2 Samuel 9:6 - An Bibel Kernewek 20234 (Kernewek Kemmyn)

⁶ Mefibosheth mab Yonathan mab Sowl a dheuth dhe Davydh, hag ev a goedhas war y fas, hag omblegya. Ha Davydh a leveris, ‘Mefibosheth!’ Ev a worthybis, ‘Ottavy, dha was!’

2 Samuel 9:6 Iomraidhean Croise

Jenesis 18:2

Hag ev a dhrehevis y dhewlagas ha mires, hag awotta, yth esa tri gour ow sevel a-dal dhodho, ha pan y's gwelas ev a boenyas dh'aga metya dhiworth daras an tylda hag omblegya dhe'n dor

Jenesis 33:3

Ev y honan a dremenas a-dheragdha, hag omblegya dhe'n leur seythgweyth bys pan dheuth nes dh'y vroder.

2 Samuel 1:7

Pan dreylyas a-dro, ev a'm gwelas, ha gelwel dhymm, ha my a worthybis, “Ottavy syrra.”

2 Samuel 16:4

Ena yn-medh an myghtern dhe Siba, ‘Otta, oll esa dhe Mefibosheth a vydh dhis lemmyn.’ Ha Siba a leveris, ‘My a ombleg; re gyffiv gras y'th wolok, ow arloedh an myghtern.’

2 Samuel 21:7

Mes an myghtern a sparyas Mefibosheth mab Yonathan mab Sowl, drefenn an ti a-rag an Arloedh esa yntredha, yntra Davydh ha Yonathan mab Sowl.

2 Samuel 4:4

Yth esa dhe Yonathan mab Sowl mab neb o evredhek yn y dhewdroes. Ev o pymp bloedh pan dheuth an nowodhow a-dro dhe Sowl ha Yonathan yn-mes a Yezreel. Y vagores a'n kemmeras yn-bann ha fia; hag y hwarva, pan fistenas dhe fia, ev dhe goedha ha dos ha bos klof. Ha'y hanow o Mefibosheth.

2 Samuel 9:5

Ena myghtern Davydh a dhannvonas ha'y dhri dhiworth chi Makir mab Ammiel, yn Lo-debar.

1 Kroniklys 8:34

Mab Yonathan o Merib-baal; ha Merib-baal a dhineythis Mika.

1 Kroniklys 9:40

Mab Yonathan o Merib-baal ha Merib-baal a dhineythis Mika.

1 Samuel 20:41

Ha kettell veu an maw gyllys, Davydh a sevis yn-bann dhiworth tenewen an krug a veyn, ha koedha war y fas dhe'n leur. Ev a blegyas dhe'n dor teyrgweyth, hag i a ammas an eyl dh'y gila, hag i a oelas an eyl gans y gila; mes Davydh a oelas moy.

1 Samuel 25:23

Pan welas Abigayl Davydh, hi a fistenas ha diyskynna dhiworth an asen, ha koedha a-rag Davydh war hy fas hag omblegya dhe'n dor.