2 Samuel 7:8 - An Bibel Kernewek 20234 (Kernewek Kemmyn)

⁸ Lemmyn lavar yndella dhe'm gwas Davydh: Yndellma y lever Arloedh an luyow: my a'th kemmeras dhiworth an beurva, dhiworth holya an deves, dhe vos rewler war ow fobel, war Ysrael;

2 Samuel 7:8 Iomraidhean Croise

2 Samuel 12:7

Ena yn-medh Nathan dhe Davydh, ‘Ty yw an gour. Yndellma y lever an Arloedh, Duw Ysrael: My a'th untyas myghtern war Ysrael, ha my a'th telivras yn-mes a leuv Sowl.

2 Samuel 14:13

Ha'n venyn a leveris, ‘Ytho prag y tevisys yndella erbynn pobel Duw? Rag ow kewsel yndella, an myghtern a dhampen y honan, drefenn na dhre an myghtern dhe-dre arta an den a dhivroas.

2 Samuel 23:1

An re ma yw diwettha geryow Davydh: Dargan Davydh mab Yesse, dargan an gour a veu drehevys yn ughel, an den untys a Dhuw Yakob ha'n kanor hweg a Ysrael:

2 Samuel 24:17

Ha pan welas Davydh an el esa ow kweskel an bobel, ev a leveris dhe'n Arloedh, ‘Otta, my ow honan re beghas, ha my re wrug drog; mes an deves ma, pyth a wrussons? Hedh dha dhorn, my a'th pys, bydh er ow fynn, hag erbynn chi ow thas.’

2 Samuel 5:2

Ynwedh yn termyn tremenys, pan o Sowl myghtern warnan, yth o ty neb a hembronka luyow Ysrael yn-mes ha'ga dri a-ji. Ha'n Arloedh a leveris dhis, “Ty a vydh bugel ow fobel Ysrael, ha ty a vydh rewler war Ysrael.” ’

2 Samuel 6:21

Hag yn-medh Davydh dhe Mikal, ‘Yth o dherag an Arloedh, neb a'm dewisas yn le dha das, hag oll y ji, dhe'm settya avel rewler war bobel an Arloedh, war Ysrael. Ha my a lowenha dherag an Arloedh.

1 Myghternedh 3:6

Ha Solomon a leveris, ‘Ty re dhiskwedhas dhe'th was Davydh ow thas tregeredh veur, drefenn ev dhe gerdhes a-ragos yn gwiryonedh, yn lenduri hag ewnhynseth an golonn genes; ha ty re'n gwithas rag an kuvder meur ma, ha ri mab dhodho dhe esedha war y dron hedhyw.

1 Myghternedh 8:16

“A-dhia'n jydh may tres vy ow fobel Ysrael yn-mes a Ejyp, ny dhewisis sita vyth yn-mes a loethow Ysrael rag drehevel ow chi ynni, may fe ow hanow ena; mes my a dhewisas Davydh dhe vos a-ugh ow fobel Ysrael.”

1 Kroniklys 17:7

Lemmyn ytho, ty a lever dhe'm gwas Davydh: Yndellma y lever Arloedh an luyow: My a'th kemmeras dhiworth an beurva, dhiworth holya an deves, dhe vos pennsevik war ow fobel Ysrael;

1 Kroniklys 21:17

Davydh a leveris dhe Dhuw, ‘A nyns yw my a ros an arghadow dhe nivera an bobel? Yth yw my re beghas ha re wrug drog. Mes an deves ma, pandr'a wrussons i? Bedhes dha leuv, my a'th pys, A Arloedh ow Duw, er ow fynn hag erbynn teylu ow thas, mes na as an plag dhe vos war dha bobel.’

Amos 7:15

ha'n Arloedh a'm kemmeras dhiworth holya an flokk, ha'n Arloedh a leveris dhymm: “Ke, gwra profoesa dhe'm pobel Ysrael.”

Oberow 7:46

a gavas favour gans Duw, ha govynn kummyas dhe gavoes trigva rag chi Yakob.

1 Samuel 10:1

Ena Samuel a gemmeras kostrel a olew, ha'y dhiveri war y benn, hag amma dhodho, ha leverel, ‘A ny wrug an Arloedh dha untya dhe vos rewler war y ertach?

1 Samuel 2:8

Ev a dhrehav an den gwann yn-mes a'n doust; ev a dhrehav an boghosek yn-mes a'n lusuek, dh'aga settya gans pennsevigyon, ha gul dhedha erita tron a enor. Rag yma selyow an norvys dhe'n Arloedh, hag ev re settyas an norvys warnedha.

1 Samuel 9:16

‘A-vorow a-dro dhe'n termyn ma my a dhannvon dhis gour mes a bow Benyamin, ha ty a wra y untya avel rewler war oll ow fobel Ysrael. Ev a saw ow fobel a-dhiworth dorn an Filistysi. My re viras war ow fobel, drefenn aga garm dhe dhos dhymm.’