2 Samuel 9:7 - An Bibel Kernewek 20234 (Kernewek Kemmyn)

⁷ Davydh a leveris dhodho, ‘Na borth own, rag my a dhiskwa tregeredh dhis rag Yonathan dha das; ha my a dhaskorr dhis oll tir a Sowl dha das, ha ty a dheber boes orth ow moes pup-prys.’

2 Samuel 9:7 Iomraidhean Croise

Jenesis 43:18

Ha'n wer a berthi own rag i dhe vos dres a-bervedh yn chi Yosep, hag yn-medhons, ‘Ni re beu dres a-ji drefenn an mona a veu daskorrys yn agan seghyer an kynsa gweyth. Ev a vynn omsettya er agan pynn ha koedha warnan, ha'gan kemmeres dhe vos kethyon, ha'gan asenes ynwedh.’

Jenesis 43:23

Hag yn-medh ev, ‘Kres dhywgh hwi. Na berthewgh own. Agas Duw ha Duw agas tas re ros dhywgh tresor yn agas seghyer. Agas mona a dheuth dhymmo vy.’ Ena ev a dhros Simeon yn-mes dhedha.

2 Samuel 12:8

My a ros dhis chi dha vester, ha gwragedh dha vester yn dha askra, ha ri dhis chi Ysrael ha Yuda; ha mar pe henna re vyghan, my a rosa dhis kemmys moy.

2 Samuel 19:28

Rag oll chi ow thas a veu gwer ow tervynn an mernans dherag ow arloedh; hwath ty a settyas dha was yn mysk an re a dheber orth dha voes. Ytho py reyth eus dhymm kria moy dhe'n myghtern?’

2 Samuel 19:29

An myghtern a leveris dhodho, ‘Prag y kewsydh moy? My re leveris, ty ha Siba a wra kevrenna an gwel.’

2 Samuel 19:33

An myghtern a leveris dhe Barzillay, ‘Treus genev, ha my a brovi ragos yn Yerusalem genev.’

2 Samuel 21:7

Mes an myghtern a sparyas Mefibosheth mab Yonathan mab Sowl, drefenn an ti a-rag an Arloedh esa yntredha, yntra Davydh ha Yonathan mab Sowl.

2 Samuel 9:1

Davydh a wovynnas, ‘Eus hwath nebonan yw gesys a ji Sowl, may hallav diskwedhes dhodho tregeredh drefenn Yonathan?’

2 Samuel 9:10

Ty ha'th vebyon ha'th wesyon a wonedh an dor ragdho, ha ty a dhre an askorr, may hyll mab dha vester kavoes boes dhe dhybri; mes Mefibosheth mab dha vester a dheber boes pup-prys orth ow moes. Lemmyn yth esa dhe Siba pymthek mab hag ugens gwas.

2 Samuel 9:11

Ena Siba a leveris dhe'n myghtern, ‘War-lergh pup-tra a wra ow arloedh an myghtern y erghi dh'y was, yndella y hwra dha was.’ Ha Mefibosheth a dhybri orth moes Davydh, avel onan a vebyon an myghtern.

2 Samuel 9:13

Ytho yth esa Mefibosheth trigys yn Yerusalem, rag ev a dhybri pup-prys orth moes an myghtern. Evredhek o yn y dhewdroes.

2 Samuel 9:3

Yn-medh an myghtern, ‘A nyns eus hwath gour gesys a ji Sowl, may hallav diskwedhes tregeredh Duw dhodho?’ Ha Siba a worthybis, ‘Yma hwath gesys mab Yonathan; evredhek yw yn y dhewdroes.’

1 Myghternedh 2:7

Mes bydh kuv orth vebyon Barzillay an Gileadyas, ha bedhens yn mysk an re a dheber orth dha voes: rag yndella y teuthons dhymm pan fiis vy dhiworth Absalom dha vroder.

2 Myghternedh 25:29

Ytho Yekoyakin a worras a-denewen y dhillas prison. Pub dydh a'y vewnans ev a dhybri a-dherag an myghtern.

Salmow 41:9

Ynwedh ow howeth ker ow honan may trestis vy ynno, neb a dhybris ow bara, re dhrehevis y wewenn er ow fynn.

Yeremia 52:33

Ytho Yekoyakin a worras a-denewen y dhillas prison, ha pub dydh a'y vewnans ev a dhybri bara a-ragdho.

Zekaria 7:9

Yndellma y lever Arloedh an luyow: Breusewgh gans gwirvreus; gwrewgh mersi ha piteth an eyl dh'y gila.

Matthew 6:11

Ro dhyn ni hedhyw agan bara pub-dydhyek;

Luk 22:30

may typprowgh hag eva orth ow moes y'm gwlaskor, hag esedha war dronyow, ow preusi dewdhek loeth Ysrael.’

Diskwedhyans 3:20

Otta, yth esov ow sevel orth an daras ha knoukya: den mar klew ow lev hag igeri an daras, my a dheu a-ji ganso, ha sopya ganso, hag ev genev vy.

1 Samuel 12:24

Perthewgh own a'n Arloedh, ha'y servya yn gwiryonedh gans oll agas kolonn; prederewgh an traow meur re wrug ev ragowgh.

1 Samuel 20:15

na drogh dhe-ves nevra dha dregeredh dhiworth ow chi, kyn hwrella an Arloedh treghi dhe-ves oll eskerens Davydh a-dhiworth enep an norvys.’

1 Samuel 22:23

Trig genev, ha na borth own; rag ev neb a hwila ow bewnans vy a hwila dha vewnans jy; ty a vydh saw genev.’