2 Samuel 7:12 - An Bibel Kernewek 20234 (Kernewek Kemmyn)

¹² Ha pan vydh dha dhydhyow kollenwys, ha ty a wrowedh gans dha dasow, my a dhrehav dha has war dha lergh, neb a dheu a'th korf, ha my a fast y vyghterneth.

2 Samuel 7:12 Iomraidhean Croise

Jenesis 15:4

Hag awotta, ger an Arloedh a dheuth dhodho ow leverel, ‘Ny vydh hemma dha her, mes neb a dheu yn-mes a'th kolodhyon jy, ev a vydh dha her.’

2 Samuel 22:51

Ev a re selwyans meur dh'y vyghtern, ha gul tregeredh dh'y Untys ev, dhe Davydh ha dh'y has bys vykken.

1 Myghternedh 1:21

Poken y hwyrvydh, pan gosk ow arloedh an myghtern gans y dasow, my ha'm mab Solomon dhe vos reknys avel drogoberoryon.’

1 Myghternedh 1:48

Hag ynwedh an myghtern a leveris, “Benniges yw an Arloedh, Duw Ysrael, neb re ros nebonan dhe esedha war ow thron hedhyw, ha'm dewlagas ynwedh dh'y weles.” ’

1 Myghternedh 2:1

Lemmyn dydhyow Davydh a dheuth nes rag ev dhe verwel; hag ev a worhemmynnis dh'y vab Solomon, ow leverel,

1 Myghternedh 2:10

Ytho Davydh a goskas gans y dasow, hag a veu ynkleudhys yn sita Davydh.

1 Myghternedh 2:4

may kewerro an Arloedh y er a veu kewsys ganso y'm kever, ow leverel, “Mar kwra dha fleghes gwitha aga fordh, ow kerdhes a-ragov yn gwiryonedh gans oll aga holonn ha gans oll aga enev, ny fyll dhis gour war dron Ysrael.”

1 Myghternedh 5:5

Ytho my a vynn drehevel chi rag hanow an Arloedh ow Duw, dell leveris an Arloedh dhe'm tas Davydh, “Dha vab neb a worrav war dha dron y'th le a dhrehav chi rag ow hanow.”

1 Myghternedh 8:15

Ev a leveris, ‘Benniges re bo an Arloedh, Duw Ysrael, neb gans y leuv re gollenwis an pyth a ambosas a'y anow dhe'm tas Davydh, ow leverel,

1 Myghternedh 8:19

byttegyns ty ny dhrehevydh an chi, mes dha vab a vydh genys dhis a dhrehav an chi rag ow hanow.”

1 Myghternedh 8:20

Lemmyn an Arloedh re geweras an ambos a wrug; rag my re sevis yn le ow thas Davydh; hag esedhys ov war dron Ysrael, dell ambosas an Arloedh, ha my re dhrehevis an chi rag hanow an Arloedh, Duw Ysrael.

1 Myghternedh 9:5

ena my a fast tron dha vyghterneth war Ysrael bys vykken, dell ambosis dhe'th tas Davydh, ow leverel, “Ny fyll dhis gour war dron Ysrael.”

2 Myghternedh 8:19

Byttegyns ny vynnas an Arloedh distrui Yuda a-barth Davydh y was, drefenn ev dhe ambosa dhodho ri lugarn dhodho ha dh'y dhiyskynnysi bys vykken.

1 Kroniklys 17:11

Pan vydh kollenwys dha dhydhyow rag ty dhe vos gans dha dasow, my a dhrehav dha has war dha lergh, neb a vydh onan a'th vebyon, ha my a fast y vyghterneth.

2 Kroniklys 1:9

Lemmyn A Arloedh Duw, bedhes kewerys an ambos a wrussys dhe'm tas Davydh, rag ty re'm wrug myghtern war bobel kekemmys aga niver ha doust an dor

2 Kroniklys 13:5

A ny wodhowgh hwi y ros an Arloedh, Duw Ysrael, an myghternsys war Ysrael dhe Davydh ha'y vebyon bys vykken dre gevambos a hoelan?

2 Kroniklys 21:7

Byttegyns ny vynnas an Arloedh distrui chi Davydh, drefenn an kevambos a wrug gans Davydh. Ev re ambossa ri dhodho ha dh'y vebyon lugarn bys vykken.

2 Kroniklys 23:3

Ena an kuntelles dien a wrug kevambos gans an myghtern yn chi Duw. Yehoyada a leveris dhedha, ‘Ottomma mab an myghtern! Reynyes ev, par dell ambosas an Arloedh a-dro dhe vebyon Davydh.

2 Kroniklys 6:15

Ty re withas dha ambos dhe'th was, ow thas Davydh. Ty a ambosas gans dha anow, ha hedhyw ty re's keweras gans dha leuv.

2 Kroniklys 6:9

byttegyns ty ny drehevydh chi, mes dha vab a vydh genys dhis, ev a dhrehav chi rag ow hanow.”

Salmow 89:29

My a wra dh'y has durya bys vykken, ha'y se avel dydhyow nev.

Ysay 11:10

Y'n jydh na gwreydhenn Yesse a sev avel baner dhe'n poblow; an kenedhlow a'n hwila, ha'y bowesva a vydh gloryus.

Ysay 9:7

Dhe ynkressyans an arloettys ha dhe gres ny vydh finweth, rag tron Davydh ha rag y vyghterneth, dh'y fastya ha dh'y skoedhya gans gwirvreus hag ewnder alemma rag ha bys vykken. Gwres Arloedh an luyow a wra hemma.

Yeremia 33:17

Rag yndellma y lever an Arloedh: Ny vydh Davydh nevra heb gour dhe esedha war dron chi Ysrael,

Daniel 12:2

Ha tus pals usi ow koska yn doust an dor a dhifun, re dhe vewnans heb diwedh, ha re dhe veth ha dhe vismer bys vykken.

Matthew 1:1

Lyver linyeth Yesu Krist mab Davydh mab Abraham.

Luk 1:32

Meur vydh ev, hag ev a vydh gelwys Mab an Ughella; ha'n Arloedh Duw a re dhodho tron y das Davydh,

Luk 24:27

Hag ow talleth gans Moyses hag oll an brofoesi ev a styryas dhedha pup-tra esa a-dro dhodho y honan yn oll an skryptors.

Oberow 13:36

Rag Davydh, wosa ev dhe servya bodh Duw yn y henedh y honan, a goskas hag a veu gorrys gans y dasow hag a welas podredhes.

Oberow 2:30

Rakhenna, ow pos profoes hag ow kodhvos y tos Duw dhodho y hwre ev settya frut y dhiwglun war y se,

1 Korinthianys 15:51

Otta, my a lever kevrin dhywgh. Ny wren ni oll koska, mes ni oll a vydh chanjys,

Dewteronomi 31:16

Ha'n Arloedh a leveris dhe Moyses, ‘Otta, ty a gosk gans dha dasow, ha'n bobel ma a dhrehav ha horya war-lergh duwow astranj an tir mayth ons dhi yn aga mysk. I a'm forsak ha terri ow hevambos a wrugavy gansa.

1 Thessalonianys 4:14

Rag mar krysyn Yesu dhe verwel ha dasserghi, yndella ynwedh, dre Yesu, Duw a dhre ganso an re re goskas.