2 Samuel 7:21 - An Bibel Kernewek 20234 (Kernewek Kemmyn)

²¹ A-barth dha er, ha herwydh dha golonn dha honan, ty re wrug oll an traow bras ma, ha'ga gul godhvedhys dhe'th was.

2 Samuel 7:21 Iomraidhean Croise

1 Kroniklys 17:19

A Arloedh, a-barth dha was, ha war-lergh dha vodh dha honan, ty re wrug oll an dra vras ma, ow tisklerya oll an traow bras a dheu.

Salmow 115:1

Na ro dhyn ni, A Arloedh, na ro dhyn ni an gordhyans, mes dhe'th hanow jy, a-barth dha dregeredh ha'th wiryonedh.

Salmow 138:2

My a ombleg troha'th tempel sans, hag a wormel dha hanow, drefenn dha dregeredh ha'th wiryonedh, rag ty re veurhas dha hanow ha'th lavar a-ugh pup-tra.

Niverow 23:19

Nyns yw Duw gour, may wowleverro, na mab-den, may koettho yn edrek. A wrug ev leverel, ha ny'n gwra? Po a gewsis, ha ny'n kowlwra?

Matthew 11:26

ya, A Das, rag yndella re beu dha vodh.

Matthew 24:35

Nev ha nor a dremen dhe-ves, mes ow geryow vy, ny dremenons dhe-ves.

Luk 1:72

dhe wul tregeredh dh'agan tasow, ha dhe berthi kov a'y gevambos sans,

Luk 10:21

Y'n eur na, ev a veu pur heudhik y'n Spyrys Sans ha leverel, ‘My a'th wormel, A Das, Arloedh nev ha nor, drefenn ty dhe gudha an taklow ma dhiworth an re fur ha skiansek, ha'ga diskudha dhe fleghesigow; ya, A Das, rag yndella re beu dha vodh.

Luk 12:32

‘Na berthewgh own, A flokk byghan, rag bodh agas Tas yw, ev dhe ri dhywgh an wlaskor.

1 Korinthianys 1:1

Powl, gelwys dre volonjedh Duw dhe vos abostol a Grist Yesu, ha'gan broder Sosthenes,

Efesianys 1:9

ow ri dhyn godhvos kevrin y volonjedh, war-lergh y vodh a dhispletyas ynno

Efesianys 3:11

war-lergh towl an oesow a wrug ev yn Krist Yesu agan Arloedh,

Efesianys 4:32

Ha bedhewgh kuv an eyl dh'y gila, truedhek, parys dhe ava an eyl dh'y gila kepar dell avas Duw yn Krist dhywgh hwi ynwedh.

Dewteronomi 9:5

Nyns yw drefenn dha ewnder, na drefenn ewnhynseth dha golonn, yth esos ow tos dhe erita aga thir; mes yth yw drefenn sherewynsi an kenedhlow ma y hwra an Arloedh dha Dhuw aga fesya a-ragos, rag may fastyo an ger a dos an Arloedh dhe'th tasow, dhe Abraham, dhe Ysak, ha dhe Yakob.