2 Samuel 4:8 - An Bibel Kernewek 20234 (Kernewek Kemmyn)

⁸ Hag i a ros penn Ish-bosheth dhe Davydh yn Hebron, ha leverel dhe'n myghtern, ‘Awotta penn Ish-bosheth mab Sowl, dha eskar, neb a hwila dha vewnans; an Arloedh re wrontyas dial dhe'm arloedh an myghtern an jydh ma war Sowl ha war oll y has.’

2 Samuel 4:8 Iomraidhean Croise

2 Samuel 18:19

Ena yn-medh Ahimaas mab Sadok, ‘Gas vy dhe boenya, ha doen dhe'n myghtern an nowodhow an Arloedh dh'y dhelivra dhiworth leuv y eskerens.’

2 Samuel 18:31

Hag otta, an Kushyas a dheuth; ha'n Kushyas a leveris, ‘Klew an nowodhow, ow arloedh an myghtern, rag an Arloedh re'th telivras hedhyw dhiworth kemmys a dhrehevis aga dorn er dha bynn.’

2 Samuel 2:8

Lemmyn ytho Abner mab Ner, kaslewydh lu Sowl, re gemmersa Ish-bosheth mab Sowl, ha'y dhri dhe Mahanaym.

2 Samuel 22:48

an Duw neb a re dhymm dial hag a worr poblow yn-dannov,

Salmow 71:24

Ha'm taves a gews a'th ewnder oll an jydh, rag i a berth meth, yth yns i shyndys, neb a hwila ow fystik.

Matthew 2:20

ow leverel, ‘Sav yn-bann, ha kemmer an flogh ha'y vamm ha ke dhe bow Ysrael; rag marow yw an re a hwila bewnans an flogh.’

Diskwedhyans 18:20

Lowenhewgh warnedhi, a nev, ha hwi syns, hag abesteli, ha profoesi, rag Duw re ros dhywgh gwirvreus er hy fynn.

Diskwedhyans 6:10

Hag i a armas, ughel aga lev, ow leverel, ‘Pygemmys prys, A Arloedh sans ha gwir, na vreusydh na diella agan goes war an re a drig war an norvys?’

1 Samuel 18:11

ha Sowl a dewlis an guw, ow prederi, ‘My a genter Davydh orth an paros gensi.’ Mes Davydh a skapyas diwweyth.

1 Samuel 19:1

Sowl a gewsis orth y vab Yonathan ha gans oll y wesyon a-dro dhe ladha Davydh. Mes Yonathan mab Sowl a gemmeras delit meur yn Davydh.

1 Samuel 19:15

Ha Sowl a dhannvonas an kannasow arta dhe weles Davydh ragdha aga honan, ow leverel, ‘Drewgh ev yn-bann dhymm y'n gweli, may hallav y ladha.’

1 Samuel 20:1

Ena Davydh a fias dhiworth Nayoth yn Rama. Ev a dheuth dherag Yonathan ha leverel, ‘Pandr'a wrug vy? Pandr'yw ow hammweyth? Ha pandr'yw ow fegh erbynn dha das mayth usi ev ow hwilas kemmeres ow bewnans?’

1 Samuel 23:15

Yth esa Davydh yn gwylvos Zif yn Horesh pan glewas ev Sowl dhe dhos yn-rag dhe hwilas y vewnans.

1 Samuel 24:4

Gwer Davydh a leveris dhodho, ‘Otta an jydh may leveris an Arloedh dhis anodho, “My a dhelirv dha eskar a-berth y'th leuv, ha ty a wra dhodho kepar dell hevel da dhis.” ’ Ena Davydh eth ha treghi dhe-ves lostenn mantell Sowl yn-dann gel.

1 Samuel 25:29

Mar sev yn-bann nebonan dhe'th helghya ha hwilas dha vewnans, bewnans ow arloedh a vydh maylys yn fardell an re vew gans an Arloedh dha Dhuw; mes bewnansow dha eskerens ev a dewl yn-mes, kepar ha dhiworth kew towlbrenn.