2 Samuel 4:4 - An Bibel Kernewek 20234 (Kernewek Kemmyn)

⁴ Yth esa dhe Yonathan mab Sowl mab neb o evredhek yn y dhewdroes. Ev o pymp bloedh pan dheuth an nowodhow a-dro dhe Sowl ha Yonathan yn-mes a Yezreel. Y vagores a'n kemmeras yn-bann ha fia; hag y hwarva, pan fistenas dhe fia, ev dhe goedha ha dos ha bos klof. Ha'y hanow o Mefibosheth.

2 Samuel 4:4 Iomraidhean Croise

2 Samuel 21:7

Mes an myghtern a sparyas Mefibosheth mab Yonathan mab Sowl, drefenn an ti a-rag an Arloedh esa yntredha, yntra Davydh ha Yonathan mab Sowl.

2 Samuel 9:13

Ytho yth esa Mefibosheth trigys yn Yerusalem, rag ev a dhybri pup-prys orth moes an myghtern. Evredhek o yn y dhewdroes.

2 Samuel 9:3

Yn-medh an myghtern, ‘A nyns eus hwath gour gesys a ji Sowl, may hallav diskwedhes tregeredh Duw dhodho?’ Ha Siba a worthybis, ‘Yma hwath gesys mab Yonathan; evredhek yw yn y dhewdroes.’

2 Samuel 9:6

Mefibosheth mab Yonathan mab Sowl a dheuth dhe Davydh, hag ev a goedhas war y fas, hag omblegya. Ha Davydh a leveris, ‘Mefibosheth!’ Ev a worthybis, ‘Ottavy, dha was!’

1 Myghternedh 11:17

Mes Hadad a fias dhe Ejyp gans re a'n Edomysi o wesyon y das. Ev o maw yowynk y'n termyn na.

1 Kroniklys 8:34

Mab Yonathan o Merib-baal; ha Merib-baal a dhineythis Mika.

1 Kroniklys 9:40

Mab Yonathan o Merib-baal ha Merib-baal a dhineythis Mika.

1 Samuel 29:1

Lemmyn an Filistysi a guntellas oll aga luyow war-barth yn Afek, hag Ysrael a gampyas ryb an fenten usi yn Yezreel.

1 Samuel 29:11

Ytho Davydh ha'y wer a sevis myttin a-varr dhe dhehweles dhe bow an Filistysi. Mes an Filistysi eth yn-bann dhe Yezreel.