2 Samuel 6:7 - An Bibel Kernewek 20234 (Kernewek Kemmyn)

⁷ Sorr Duw a dhewis erbynn Uzza; ha Duw a'n gweskis dhe'n dor ena drefenn y volder; hag ev a verwis ena ryb argh Duw.

2 Samuel 6:7 Iomraidhean Croise

2 Samuel 6:8

Davydh a veu serrys drefenn an Arloedh dhe dardha yn-mes erbynn Uzza; hag ev a elwis an tyller na Peres-uzza, dell yw bys y'n jydh hedhyw.

1 Kroniklys 13:10

Sorr an Arloedh a dhewis erbynn Uzza, hag ev a'n weskis dhe'n dor rag ev dhe worra y leuv war an argh; hag ev a verwis ena a-rag Duw.

1 Kroniklys 15:13

Drefenn na's dugowgh hwi an kynsa prys, an Arloedh agan Duw a dardhas warnan, drefenn na hwilsyn dhiworto y'n vaner ordenys.’

1 Kroniklys 15:2

Ena Davydh a leveris, ‘Ny yll nagonan doen argh Duw marnas an Levysi, rag an Arloedh a's dewisas dhe dhoen argh an Arloedh ha dhe venystra dhodho bys vykken.’

Niverow 1:51

Pan wra an tabernakel mos yn-rag, an Levysi a wra y dhisevel; ha pan dheu an tylda dhe vos settys yn-bann, an Levysi a wra y sevel. Ha mar teffo estren yn ogas, ev a vydh gorrys dhe'n mernans.

Niverow 4:15

Ha pan vydh Aron ha'y vebyon gorfennys ow kudha an sentri hag oll daffar an sentri, dell dhalleth an kamp war an fordh, wosa henna mebyon Kohath a wra dos dhe dhoen an re ma, mes ny goedh dhedha tochya an taklow sans, ma na varwons. An re ma yw taklow tylda an kuntelles a vydh degys gans mebyon Kohath.

1 Samuel 25:38

A-dro dhe dheg dydh a-wosa, an Arloedh a weskis Nabal, hag ev a verwis.

1 Samuel 6:19

Hag ev a weskis gwer Beth-shemesh, drefenn i dhe vires a-ji dhe argh an Arloedh; hag ev a weskis deg ha tri-ugens gour anedha. An bobel a gynis, drefenn an Arloedh dhe wul ladhva veur yn mysk an bobel.