2 Samuel 3:8 - An Bibel Kernewek 20234 (Kernewek Kemmyn)

⁸ Abner a dheuth ha bos pur serrys drefenn geryow Ish-bosheth; yn-medh ev, ‘Ov vy penn-ki? My neb a dhiskwa tregeredh dhe Yuda y'n jydh hedhyw, dhe ji Sowl dha das, dh'y vreder, ha dh'y gowetha, ha ny'th telivris yn dorn Davydh; ha hwath ty re settyas an kabel ma warnav a-dro dhe'n venyn ma y'n jydh hedhyw.

2 Samuel 3:8 Iomraidhean Croise

2 Samuel 16:9

Ena Abishay mab Seruya a leveris dhe'n myghtern, ‘Prag y volleth an ki marow ma ow arloedh an myghtern? Gas vy dhe vones yn-rag, my a'th pys, ha kemmeres dhe-ves y benn.’

2 Samuel 2:8

Lemmyn ytho Abner mab Ner, kaslewydh lu Sowl, re gemmersa Ish-bosheth mab Sowl, ha'y dhri dhe Mahanaym.

2 Samuel 3:18

Lemmyn ytho gwrewgh yndella; rag an Arloedh re gewsis dhe Davydh, ha leverel: Dre leuv ow gwas Davydh my a wra sawya ow fobel Ysrael dhiworth leuv an Filistysi, ha dhiworth leuv oll aga eskerens.’

2 Samuel 3:9

Re wrello Duw yndella dhe Abner, ha moy ynwedh. Rag kepar dell dos an Arloedh dhe Davydh, an keth henna my a wra ragdho,

2 Samuel 5:2

Ynwedh yn termyn tremenys, pan o Sowl myghtern warnan, yth o ty neb a hembronka luyow Ysrael yn-mes ha'ga dri a-ji. Ha'n Arloedh a leveris dhis, “Ty a vydh bugel ow fobel Ysrael, ha ty a vydh rewler war Ysrael.” ’

2 Samuel 9:8

Ev a omblegyas ha gorthybi, ‘Pandr'yw dha was, may firsys war gi marow kepar ha my?’

2 Myghternedh 8:13

Hazael a leveris, ‘Pyth yw dha was, nag yw marnas ki, may hwrello tra a'n par ma?’ Hag Elisha a worthybis, ‘An Arloedh re dhiskwedhas dhymm may fydhydh myghtern war Aram.’

Salmow 76:10

Sorr mab-den a dreyl dhe'th wormola; remenant an sorr ty a wisk a-dro dhis avel grogys.

Ysay 37:23

Piw a wrussys y skonya ha'y gabla, ha piw y trehevsys dha lev er y bynn, ha drehevel dha dhewlagas yn-bann? Erbynn Sans Ysrael!

Dewteronomi 23:18

Na dhro gober hora, na arveth ki, a-bervedh yn chi an Arloedh dha Dhuw rag ambos vyth, rag pyth kasadow dhe'n Arloedh yw aga dew.

1 Samuel 15:28

Ha Samuel a leveris dhodho, ‘An Arloedh re skwardyas gwlaskor Ysrael dhiworthis y'n jydh hedhyw, ha'y ri dhe gentrevek ahanas, neb yw gwell agesos.

1 Samuel 17:43

An Filistyas a leveris dhe Davydh, ‘Ov vy ki, may teudh dhymm gans lorghow?’ Ha'n Filistyas a vollethis Davydh der y dhuwow.