2 Samuel 5:3 - An Bibel Kernewek 20234 (Kernewek Kemmyn)

³ Ytho oll henavogyon Ysrael a dheuth dhe'n myghtern yn Hebron; ha myghtern Davydh a wrug kevambos gansa yn Hebron dherag an Arloedh, hag i a untyas Davydh myghtern war Ysrael.

2 Samuel 5:3 Iomraidhean Croise

2 Samuel 2:4

Ena gwer Yuda a dheuth, hag eno i a untyas Davydh myghtern war ji Yuda. Pan dherivsons orth Davydh, ‘An re a ynkleudhyas Sowl o gwer Yabesh-gilead’,

2 Samuel 2:7

Lemmyn bedhes krev agas diwleuv, ha bedhewgh kolonnek; rag Sowl agas arloedh yw marow, ha chi Yuda re'm untyas myghtern warnedha.’

2 Samuel 3:21

Hag Abner a leveris dhe Davydh, ‘Gas vy dhe sevel ha mones, ha my a guntell oll Ysrael dhe'm arloedh an myghtern, may hyllons gul kevambos genes, ha may hyllydh reynya war bup-tra a dhesir dha golonn.’ Ytho Davydh a dhannvonas Abner dhe-ves; hag ev eth yn kres.

1 Myghternedh 1:34

Ha gesewgh Sadok an oferyas ha Nathan an profoes dh'y untya ena avel myghtern dres Ysrael. Ena hwythewgh an hirgorn, ha leverel, “Re vewo myghtern Solomon!”

2 Myghternedh 11:17

Yehoyada a wrug kevambos ynter an Arloedh ha'n myghtern ha'n bobel, may fedhens i pobel an Arloedh; hag ev a wrug kevambos ynter an myghtern ha'n bobel ynwedh.

1 Kroniklys 11:1

Oll Ysrael a omguntellas hag a dheuth dhe Davydh yn Hebron ha leverel, ‘Ni yw dha askorn ha'th kig dha honan.

1 Kroniklys 11:3

Oll henavogyon Ysrael a dheuth dhe'n myghtern yn Hebron, ha Davydh a wrug kevambos gansa yn Hebron a-rag an Arloedh, hag i a untyas Davydh myghtern war Ysrael, war-lergh ger an Arloedh dre Samuel.

1 Kroniklys 28:4

Byttegyns an Arloedh, Duw Ysrael, a'm dewisas dhiworth oll chi ow thas dhe vos myghtern war Ysrael bys vykken; rag ev a dhewisas Yuda avel rewler, hag yn chi Yuda chi ow thas, hag y feu plegadow dhodho dhiworth mebyon ow thas dhe wul dhymm bos myghtern war oll Ysrael.

2 Kroniklys 23:16

Yehoyada a wrug kevambos yntredho y honan hag oll an bobel ha'n myghtern may fons pobel an Arloedh.

Nehemia 9:38

Drefenn hemma oll, ni a wra kevambos fyrv, ha'y skrifa; ha war an skrifenn selys yma henwyn agan pennsevigyon, agan Levysi, ha'gan oferysi.

Eksodus 3:16

Ke dhe guntell war-barth henavogyon Ysrael ha leverel dhedha, “An Arloedh, Duw agas tasow, Duw Abraham, Ysak ha Yakob re omdhiskwedhas dhymm, ow leverel: My re viras warnowgh ha'n pyth a veu gwrys dhywgh yn Ejyp;

Yoshua 10:36

Ena Yoshua eth yn-bann hag oll Ysrael ganso dhiworth Eglon dhe Hebron; hag i a omladhas er hy fynn,

Breusysi 11:11

Ytho Yefthagh eth gans henavogyon Gilead, ha'n bobel a'n gwrug penn ha kaslewydh warnedha, ha Yefthagh a gewsis oll y eryow a-rag an Arloedh yn Mispa.

1 Samuel 11:15

Ytho oll an bobel eth dhe Gilgal, hag ena i a wrug Sowl myghtern a-dherag an Arloedh yn Gilgal. Ena i a sakrifias sakrifisow kres a-dherag an Arloedh, hag ena Sowl hag oll gwer Ysrael a lowenhas yn feur.

1 Samuel 16:13

Ena Samuel a gemmeras korn an oyl, ha'y untya yn mysk y vreder; ha spyrys an Arloedh a dheuth war Davydh, a-dhiworth an jydh na alena rag. Ena Samuel a sevis ha mones dhe Rama.

1 Samuel 23:18

Ena aga dew a wrug ambos a-dherag an Arloedh; hag yth esa Davydh trigys yn Horesh, ha Yonathan eth dh'y dre.