2 Samuel 7:11 - An Bibel Kernewek 20234 (Kernewek Kemmyn)

¹¹ hag a-dhia'n jydh may settis breusysi war ow fobel Ysrael; ha my a re dhis powes dhiworth oll dha eskerens. Ynwedh an Arloedh a dhiskler dhis an Arloedh dhe vynnes gul chi ragov.

2 Samuel 7:11 Iomraidhean Croise

2 Samuel 7:1

Lemmyn pan esa an myghtern trigys yn y ji, ha'n Arloedh re rosa dhodho powes dhiworth oll y eskerens a-derdro,

2 Samuel 7:19

Hwath tra vyghan o y'th wolok, A Arloedh Duw; ty re gewsis ynwedh a ji dha was rag termyn hir dhe dhos. Yw hemma dha fordh usadow a dhyghtya mab-den, A Arloedh Duw?

2 Samuel 7:27

‘Rag ty, A Arloedh an luyow, Duw Ysrael, re dhiskwedhsys hemma dhe'th was, ow leverel, “My a dhrehav chi ragos”; rakhenna dha was re gavas kolonnekter dhe bysi dhis an pysadow ma.

1 Myghternedh 11:38

Mar koslowydh orth pup-tra a worhemmynnav dhis, kerdhes yn ow fordhow, ha gul an pyth yw ewn yn ow golok ow kwitha ow ordenansow hag ow gorhemmynnow, dell wrug ow gwas Davydh, my a vydh genes, ha ty a dhrehav chi sur, par dell dhrehevis rag Davydh, ha my a re Ysrael dhis.

1 Myghternedh 2:24

Lemmyn ytho, dell vew an Arloedh, neb a'm fastyas ha'm settya war dron ow thas, ha neb a wrug chi ragov dell ambosas, Adoniya a vydh gorrys dhe'n mernans hedhyw.’

1 Kroniklys 17:10

hag a-dhia'n termyn may settis breusysi war ow fobel Ysrael; ha my a feth oll dha eskerens. Mes my a dhiskler dhis, an Arloedh dhe dhrehevel chi ragos.

1 Kroniklys 22:10

Ev a dhrehav chi rag ow hanow; ev a vydh mab dhymm ha my a vydh tas dhodho; ha my a fast tron y vyghterneth war Ysrael bys vykken.”

Job 34:29

‘Mes pan yw ev tawesek, piw a'n dampen? Pan gudh ev y fas, piw a'n aspi? Mes yma ev a-ugh kenedhel hag a-ugh densys,

Salmow 106:42

Ha'ga eskerens a's gwaskas, hag i a veu fethys yn-dann aga diwleuv.

Salmow 127:1

Marnas an Arloedh a dhrehav an chi, yn euver y lavur seul a'n drehav. Marnas an Arloedh a with an sita, yn euver y hwra an gwithyas goelyas.

Salmow 46:9

Ev a wra dhe vreselyow hedhi bys yn pennow an nor; ev a derr an warak, ha treghi an guw, ha leski an charettow y'n tan.

Eksodus 1:21

Ha dell hwarva, drefenn an gwelivedhesow dhe berthi own a Dhuw, ev a wrug dhedha teyluyow,

Lavarow Koth 14:1

An venyn fur a dhrehav hy chi, mes follneth gans hy diwla hy honan a'n terr dhe'n dor.

Ebrowyon 11:33

neb dre fydh a fethas ruvanethow, breusi yn ewnder, degemmeres an ambosow, degea ganow lewyon,

1 Samuel 2:35

Ha my a dhrehav ragov ow honan oferyas lel, neb a wra war-lergh an pyth usi y'm kolonn ha'm brys. My a dhrehav ragdho chi sur, hag ev a gerdh a-dherag ow untys bys vykken.

1 Samuel 25:28

My a'th pys, gav treuspass dha vaghteth; rag an Arloedh a wra yn sur rag ow arloedh chi sur, drefenn ow arloedh dhe vatalyas batelyow an Arloedh; ha ny vydh drog kevys ynnos oll dha dhydhyow.