2 Samuel 5:7 - An Bibel Kernewek 20234 (Kernewek Kemmyn)

⁷ Mes Davydh a gemmeras dinas Sion, yw lemmyn sita Davydh.

2 Samuel 5:7 Iomraidhean Croise

2 Samuel 5:8

Davydh a leveris y'n jydh na, ‘Piwpynag a vynno gweskel an Yebusysi, gwres ev mones yn-bann der an gowfordh-dhowr dhe weskel an dhellyon ha'n re glof, yw kesys gans Davydh.’ Rakhenna leverys yw, ‘Ny wra an dhellyon na'n re glof dos a-ji dhe'n chi.’

2 Samuel 5:9

Ena Davydh a dhallathas triga y'n dinas, hag ev a'n henwis sita Davydh. Davydh a dhrehevis a-derdro dhiworth an Millo ha war-ji.

2 Samuel 6:10

Ytho ny vynna Davydh kemmeres argh an Arloedh ganso a-ji dhe sita Davydh; mes Davydh a's dug a-denewen dhe ji Obed-edom an Gittyas.

2 Samuel 6:12

Y feu derivys orth Davydh, ‘An Arloedh re vennigas chi Obed-edom ha pup-tra eus dhodho, drefenn argh Duw.’ Ytho Davydh eth ha dri yn-bann argh Duw a-dhiworth chi Obed-edom a-ji dhe sita Davydh gans lowena,

2 Samuel 6:16

Pan dheuth argh an Arloedh a-ji dhe sita Davydh, Mikal myrgh Sowl a viras war-woeles der an fenester, ha gweles myghtern Davydh ow lamma hag ow tonsya dherag an Arloedh; ha hi a'n dispresyas yn hy holonn.

1 Myghternedh 2:10

Ytho Davydh a goskas gans y dasow, hag a veu ynkleudhys yn sita Davydh.

1 Myghternedh 3:1

Solomon a wrug keffrysyans demmedhyans gans Faro myghtern Ejyp, hag ev a gemmeras myrgh Faro ha'y dri dhe sita Davydh, bys pan worfennsa drehevel y balas y honan, ha chi an Arloedh, ha'n fos a-dro dhe Yerusalem.

1 Myghternedh 8:1

Ena Solomon a guntellas henavogyon Ysrael hag oll pennow an loethow, ha hembrenkysi chiow tasow Ysrael, a-rag myghtern Solomon yn Yerusalem, rag dri argh kevambos an Arloedh yn-mes a sita Davydh, hag yw Sion.

1 Myghternedh 9:24

Wosa myrgh Faro dhe dhos yn-mes a sita Davydh dh'y chi hy honan re dhrehavsa Solomon rygdhi, ev a dhrehevis an Millo.

1 Kroniklys 11:7

Yth esa Davydh trigys y'n dinas; rakhenna i a's henwis sita Davydh.

2 Kroniklys 24:16

I a'n ynkleudhyas yn sita Davydh gans an vyghternedh, drefenn ev dhe wul da yn Ysrael, hag a-barth Duw ha'y ji.

2 Kroniklys 5:2

Ena Solomon a guntellas henavogyon Ysrael, hag oll pennow an loethow, pennow teyluyow a vebyon Ysrael, yn Yerusalem, rag doen yn-bann argh kevambos an Arloedh, yn-mes a sita Davydh, yw Sion.

Nehemia 3:15

Yet an Fenten a veu ewnhes gans Shallun mab Kol-hoze, an rewler a ranndir Mispa. Ev a's dastrehevis, hy hudha, ha desedha hy darasow, hy ebilyer, ha'y barrys. Ynwedh ev a ewnhas an fos a boll Shelagh ryb lowarth an myghtern, bys y'n grisyow a dheu yn-nans dhiworth Sita Davydh.

Salmow 132:13

Rag an Arloedh re dhewisas Sion, ev re yeunis war hy lergh dhe vos trigva dhodho:

Salmow 2:6

‘My re worras ow myghtern war Sion, ow menydh sans.’

Salmow 48:12

Kerdhewgh a-dro dhe Sion, kewgh a-dro dhedhi, niverewgh hy thouryow.

Salmow 48:3

Aswonnys yw Duw yn hy lysyow avel dinas krev.

Salmow 51:18

Gwra da yn dha favour orth Sion; drehav fosow Yerusalem.

Salmow 87:2

an Arloedh a gar porthow Sion moy ages oll annedhow Yakob.

Salmow 9:11

Kenewgh gormola dhe'n Arloedh trigys yn Sion, derivewgh y wriansow yn mysk an poblow.

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Ysay 59:20

Ev a dheu dhe Sion avel Dasprenyas, ha dhe'n re a dreyl dhiworth rebellyans yn Yakob, yn-medh an Arloedh.

Yeremia 21:13

Otta, yth esov er dha bynn, a annedhyas an nans, ha karrek an plen, y lever an Arloedh; hwi neb a lever, ‘Piw a yll dos yn-nans er agan pynn? ha piw a yll entra yn agan annedhow?’

Mika 4:2

Kenedhlow pals a dheu, ha leverel, ‘Dewgh, ha deun ni yn-bann dhe venydh an Arloedh, ha dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Romanyon 9:33

dell yw skrifys, ‘Ottavy ow korra yn Sion men trebuchya, ha karrek a offens ha neb a grysso ynno, ny berth ev meth.’

Ebrowyon 12:22

Mes hwi re dheuth dhe venydh Sion ha sita an Duw bew, Yerusalem an nevek, ha dhe eledh dres niver yn kuntelles solem,

Diskwedhyans 14:1

Ha my a welas, hag otta, an Oen ow sevel war an menydh Sion, ha ganso kans peswar ha dew-ugens mil, gans y hanow ev ha hanow y Das skrifys war aga thal.