2 Samuel 6:16 - An Bibel Kernewek 20234 (Kernewek Kemmyn)

¹⁶ Pan dheuth argh an Arloedh a-ji dhe sita Davydh, Mikal myrgh Sowl a viras war-woeles der an fenester, ha gweles myghtern Davydh ow lamma hag ow tonsya dherag an Arloedh; ha hi a'n dispresyas yn hy holonn.

2 Samuel 6:16 Iomraidhean Croise

2 Samuel 3:14

Ena Davydh a dhannvonas kannasow dhe Ish-bosheth mab Sowl, ow leverel, ‘Ro dhymm ow gwreg Mikal neb a dhemmedhis dhymm rag kans kudhgenn Filistysi.’

2 Samuel 5:7

Mes Davydh a gemmeras dinas Sion, yw lemmyn sita Davydh.

2 Samuel 6:15

Ytho Davydh hag oll chi Ysrael a dhros yn-bann argh an Arloedh gans garmow, ha gans son an hirgorn.

2 Samuel 6:20

Ena Davydh a dhehwelis dhe venniga y vayni. Mes Mikal myrgh Sowl a dheuth yn-mes dhe vetya Davydh, ha leverel, ‘Assa wrug myghtern Ysrael enora y honan hedhyw, ow tiskudha y honan dherag dewlagas maghtethyon y wesyon, kepar dell dhiskudh den isel y honan!’

1 Kroniklys 15:29

Pan dheuth argh kevambos an Arloedh a-ji dhe sita Davydh, Mikal myrgh Sowl a viras der an fenester, ha gweles myghtern Davydh ow tonsya hag ow lowenhe; ha hi a'n dispresyas yn hy holonn.

Salmow 123:3

Kemmer truedh ahanan, A Arloedh, kemmer truedh ahanan, rag ni re beu lenwys yn tien a dhespit.

Salmow 69:7

Rag a-barth dhiso jy y perthis vy bismer, despit re gudhas ow fas.

Ysay 53:3

Dispresys o ha skonys gans tus, gour a dhuwon hag a aswonni galar, hag avel onan may hwra tus kudha aga fas dhiworto; dispresys o, ha ny wrussyn vri anodho.

Oberow 2:13

Mes re erell, ow kul ges, a leveris, ‘Lenwys a win nowydh yns.’

1 Korinthianys 2:14

Den anspyrysel ny dhegemmer traow an Spyrys, rag dhodho follneth yth yns i, ha ny yll ev aga honvedhes, drefenn aga bos aswonnys dre spyrys.

1 Samuel 18:17

Ena Sowl a leveris dhe Davydh, ‘Otta ow hottha myrgh Merab, my a vynn hy ri dhis avel gwreg; mes bydh kolonnek ragov, ha batal batelyow an Arloedh.’ Rag Sowl a dybis, ‘Ny vynnav sevel ow leuv er y bynn, mes bedhes leuv an Filistysi warnodho.’

1 Samuel 18:20

Mes myrgh Sowl Mikal a gara Davydh. Ha'n bobel a'n derivas dhe Sowl ha hemm o da yn y dhewlagas.