2 Samuel 9:11 - An Bibel Kernewek 20234 (Kernewek Kemmyn)

¹¹ Ena Siba a leveris dhe'n myghtern, ‘War-lergh pup-tra a wra ow arloedh an myghtern y erghi dh'y was, yndella y hwra dha was.’ Ha Mefibosheth a dhybri orth moes Davydh, avel onan a vebyon an myghtern.

2 Samuel 9:11 Iomraidhean Croise

2 Samuel 15:15

Yn-medh gwesyon an myghtern dhe'n myghtern, ‘Awotta, parys yw dha wesyon dhe wul pypynag a dhewisso agan arloedh an myghtern.’

2 Samuel 19:17

Ganso yth esa mil wour a Benyamin, war-barth gans Siba, gwas chi Sowl, ha'y bymthek mab ha'y ugens gwas. I a fyskas dhe'n Yordan dherag an myghtern.

2 Samuel 19:24

Mefibosheth mab-wynn Sowl a dheuth yn-nans dhe vetya an myghtern. Ny wrussa kemmeres gwith a'y dreys, na treghi y varv, na golghi y dhillas, a-dhia'n jydh may tibarthas an myghtern bys y'n jydh may teuth arta yn kres.

2 Samuel 19:26

Ev a worthybis, ‘Ow arloedh, A vyghtern, ow gwas a'm traytas; rag dha was a leveris dhodho, “My a dhiber an asen ragov, may hallav marghogeth warnedhi ha mones gans an myghtern.” Drefenn dha was yw klof.

2 Samuel 9:10

Ty ha'th vebyon ha'th wesyon a wonedh an dor ragdho, ha ty a dhre an askorr, may hyll mab dha vester kavoes boes dhe dhybri; mes Mefibosheth mab dha vester a dheber boes pup-prys orth ow moes. Lemmyn yth esa dhe Siba pymthek mab hag ugens gwas.

2 Samuel 9:12

Yth esa dhe Mefibosheth mab yowynk, ha'y hanow Mika. Hag oll an re trigys yn chi Siba eth ha bos gwesyon Mefibosheth.

2 Samuel 9:13

Ytho yth esa Mefibosheth trigys yn Yerusalem, rag ev a dhybri pup-prys orth moes an myghtern. Evredhek o yn y dhewdroes.