2 Samuel 7:7 - An Bibel Kernewek 20234 (Kernewek Kemmyn)

⁷ Yn pub tyller may kerdhis yn mysk oll mebyon Ysrael, a gewsis vy ger orth onan a loethow Ysrael, a erghis dhedha may hwrellens maga ow fobel Ysrael, ow leverel, ‘Prag na dhrehevsowgh ragov chi a geder?’

2 Samuel 7:7 Iomraidhean Croise

2 Samuel 5:2

Ynwedh yn termyn tremenys, pan o Sowl myghtern warnan, yth o ty neb a hembronka luyow Ysrael yn-mes ha'ga dri a-ji. Ha'n Arloedh a leveris dhis, “Ty a vydh bugel ow fobel Ysrael, ha ty a vydh rewler war Ysrael.” ’

1 Kroniklys 11:2

Yn termyn passys, hwath pan o Sowl myghtern, yth o ty neb a ledyas Ysrael yn-mes yn batel ha'ga dri tre. An Arloedh dha Dhuw a leveris dhis, Ty a vydh bugel ow fobel Ysrael ha ty a vydh rewler war ow fobel Ysrael.’

1 Kroniklys 17:6

Yn oll tylleryow may kerdhis a-dro gans oll Ysrael, a gewsis vy ger orth onan a vreusysi Ysrael, a erghis dhe vugelya ow fobel, ow leverel, ‘Prag na'm drehevsowgh chi a brenn keder?’

Ysay 40:11

Avel bugel ev a vag y flokk; gans y vregh ev a guntell y eyn ha'ga doen yn y askra; ev a hembronk yn hwar an re usi ow ri bronn.

Ysay 66:1

Yndellma y lever an Arloedh: Nev yw ow thron ha'n norvys yw ow skavell-droes; ple'ma'n chi a dhrehevowgh dhymm? ple fydh ow fowesva?

Yeremia 23:4

Ha my a worr bugeledh warnedha dh'aga bugelya; ha ny berthons own namoy na bos dyegrys, na fyllel, yn-medh an Arloedh.

Yeremia 3:15

Ha my a re dhywgh bugeledh herwydh ow holonn, hag i a'gas mag gans godhvos ha konvedhes.

Ezekiel 34:15

My ow honan a vydh bugel ow deves, ha my a wrav dhedha growedha, yn-medh an Arloedh Duw.

Ezekiel 34:2

Mab den, profoes erbynn bugeledh Ysrael, profoes ha lavar dhedha – dhe'n vugeledh: Yndellma y lever an Arloedh Duw: Go-hwi bugeledh Ysrael, re beu ow maga aga honan! a ny dal an vugeledh maga an deves?

Ezekiel 34:23

My a dhrehav warnedha unn bugel, ow gwas Davydh, hag ev a's mag; ev a's mag, ha bos dhedha bugel.

Mika 5:4

Hag ev a sev, ha bugelya yn nerth an Arloedh, yn braster hanow an Arloedh y Dhuw. Hag i a drig yn sawder, rag lemmyn ev a vydh meur bys yn finweth an norvys.

Matthew 2:6

“Ha ty, Bethlehem, pow Yuda, nyns os mann an lyha yn mysk gwelhevin Yuda, rag yn-mes ahanas y teu hembrenkyas neb a wra bugelya ow fobel Ysrael.” ’

Oberow 20:28

Kemmerewgh with a'gas honan hag a'n para oll ma'gas gorras an Spyrys Sans avel gorwoelysi rag bugelya eglos Duw, a waynyas der y woes y honan.

Oberow 21:28

ow karma, ‘Gwer Ysrael, gweresewgh! Hemm yw an den usi ow tyski dhe bubonan yn pub le erbynn an bobel ha'n lagha ha'n tyller ma, ha moy es henna, ev re dhros Grekys y'n tempel hag ev re dhisakras an tyller sans ma.’

Dewteronomi 23:14

Rag an Arloedh dha Dhuw a gerdh yn mysk dha gamp dhe'th sawya ha dhe dhelivra dha eskerens a-ragos. Dha gamp a vydh sans, ma na wello ynnos travyth anwiw, ha treylya a-dhiworthis.

1 Peder 5:1

Ytho, my a bys an re yw henavogyon yn agas mysk, ha my henavek ynwedh genowgh, ha test godhevyansow Krist, ha kevrenner y'n splannder a vydh diskwedhys,