2 Samuel 8:6 - An Bibel Kernewek 20234 (Kernewek Kemmyn)

⁶ Ena Davydh a settyas savleow-goelyadoryon yn Aram Damaskus; hag Aram eth ha bos gostydh dhe Davydh, or tri trubyt. Yth esa an Arloedh ow ri trygh dhe Davydh plepynag yth e.

2 Samuel 8:6 Iomraidhean Croise

2 Samuel 10:19

Pan welas oll an vyghternedh neb o gwesyon Hadadezer, aga bos fethys a-dherag Ysrael, i a wrug kres gans Ysrael, ha'ga servya.

2 Samuel 23:14

Y'n termyn na, yth esa Davydh y'n ger, hag yth esa savla-goelyadoryon an Filistysi yn Bethlehem.

2 Samuel 3:18

Lemmyn ytho gwrewgh yndella; rag an Arloedh re gewsis dhe Davydh, ha leverel: Dre leuv ow gwas Davydh my a wra sawya ow fobel Ysrael dhiworth leuv an Filistysi, ha dhiworth leuv oll aga eskerens.’

2 Samuel 5:10

Ha Davydh eth ha bos brassa ha brassa, rag yth esa an Arloedh, Duw an luyow, ganso.

2 Samuel 7:9

ha my re beu genes plepynag yth ythys, ha my re droghas dhe-ves oll dha eskerens a-dheragos; ha my a wra ragos hanow meur, kepar ha hanow brasyon an norvys.

2 Samuel 8:14

Ev a settyas savleow-gwithysi yn Edom; der oll Edom ev a settyas savleow-gwithysi, hag oll Edom eth ha bos gwesyon dhe Davydh. Ha'n Arloedh a ros trygh dhe Davydh plepynag yth e.

2 Samuel 8:2

Ev a fethas Moab ynwedh, hag ev a's gwrug dhe wrowedha war an leur ha'ga musura der an gordenn-vusura; ev a vusuras diw gordenn dhe worra dhe'n mernans, hag unn kordenn leun dhe witha yn few. Hag yndellma Moab eth ha bos gostydh dhe Davydh, ow tri trubyt dhodho.

2 Samuel 8:7

Davydh a gemmeras an skoesow a owr esa gans gwesyon Hadadezer, ha'ga dri dhe Yerusalem.

1 Myghternedh 4:21

Yth esa Solomon ow rewlya war oll an gwlaskordhow dhiworth an avon Ewfrates bys pow an Filistysi, ha bys yn or Ejyp; i a dhros trubyt ha servya Solomon dydhyow oll y vewnans.

2 Myghternedh 1:1

Wosa mernans Ahab Moab a rebellyas erbynn Ysrael.

2 Myghternedh 14:28

Gweythresow erell Yeroboam, ha pup-tra a wrug, ha'y nerth in breselyow, ha fatell dhaskavas Damaskus ha Hamath rag Ysrael, a nyns yns i skrifys yn lyver kovadhow myghternedh Ysrael?

2 Myghternedh 18:7

Yth esa an Arloedh ganso; ev a sewenis yn pup-tra a omgemmeras. Ev a rebellyas erbynn myghtern Assyria, ha ny'n servyas.

2 Myghternedh 3:4

Mesha myghtern Moab o mager a dheves, ha res o dhodho provia dhe vyghtern Ysrael kans mil oen ha kans mil hordh anknyvys.

1 Kroniklys 18:13

Ev a settyas savleow-gwithysi yn Edom; hag oll an Edomysi a dheuth ha bos gostydh dhe Davydh. Ha'n Arloedh a ros trygh dhe Davydh plepynag yth e.

2 Kroniklys 17:2

Ev a worras kasoryon yn oll an sitys kerys a Yuda hag a worras savleow-gwithysi yn pow Yuda hag y'n sitys a Efraym re beu kemmerys gans y das Asa.

Salmow 140:7

A Arloedh Duw, nerth ow selwyans, ty re beu skoes dhe'm penn yn dydh an gas.

Salmow 60:10

A ny'gan forsaksys, A Dhuw? Nyns edh yn-mes gans agan luyow.

Lavarow Koth 21:31

An margh yw darbarys rag dydh an gas, mes yma an trygh dhe'n Arloedh.

1 Samuel 13:3

Yonathan a fethas savla-gwithysi an Filistysi esa yn Geba, ha'n Filistysi a glewas anodho. Ha Sowl a hwythas an hirgorn der oll an tir, ow leverel, ‘Gwres an Filistysi klewes!’

1 Samuel 14:1

Unn jydh Yonathan mab Sowl a leveris dhe'n gour yowynk esa ow toen y arvow, ‘Deus, ha treusyn dhe savla-goelyadoryon an Filistysi usi a'n tu arall.’ Mes ny'n derivas orth y das.

1 Samuel 14:15

Yth esa kren y'n lu, y'n gwel, hag yn mysk oll an bobel; an savla-goelyadoryon, bagas an ravnoryon a grenas ynwedh, ha'n dor a grysyas; hag y teuth ha bos skruth pur vras.

1 Samuel 14:6

Yonathan a leveris dhe'n gour yowynk deger y arvow, ‘Deus, ha treusyn dhe savla-goelyadoryon an re antrodreghys; martesen y hwarvo an Arloedh dhe oberi ragon; rag nyns eus travyth a yll lettya an Arloedh rag ri trygh gans lies po gans nebes.’