2 Samuel 4:12 - An Bibel Kernewek 20234 (Kernewek Kemmyn)

¹² Ytho Davydh a erghis dhe'n wer yowynk, hag i a'gas ladhas; i a droghas dhe-ves aga diwleuv ha'ga dewdroes, hag i a'ga krogas ryb an poll yn Hebron. Mes i a gemmeras penn Ish-bosheth ha'y ynkleudhyas yn bedh Abner yn Hebron.

2 Samuel 4:12 Iomraidhean Croise

2 Samuel 1:15

Ena Davydh a elwis dhe onan a'n wer yowynk ha leverel, ‘Deus omma ha koedh warnodho.’ Ytho ev a'n gweskis dhe'n leur hag ev a verwis.

2 Samuel 16:8

An Arloedh re attylis warnas oll goes chi Sowl, may reynsys yn y le; ha'n Arloedh re dhelivras an wlaskor yn leuv Absalom dha vab, hag ottajy yn anken, drefenn dha vos gour goesek.’

2 Samuel 2:8

Lemmyn ytho Abner mab Ner, kaslewydh lu Sowl, re gemmersa Ish-bosheth mab Sowl, ha'y dhri dhe Mahanaym.

2 Samuel 21:9

hag ev a's ros yn leuv an Gibeonysi, hag i a's krogas yn-bann war an menydh a-rag an Arloedh. Oll seyth anedha a goedhas war-barth; I a veu gorrys dhe'n mernans yn kynsa dydhyow an drevas, yn dalleth trevas an heydh.

2 Samuel 3:32

Ytho i a ynkleudhyas Abner yn Hebron: ha'n myghtern a dhrehevis y lev hag oela orth bedh Abner; hag oll an bobel a oelas.

Salmow 55:23

Mes ty, A Arloedh, a's gorr yn-nans dhe doll an pytt; ny vew tus woesek ha fals moy ages hanter aga dydhyow; byttegyns my a drest ynnos jy.

Matthew 7:2

rag gans an vreus may hwrewgh hwi breusi dredhi, hwi a vydh breusys, ha gans an musur may fusurowgh hwi ganso, y fydh musurys dhy'hwi.