2 Samuel 7:16 - An Bibel Kernewek 20234 (Kernewek Kemmyn)

¹⁶ Dha ji ha'th vyghterneth a vydh fastys bys vykken a-dheragov; dha dron a vydh fastys bys vykken.

2 Samuel 7:16 Iomraidhean Croise

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

2 Samuel 22:51

Ev a re selwyans meur dh'y vyghtern, ha gul tregeredh dh'y Untys ev, dhe Davydh ha dh'y has bys vykken.

2 Samuel 7:13

Ev a dhrehav chi rag ow hanow vy, ha my a fast tron y vyghterneth bys vykken.

2 Samuel 7:17

Herwydh oll an geryow ma, ha war-lergh oll an welesigeth ma, yndellma y kewsis Nathan dhe Davydh.

1 Myghternedh 2:4

may kewerro an Arloedh y er a veu kewsys ganso y'm kever, ow leverel, “Mar kwra dha fleghes gwitha aga fordh, ow kerdhes a-ragov yn gwiryonedh gans oll aga holonn ha gans oll aga enev, ny fyll dhis gour war dron Ysrael.”

1 Myghternedh 9:5

ena my a fast tron dha vyghterneth war Ysrael bys vykken, dell ambosis dhe'th tas Davydh, ow leverel, “Ny fyll dhis gour war dron Ysrael.”

2 Myghternedh 19:34

My a vydh skoes dhe'n sita ma dh'y sawya a-barth dhymmo vy hag a-barth Davydh ow gwas.’

2 Myghternedh 8:19

Byttegyns ny vynnas an Arloedh distrui Yuda a-barth Davydh y was, drefenn ev dhe ambosa dhodho ri lugarn dhodho ha dh'y dhiyskynnysi bys vykken.

2 Kroniklys 6:16

Ha lemmyn, A Arloedh, Duw Ysrael, gwith an ambos dhe'm tas Davydh, pan leversys, “Ny fyll dhis gour a-dhiworthiv dhe esedha war dron Ysrael, unnweyth mar kwittha dha vebyon aga fordh, dhe gerdhes yn ow lagha par dell re gerdhsys a-ragov.”

Job 36:7

Ny gemmer y dhewlagas dhiworth an den gwiryon, mes kepar ha myghternedh ev a's sett war dronyow ha'ga ughelhe bys vykken.

Salmow 45:6

Dha se, A Arloedh, a dhur bys vykken ha bynnari. Gwelenn dha vyghterneth yw gwelenn a ewnder.

Salmow 72:5

Re borthons own ahanas hedre vo an howl, ha hedre vo an loer, a unn henedh dhe'n nessa.

Salmow 89:4

“Dha has a fastyav bynitha, ha'th se a dhrehavav a unn henedh dhe'n nessa.” ’ Sela.

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Ysay 9:7

Dhe ynkressyans an arloettys ha dhe gres ny vydh finweth, rag tron Davydh ha rag y vyghterneth, dh'y fastya ha dh'y skoedhya gans gwirvreus hag ewnder alemma rag ha bys vykken. Gwres Arloedh an luyow a wra hemma.

Yeremia 17:25

ena yth enter dhe yetow an sita ma myghternedh ha pennsevigyon esedhys war dron Davydh, ow marghogeth yn charettow ha war vergh, i ha'ga fennsevigyon, gwer Yuda, hag annedhysi Yerusalem; ha'n sita ma a vydh annedhys bys vykken.

Yeremia 33:17

Rag yndellma y lever an Arloedh: Ny vydh Davydh nevra heb gour dhe esedha war dron chi Ysrael,

Ezekiel 37:25

I a drig y'n tir a res vy dhe'm gwas Yakob, mayth esa agas tasow trigys ynno. I ha'ga mebyon, ha mebyon aga mebyon a drig ynno bys vykken, ha Davydh ow gwas a vydh pennsevik dhedha bys vynitha.

Daniel 2:44

Hag yn dydhyow an vyghternedh ma, y hwra Duw an nevow drehevel gwlaskor na vydh nevra diswrys, ha ny vydh hy myghternsys gesys dhe gen bobel. Hi a wra terri dhe demmyn ha distrui oll an ruvanethow ma, ha pesya bys vykken.

Daniel 7:14

Ha dhodho y feu res mestrynses, hag enor ha myghternsys; hag oll an poblow, kenedhlow ha tavosow a'n servyas. Y vestrynses yw mestrynses a dhur bys vykken a ny dremen dhe-ves, ha'y ruvaneth ny vydh distruys.

Matthew 16:18

Ha my a lever dhis, ty yw Peder ha war an garrek ma y trehavav ow eglos, ha porthow ifarn ny wra hy thryghi.

Yowann 12:34

Ytho an routh a worthybis dhodho, ‘Ni re glewas y'n lagha, Krist dhe besya bynitha; ha fatell leverowgh y tal Mab an den dhe vos drehevys? Piw yw an “Mab an den” ma?’

Ebrowyon 1:8

Mes a-dro dhe'n Mab y lever, ‘Dha dron, a Dhuw, yw bys vykken ha bynnari; gwelenn wiryon yw gwelenn dha wlaskor.

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’

1 Samuel 25:28

My a'th pys, gav treuspass dha vaghteth; rag an Arloedh a wra yn sur rag ow arloedh chi sur, drefenn ow arloedh dhe vatalyas batelyow an Arloedh; ha ny vydh drog kevys ynnos oll dha dhydhyow.