw genev.

Salmow 9:10

Ha'n re a aswonn dha hanow a drest ynnos, rag ty, A Arloedh, ny forsaksys seul a'th hwila.

Ysay 12:2

Otta, Duw yw ow selwyans; my a fydh, ha ny borthav own, rag an Arloedh Duw yw ow nerth ha'm kan, hag ev yw ow selwyans.

Ysay 50:7

An Arloedh Duw a'm gweres, ytho ny veuv konfondys; rakhenna my re settyas ow fas avel kellester, ha my a wonn na borthav meth.

Ysay 54:4

Na borth own, rag ny' fydh sham, na vydh digolonnek, rag ny berthydh mewl; rag ty a ankev disenor dha yowynkneth, ha ny berthydh kov a vewl dha wedhowses na fella.

Nahum 1:7

Da yw an Arloedh, dinas yn dydh anken; hag ev a aswonn an re a drest ynno ev.

Matthew 12:21

hag yn y hanow ev an Jentilys a's tevydh govenek.’

Matthew 24:36

‘Mes a-dro dhe'n jydh na ha'n eur, ny woer denvyth, naneyl eledh an nevow, na'n Mab, saw unnsel an Tas.

Matthew 7:22

Lies huni a lever dhymm y'n jydh na, “Arloedh, Arloedh, a ny wrussyn profoesa yn dha hanow jy, hag yn dha hanow tewlel yn-mes dywolow, hag yn dha hanow gul meur a oberow galloesek?”

Luk 10:12

My a lever dhywgh, perthi a vydh esya rag Sodom y'n jydh na es dell vydh rag an sita na.

Luk 23:46

Ha Yesu a grias gans lev ughel ha leverel, ‘A Das, y'th tiwleuv y kemmynnav vy ow spyrys.’ Hag ow leverel hemma, ev a anellas y spyrys yn-mes.

Yowann 17:15

Ny wovynnav ty dh'aga hemmeres yn-mes a'n bys, mes ty dh'aga gwitha rag an tebel el.

Yowann 6:44

Ny yll denvyth dos dhymmo vy marnas an Tas neb a'm dannvonas a'n tenn; ha my a'n drehav dydh fin.

Oberow 13:46

Hag ow kewsel yn hardh, Powl ha Barnabas a leveris, ‘Res o bos ger Duw kewsys dhywgh hwi yn kynsa; mes a-ban y'n skonyowgh hag omvreusi agas honan anwiw a vewnans heb diwedh, otta, ni a dreyl dhe'n Jentilys.

Oberow 13:50

Mes an Yedhewon a ynnias war an benynes a vri neb a wordhya Duw ha gwelhevin an sita, ha dalleth helghyans erbynn Powl ha Barnabas, ha'ga thewlel mes a'ga ranndir.

Oberow 21:13

Ena Powl a worthybis, ‘Pandr'a wrewgh hwi, owth oela ha treghi ow holonn? Rag parys ov vy dhe vos kelmys keffrys ha merwel yn Yerusalem a-barth hanow an Arloedh.’

Oberow 7:59

Hag i ow labydha Stefan, ev a elwis war Dhuw, ow leverel, ‘Arloedh Yesu, degemmer ow spyrys’,

Oberow 9:16

rag my a wra diskwedhes dhodho pygemmys y telledh ev dhe wodhav a-barth ow hanow.’

Romanyon 1:16

Rag ny'm beus meth a'n aweyl: galloes Duw dhe selwel yw hi dhe geniver a grys, dhe'n Yedhow yn kynsa ha dhe'n Grek keffrys.

Romanyon 9:33

dell yw skrifys, ‘Ottavy ow korra yn Sion men trebuchya, ha karrek a offens ha neb a grysso ynno, ny berth ev meth.’

1 Korinthianys 1:8

Ynwedh ev a wra agas krevhe bys y'n diwedh, may fowgh hwi divlam yn dydh agan Arloedh Yesu Krist.

1 Korinthianys 3:13

ober kettep penn a wra dos ha bos apert, rag an jydh a wra y dhiskwedhes, rag y fydh diskwedhys gans tan, ha'n tan a wra previ py par ober re beu gwrys gans kettep penn.

