2 Samuel 5:12 - An Bibel Kernewek 20234 (Kernewek Kemmyn)

¹² Ena Davydh a gonvedhi an Arloedh dh'y fastya avel myghtern war Ysrael, hag ev dhe ughelhe y vyghterneth a-barth y bobel Ysrael.

2 Samuel 5:12 Iomraidhean Croise

2 Samuel 5:11

Myghtern Hiram a Tyr a dhannvonas kannasow dhe Davydh, war-barth gans kederwydh ha seri prenn ha seri men, hag i a dhrehevis chi rag Davydh.

2 Samuel 5:13

Ha Davydh a gemmeras ragdho iswragedh ha gwragedh moy yn-mes a Yerusalem, wosa ev dhe dos dhiworth Hebron; ha mebyon ha myrghes moy a veu dineythys dhe Davydh.

2 Samuel 7:16

Dha ji ha'th vyghterneth a vydh fastys bys vykken a-dheragov; dha dron a vydh fastys bys vykken.

1 Myghternedh 10:9

Benniges re bo an Arloedh dha Dhuw a lowenhas ynnos ha'th worra war dron Ysrael! Drefenn an Arloedh dhe'th kara bys vykken, ev a'th wrug myghtern dhe wul gwirvreus hag ewnhynseth.’

1 Kroniklys 14:2

Davydh a gonvedhas an Arloedh dh'y fastya avel myghtern war Ysrael, ha dhe ughelhe y vyghterneth a-barth y bobel Ysrael.

2 Kroniklys 2:11

Ena Hiram myghtern Tyr a worthybis yn lyther a dhannvonas dhe Solomon, ‘Drefenn an Arloedh dhe gara y bobel, ev re'th wrug myghtern warnedha.’

Ester 4:14

Rag mar tewydh yn tien y'n eur ma, ha difresyans ha selwyans a dheu dhe'n Yedhewon dhiworth tyller arall, ty ha chi dha das a vydh distruys: ha piw a woer na vesta devedhys dhe'th savla ryel rag termyn a'n par ma?’

Daniel 2:30

A-dro dhymmo vy, nyns yw dre furneth eus ynnov moy es dell eus yn tus vew oll, y feu diskudhys dhymm an kevrin ma, mes rag may fo an styr diskudhys dhe'n myghtern, ha rag mayth aswonni prederow dha golonn.

Niverow 24:7

Dowr a wra frosa a-dhiworth y gelern, ha'y has a vydh yn lies dowr, y vyghtern a vydh ughella ages Agag, ha'y ruvaneth a vydh ughelhes.