2 Samuel 7:20 - An Bibel Kernewek 20234 (Kernewek Kemmyn)

²⁰ ‘Ha pandr'a yll Davydh leverel moy dhis? Rag ty a aswonn dha was, A Arloedh Duw.

2 Samuel 7:20 Iomraidhean Croise

Jenesis 18:19

Rag my re'n dewisas, may hwrella worhemmynna dh'y fleghes ha'y vayni war y lergh, hag i a wra gwitha fordh an Arloedh, dhe wul ewnder ha gwirvreus, may trollo an Arloedh war Abraham an pyth re leveris dhodho.’

1 Kroniklys 17:18

Pandr'a yll Davydh leverel moy dhis rag ty dhe enora dha was? Rag ty a aswonn dha was.

Salmow 139:1

A Arloedh, ty re'm hwithras ha'm aswonn.

Yowann 2:25

ha nyns esa edhomm dhodho denvyth dhe dhustunia a-dro dhe dhen; rag ev a aswonni pandra esa yn den.

Yowann 21:17

Y'n tressa treveth yn-medh ev dhodho, ‘Simon mab Yowann, es'ta jy orth ow hara vy?’ Peder a gemmeras duwon, rag ev dhe leverel dhodho y'n tressa treveth, ‘Es'ta jy orth ow hara vy?’ Yn-medh ev dhodho, ‘Arloedh, ty a woer pup-tra, ty a woer my dhe'th kara.’ Yn-medh ev dhodho, ‘Mag ow deves.

Ebrowyon 4:13

Hag a-ragdho ev, nyns yw kudhys kreatur vyth, mes oll yw noeth hag igor dh'y dhewlagas ev, may tal dhyn gul akont dhodho.

Yoshua 5:14

Hag ev a leveris, ‘Na, mes my re dheuth lemmyn avel bennsevik lu an Arloedh.’ Ha Yoshua a goedhas dhe'n dor war y fas, ha gordhya, ha leverel dhodho, ‘Pandr'a lever ow Arloedh dh'y was?’

Diskwedhyans 2:23

Ha my a ladh hy fleghes yn farow; ha'n eglosyow oll a wra godhvos ow bos neb a hwila an lonethi ha'n kolonnow: hag y rov dhywgh hwi pubonan war-lergh agas gwriansow.

1 Samuel 16:7

Mes yn-medh an Arloedh dhe Samuel, ‘Na vir war naneyl y semlans na hirder y gorf, drefenn my dh'y skonya; rag ny wra an Arloedh gweles kepar dell wel mab-den; rag mab-den a vir war an semlans, mes an Arloedh a vir war an golonn.’