Filippianys 1:20

war-lergh ow gwaytyans ha'm govenek na vydhav shamys yn travyth, mes y fydh Krist meurhes gans bolder leun avel pup-prys, hag y'n eur ma ynwedh y'm korf, po dre vewnans po dre vernans.

Filippianys 3:10

rag y aswonnvos ev ha galloes y dhasserghyans, ha kevrenn yn y alarow, kesformys yn y vernans,

Filippianys 3:21

neb a wra treylya agan korf uvel dhe gorf kehaval dhe'n korf a'y splannder, der oberyans y alloes dhe worra pup-tra yn-danno ev.

Filippianys 3:8

Moy es henna, my a syns bos pup-tra koll rag an pris dres eghenn a aswonnvos Krist Yesu ow Arloedh, rag neb my a gollas pup-tra, ha my a syns y vos skoellyon may kyffiv Krist,

1 Thessalonianys 2:16

orth agan lettya a gewsel orth an Jentilys may fens i selwys, may hwrellens kollenwel aga feghosow pup-prys. Mes an sorr a dheuth warnedha wortiwedh.

1 Thessalonianys 5:4

Mes nyns esowgh hwi, a vreder, yn tewlder, may hwrello an jydh agas kavoes kepar ha lader.

1 Timothi 6:20

A Timothi, gwra gwitha an dra re beu res y'th charj, ow treylya dhiworth lavarow gwag hag ansans, ha tybyansow an eyl kontrari dh'y gila, yw henwys ‘Godhvos’ yn fals;

2 Timothi 1:14

Gwith an charj teg der an Spyrys Sans a drig ynnon.

2 Timothi 1:16

Re dhiskwettho an Arloedh tregeredh dhe deylu Onesiforus rag ev a'm cheryas yn fenowgh ha ny borthas meth a'm kargharow,

2 Timothi 1:18

Re wrontyo an Arloedh dhodho may kaffo tregeredh dhiworth an Arloedh y'n jydh na. Ty a woer yn ta an gonis a wrug yn Efesus.

2 Timothi 1:8

Ytho, na gemmer meth a dhustuni agan Arloedh, nag ahanav vy, y brisner, mes bydh kevrenner yn godhevyans rag an aweyl war-lergh galloes Duw,

2 Timothi 2:9

may hwodhavav drog rygdhi, bys may fiv yn kolmow kepar ha drogoberer; mes nyns yw lavar Duw kelmys.

2 Timothi 4:8

Alemma rag, ragov vy parys yw an gurun a ewnder a re an Arloedh, an breusydh ewn, dhymmo vy y'n jydh na, ha nyns yw ragov vy yn unnsel, mes rag pubonan re garas y omdhiskwedhyans.

Titus 3:8

Lel yw an ger. My a vynn ty dhe ynnia an taklow ma, may prederro an re re wrug krysi yn Duw a-dro dhe omri dhe oberow da. An taklow ma yw da ha dhe les dhe vab-den.

Ebrowyon 12:2

ow mires war-tu ha Yesu, awtour ha perfydhder agan fydh, rag an lowender settys a-ragdho ev neb a borthas an grows, ow tispresya an meth, ha neb re esedhas orth leuv dhyghow tron Duw.

Ebrowyon 2:18

Rag drefenn ev y honan dhe wodhevel ha bos temptys, ev a yll gweres dhe'n re a vydh temptys.

Ebrowyon 7:25

Yndellma, ev a yll selwel, rag oll termyn, an re a nes dhe Dhuw dredho, rag ev a vew prest dhe bysi ragdha.

1 Peder 1:5

neb yw gwithys dre alloes Duw dre fydh dhe selwyans parys dhe vos diskwedhys y'n termyn diwettha.

1 Peder 4:16

Mes mar kodhev avel Kristyon, na berthes meth, mes gwres ev gordhya Duw y'n hanow ma.

1 Peder 4:19

Ytho, an re a wodhev war-lergh bodh Duw, gwrens i kemmynna aga enev dhe Greador lel, ow kul dader.

Lyther Yud 1:24

Lemmyn dhe neb a yll agas gwitha rag koedha ha'gas gorra heb namm a-rag y wolewder gans heudhder,