2 Samuel 7:9 - An Bibel Kernewek 20234 (Kernewek Kemmyn)

⁹ ha my re beu genes plepynag yth ythys, ha my re droghas dhe-ves oll dha eskerens a-dheragos; ha my a wra ragos hanow meur, kepar ha hanow brasyon an norvys.

2 Samuel 7:9 Iomraidhean Croise

Jenesis 12:2

Ha my a vynn dha wul kenedhel vras, ha my a'th vennik ha gul dha hanow meur y vri, ha ty a vydh bennath:

2 Samuel 22:1

Davydh a gewsis geryow an gan ma dhe'n Arloedh y'n jydh ma'n selwis an Arloedh dhiworth leuv y eskerens oll, ha dhiworth leuv Sowl;

2 Samuel 22:30

Rag genes jy my a yll poenya erbynn lu; gans Duw my a yll lemmel dres fos.

2 Samuel 22:43

My a's brew munys avel doust an dor; my a's trett yn-dann dreys avel leys an stretys.

2 Samuel 23:1

An re ma yw diwettha geryow Davydh: Dargan Davydh mab Yesse, dargan an gour a veu drehevys yn ughel, an den untys a Dhuw Yakob ha'n kanor hweg a Ysrael:

2 Samuel 5:10

Ha Davydh eth ha bos brassa ha brassa, rag yth esa an Arloedh, Duw an luyow, ganso.

2 Samuel 8:13

Davydh a waynyas ger-da pan dhehwelis, wosa ladha hwetek mil Edomyas yn nans an Hoelan.

2 Samuel 8:14

Ev a settyas savleow-gwithysi yn Edom; der oll Edom ev a settyas savleow-gwithysi, hag oll Edom eth ha bos gwesyon dhe Davydh. Ha'n Arloedh a ros trygh dhe Davydh plepynag yth e.

2 Samuel 8:6

Ena Davydh a settyas savleow-goelyadoryon yn Aram Damaskus; hag Aram eth ha bos gostydh dhe Davydh, or tri trubyt. Yth esa an Arloedh ow ri trygh dhe Davydh plepynag yth e.

1 Kroniklys 17:8

ha my re beu genes plepynag yth ythys, ha my re droghas dhe-ves oll dha eskerens a-dheragos; ha my a wra ragos hanow meur kepar ha hanow tus veur an norvys.

Salmow 21:6

Rag ty a ros dhodho bennathow bys vykken; ty a'n gwra heudhik gans lowena a-wel dhe'th fas.

Salmow 89:23

Ha my a vrew y eskerens a-dheragdho ha'n re a'n kas my a's gwysk.

Luk 1:52

Ev re worras tus alloesek dhe'n leur dhiworth aga seow, ha re dhrehevis an re uvel.

Yoshua 6:27

Ytho yth esa an Arloedh gans Yoshua; ha'y er-da a omlesas der oll an tir.

1 Samuel 18:14

Yth esa sewena dhe Davydh yn oll y oberow; rag yth esa an Arloedh ganso.

1 Samuel 18:30

Ena pennhembrenkysi an Filistysi a dheuth yn-mes dhe vatalyas; ha peskweyth may hwrens i dos yn-mes, Davydh a seweni moy ages oll gwesyon Sowl, may teuth ha bos y ger-da pur vras.

1 Samuel 2:8

Ev a dhrehav an den gwann yn-mes a'n doust; ev a dhrehav an boghosek yn-mes a'n lusuek, dh'aga settya gans pennsevigyon, ha gul dhedha erita tron a enor. Rag yma selyow an norvys dhe'n Arloedh, hag ev re settyas an norvys warnedha.

1 Samuel 31:6

Ytho Sowl a verwis, ha'y dri mab, ha deger y arvow, hag oll y wer, war-barth y'n keth jydh.

1 Samuel 5:10

Rakhenna i a dhannvonas argh Duw dhe Ekron. Mes pan dheuth argh Duw dhe Ekron, an Ekronysi a armas ow leverel, ‘Prag y trosons omma dhyn argh Duw Ysrael dh'agan ladha ni ha'gan tus?’