2 Samuel 7:3 - An Bibel Kernewek 20234 (Kernewek Kemmyn)

³ Yn-medh Nathan dhe'n myghtern, ‘Ke, gwra pup-tra eus y'th kolonn; rag yma an Arloedh genes.’

2 Samuel 7:3 Iomraidhean Croise

2 Samuel 7:4

Mes y'n keth nos na, ger an Arloedh a dheuth dhe Nathan, ow leverel,

1 Myghternedh 1:8

Mes Sadok an oferyas, ha Benaya mab Yehoyada, ha Nathan an profoes, ha Shimei, ha Rei, ha kasoryon Davydh, nyns esens gans Adoniya.

2 Myghternedh 4:27

Pan dheuth hi dhe wour Duw, dhe'n venydh, hi a synsis y dreys. Gehazi a dheuth nes rag hy herdhya dhe-ves. Mes gour Duw a leveris, ‘Gas hi, hwerow yw hy enev; an Arloedh re'n kudhas a-dhiworthiv ha ny'n leveris dhymm.’

1 Kroniklys 22:7

Davydh a leveris dhe Solomon, ‘Ow mab, yth esa y'm brys drehevel chi rag hanow an Arloedh, ow Duw.

1 Kroniklys 28:2

Davydh an myghtern a sevis yn-bann, hag a leveris: ‘Goslowewgh orthiv, ow breder ha'm pobel. Dhe'm parth evy, yth esa y'm brys dhe dhrehevel chi a bowes rag argh kevambos an Arloedh ha rag skavell-droes agan Duw, ha my re wrug darbarow dh'y dhrehevel.

1 Kroniklys 29:29

Lemmyn gweythresow Davydh an myghtern, a dhalleth y reyn bys y'n diwedh, skrifys yns yn kovadhow Samuel an gwelesydh, hag yn kovadhow Nathan an profoes, hag yn kovadhow Gad an gwelesydh,

2 Kroniklys 29:25

Ev a dhesedhas an Levysi yn chi an Arloedh gans symbalys, telynnow ha sowtris, herwydh gorhemmynn Davydh ha Gad, gwelesydh an myghtern ha Nathan an profoes; rag y feu an gorhemmynn dhiworth an Arloedh der y brofoesi.

Salmow 20:4

Re wrontyo dhis hwans dha golonn, ha kowlwul oll dha gusul.

Salmow 37:4

Lowenha y'n Arloedh, hag ev a re dhis govynnadow dha golonn.

1 Yowann 2:27

Mes an untyans re gevsowgh ganso a drig ynnowgh ha ny'gas beus edhomm a dhyskans gans denvyth: mes par dell wra an keth untyans ma agas dyski a-dro dhe bup-tra, ha'n untyans yw gwir, ha nyns yw gow, trigewgh ynno, dell re'gas dyskas.

1 Samuel 10:7

Ytho pan dheu an toknys ma warnas, gwra pypynag a wra dha leuv y gavoes; rag yma Duw genes.

1 Samuel 14:7

Ha deger y arvow a leveris dhodho, ‘Gwra oll eus y'th kolonn, treyl; ottavy, yth esov vy genes, kepar dell yw dha golonn, yndella yw ow holonn vy.’

1 Samuel 16:7

Mes yn-medh an Arloedh dhe Samuel, ‘Na vir war naneyl y semlans na hirder y gorf, drefenn my dh'y skonya; rag ny wra an Arloedh gweles kepar dell wel mab-den; rag mab-den a vir war an semlans, mes an Arloedh a vir war an golonn.’