2 Samuel 6:14 - An Bibel Kernewek 20234 (Kernewek Kemmyn)

¹⁴ Ha Davydh a dhonsyas dherag an Arloedh gans oll y nerth; ha Davydh o grogysys gans efod a lien.

2 Samuel 6:14 Iomraidhean Croise

2 Samuel 6:15

Ytho Davydh hag oll chi Ysrael a dhros yn-bann argh an Arloedh gans garmow, ha gans son an hirgorn.

2 Samuel 6:20

Ena Davydh a dhehwelis dhe venniga y vayni. Mes Mikal myrgh Sowl a dheuth yn-mes dhe vetya Davydh, ha leverel, ‘Assa wrug myghtern Ysrael enora y honan hedhyw, ow tiskudha y honan dherag dewlagas maghtethyon y wesyon, kepar dell dhiskudh den isel y honan!’

1 Kroniklys 15:27

Davydh a veu gwiskys yn goen a sendal, dell o ynwedh oll an Levysi neb a dhug an argh, ha'n ganoryon, ha'n pennkenyas Kenania a'n jevo charj a'n ganoryon. Davydh ynwedh a wiskas efod lien.

Salmow 149:3

Gormelens i y hanow y'n dons, kanens gormola dhodho gans tabourik ha sowtri.

Salmow 150:4

Gormelewgh ev gans an tabour ha'n dons; gormelewgh ev gans kerdyn ha'n bib.

Salmow 30:11

Ty re dreylyas ow hynvann dhe dhons; ty re dhiwiskas ow yskar ha'm grogysa gans lowender.

Salmow 87:7

An ganoryon ha'n dhonsyoryon war-barth a lever, ‘Yma oll ow fentynyow ynnos jy.’

Eksodus 15:20

Ena Miryam, an brofoeses, hwoer Aron, a gemmeras tabourik yn hy leuv ha'n benynes oll eth war hy lergh gans tabourigow ha gans donsyow.

Eksodus 15:21

Ha Miryam a worthybis dhedha, ‘Kenewgh dhe'n Arloedh rag ev a dryghis yn splann, an margh ha'y varghek ev re dewlis y'n mor.’

Eksodus 19:6

ha hwi a vydh dhymm gwlaskor a oferysi ha kenedhel sans. An re ma yw an geryow hag a wredh kewsel dhe vebyon Ysrael.’

Ekklesiastes 9:10

Pypynag a gyv dha leuv dh'y wul, gwra e gans oll dha nerth, rag nyns eus nag ober na resna na godhvos na furneth yn ifarn le mayth edh.

Ezekiel 46:10

Pan dhons a-ji, an pennsevik a dheu yn aga mysk, ha pan omdennons, ev ynwedh a omdenn.

Luk 15:25

‘Mes yth esa y vab kottha y'n gwel, ha pan dhehwelis, ow tos nes dhe'n chi, ev a glewas menestrouthi ha karoli,

Dewteronomi 6:5

ty a gar an Arloedh dha Dhuw gans oll dha golonn, ha gans oll dha enev, ha gans oll dha nerth.

Kolossianys 3:23

Pypynag a wrewgh, gwrewgh y oberi a'n enev, kepar dell ve dhe'n Arloedh, a-der dhe vab-den,

Breusysi 11:34

Pan dheuth Yefthagh dh'y ji yn Mispa, y feu y vyrgh ow tos yn-mes dhe vetya ganso gans tabourigow ha gans donsya. Hi o y unn flogh. Ny'n jevo naneyl mab na myrgh marnas hi.

Breusysi 21:21

ha goelyewgh; pan dheu an benynes yowynk yn-mes dhe gemmeres rann yn donsyow, ena dewgh yn-mes a'n gwinlannow, ha pub huni synses gwreg ragdho y honan a venynes yowynk Shilo, ha kewgh yn pow Benyamin.

1 Samuel 2:18

Mes yth esa Samuel ow servya a-dherag an Arloedh, maw dell o, grogysys gans efod a lien.

1 Samuel 2:28

My a'n dewisas mes a oll loethow Ysrael dhe vos ow oferyas, dhe vones yn-bann dhe'm alter, dhe leski ynkys, dhe wiska efod a-dheragov; ha my a ros dhe ji dha das oll an offrynnow gwrys gans tan gans tus Ysrael.

1 Samuel 22:18

Ena an myghtern a leveris dhe Doeg, ‘Ty, Doeg, treyl ha koedh war an oferysi.’ Ytho Doeg an Edomyas a dreylyas ha koedha war an oferysi, ha ladha y'n jydh na pymp gour ha peswar-ugens neb a wiska efod a lien.