2 Samuel 6:22 - An Bibel Kernewek 20234 (Kernewek Kemmyn)

²² Ha my a vydh hwath isella es hemma, ha my a vydh uvelhes y'm dewlagas ow honan; mes gans an maghtethyon may kewssys anedha, gansa my a vydh synsys yn enor.’

2 Samuel 6:22 Iomraidhean Croise

Jenesis 32:10

nyns ov wordhi a'n tregeredhow oll ha'n lelder oll re wruss'ta gans dha was; rag gans ow lorgh my a dremenas dres an Yordan ma, ha lemmyn yth ov devedhys ha bos dew gamp.

2 Samuel 6:21

Hag yn-medh Davydh dhe Mikal, ‘Yth o dherag an Arloedh, neb a'm dewisas yn le dha das, hag oll y ji, dhe'm settya avel rewler war bobel an Arloedh, war Ysrael. Ha my a lowenha dherag an Arloedh.

2 Samuel 6:23

Ha nyns esa dhe Mikal myrgh Sowl flogh vyth bys dydh hy mernans.

Job 40:4

‘Otta, distyr ov vi; fatell allav gorthybi dhis? My a gudh ow ganow gans ow leuv.

Job 42:6

rakhenna my a'm kas ow honan, ha koedha yn edrek yn doust ha lusu.’

Salmow 131:1

Arloedh, nyns yw ow holonn goethus, ha nyns yw ow dewlagas ughel; ny omrov dhe daklow meur, na dhe daklow re varthys ragov.

Ysay 50:6

My a ros ow heyn dhe'n re a'm gweskis, ha'm diwvogh dhe'n re a dennas an varv yn-mes; ny gudhis ow fas dhiworth despit ha trew.

Ysay 51:7

Goslowewgh orthiv, hwi hag a woer ewnder, hwi bobel a's teves ow dyskans yn agas kolonn; na berthewgh own a'n geredh a dus, ha na bedhewgh digolonnek drefenn aga despit.

Mark 14:66

Ha pan esa Peder a-woeles y'n klos, onan a vaghtethyon an arghoferyas a dheuth,

1 Timothi 1:15

Len yw an ger ha gwiw dhe bub kemmeryans, Krist Yesu dhe dhos a-bervedh y'n bys dhe selwel peghadoryon; ha'n kynsa anedha ov vy.

Ebrowyon 12:2

ow mires war-tu ha Yesu, awtour ha perfydhder agan fydh, rag an lowender settys a-ragdho ev neb a borthas an grows, ow tispresya an meth, ha neb re esedhas orth leuv dhyghow tron Duw.

1 Peder 4:14

Mars owgh hwi despitys yn hanow Krist, gwynn agas bys rag an Spyrys a splannder hag a Dhuw a wra powes warnowgh.

1 Peder 5:6

Omuvelhewgh ytho yn-dann leuv alloesek Duw, rag ma'gas ughelhaho y'n termyn gwiw,

1 Samuel 2:30

Rakhenna an Arloedh, Duw Ysrael a dhiskler: “My a leveris yn hwir dha ji ha chi dha das dhe gerdhes a-dheragov bys vykken”; mes lemmyn an Arloedh a dhiskler: “Pell bedhes dhiworthiv; rag an re neb a'm enor my a enor, ha'n re neb a'm dispres a vydh dyghtys gans bismer.