2 Samuel 8:2 - An Bibel Kernewek 20234 (Kernewek Kemmyn)

² Ev a fethas Moab ynwedh, hag ev a's gwrug dhe wrowedha war an leur ha'ga musura der an gordenn-vusura; ev a vusuras diw gordenn dhe worra dhe'n mernans, hag unn kordenn leun dhe witha yn few. Hag yndellma Moab eth ha bos gostydh dhe Davydh, ow tri trubyt dhodho.

2 Samuel 8:2 Iomraidhean Croise

2 Samuel 12:31

Ev a dhros yn-mes an bobel esa ynni, ha'ga settya dhe lavur gans heskennow, ha pigellow a horn, ha boelyow a horn, hag ev a's gorras dhe lavur orth an kowynnow-brykk. Yndella y hwrug dhe oll sitys an Ammonysi. Ena Davydh hag oll an bobel a dhehwelis dhe Yerusalem.

2 Samuel 8:6

Ena Davydh a settyas savleow-goelyadoryon yn Aram Damaskus; hag Aram eth ha bos gostydh dhe Davydh, or tri trubyt. Yth esa an Arloedh ow ri trygh dhe Davydh plepynag yth e.

1 Myghternedh 4:21

Yth esa Solomon ow rewlya war oll an gwlaskordhow dhiworth an avon Ewfrates bys pow an Filistysi, ha bys yn or Ejyp; i a dhros trubyt ha servya Solomon dydhyow oll y vewnans.

2 Myghternedh 1:1

Wosa mernans Ahab Moab a rebellyas erbynn Ysrael.

2 Myghternedh 17:3

Shalmaneser myghtern Assyria a dheuth yn-bann er y bynn; Hoshea re bia y omajer ha re rosa trubyt dhodho.

1 Kroniklys 18:2

Ev a fethas Moab, ha'n Moabysi a dheuth ha bos gostydh dhe Davydh, ow tri trubyt dhodho.

2 Kroniklys 26:8

An Ammonysi a ros trubyt dhe Uzzia, ha'y vri a lesas bys or Ejyp, rag gyllys fest krev ova.

Salmow 108:9

Moab yw ow seth-golghi; dres Edom y teghesav ow eskis, war Filistia my a arm yn trygh.’

Salmow 18:45

Estrenyon a gemmer digolonn, i a dheu ow krena yn-mes a'ga heryow.

Salmow 60:10

A ny'gan forsaksys, A Dhuw? Nyns edh yn-mes gans agan luyow.

Salmow 60:8

Moab yw ow seth-golghi; dres Edom y teghesav ow eskis; war Filistia my a arm yn trygh.’

Salmow 83:6

Tyldow Edom ha'n Yshmaelysi, Moab ha'n Hagrysi;

Ysay 36:16

Na woslowewgh orth Hezekia; rag yndellma y lever myghtern Assyria: “Omrewgh ha dewgh yn-mes dhymm. Ena pubonan a dheber a'y winbrenn y honan ha'y figbrenn y honan ha pubonan a yv a'y buth y honan,

Niverow 24:17

My a'n gwel, mes a-der lemmyn; my a'n aspi, mes a-der yn ogas; sterenn a wra dos war-rag yn-mes a Yakob, ha ternwelenn a wra sevel yn-mes a Ysrael; hi a wra brewi talyow Moab, ha kregyn oll mebyon Sheth.

1 Samuel 10:27

Mes mebyon Belial a leveris, ‘Fatell yll an den ma agan sawya?’ Hag i a'n dispresyas, ha ni dhrosons dhodho ro. Mes tewel a wrug.

1 Samuel 14:47

Ytho Sowl a gemmeras an myghternsys war Ysrael, ha batalyas orth oll y eskerens a bub tu, erbynn Moab, hag erbynn an Ammonysi, hag erbynn Edom, hag erbynn myghternedh Soba, hag erbynn an Filistysi; ha plepynag y treylya, ev a dryghis.

1 Samuel 22:3

Davydh eth alena dhe Mispa a Moab. Ev a leveris dhe vyghtern Moab, ‘My a'th pys, gas ow thas ha'm mamm dhe dhos dhis, erna wodhviv pandr'a wra Duw ragov.’

1 Samuel 22:4

Ytho ev a's dros a-dherag myghtern Moab, hag yth esens trigys ganso dres oll an termyn mayth esa Davydh a-ji dhe'n skons.