2 Samuel 3:35 - An Bibel Kernewek 20234 (Kernewek Kemmyn)

³⁵ Ena oll an bobel a dheuth dhe wul dhe Davydh dybri boes pan o hwath dydh; mes Davydh a dos, ha leverel, ‘Yndella re wrello Duw dhymm, ha moy ynwedh, mar plasav bara po neppyth arall kyns an howl dhe sedhi!’

2 Samuel 3:35 Iomraidhean Croise

2 Samuel 1:12

I a gynis hag oela ha penys bys gorthugher rag Sowl ha rag y vab Yonathan, ha rag pobel an Arloedh, ha rag chi Ysrael, drefenn i dhe goedha der an kledha.

2 Samuel 12:17

Henavogyon y ji a sevis a-ughto, dh'y dhrehevel dhiworth an dor; mes ny vynnas, na ny dhybris boes gansa.

2 Samuel 3:34

Dha dhiwla, nyns ens kelmys, na dha dhewdroes synsys yn kargharow; kepar dell goedh den dherag mebyon sherewneth ty re goedhas.’ Hag oll an bobel a oelas warnodho arta.

2 Samuel 3:36

Oll an bobel a attendyas hemma, ha da o yn aga golok; kepar dell o da pup-tra a wre an myghtern yn golok oll an bobel.

2 Samuel 3:9

Re wrello Duw yndella dhe Abner, ha moy ynwedh. Rag kepar dell dos an Arloedh dhe Davydh, an keth henna my a wra ragdho,

1 Kroniklys 10:12

pub gour kolonnek a sevis, ha kemmeres dhe-ves korf Sowl ha korfow y vebyon ha'ga dri dhe Yabesh. I a ynkleudhyas aga eskern yn-dann an derebinthenn yn Yabesh, hag gul penys seyth dydh.

Yeremia 16:7

Ny wrons terri bara rag an kyner, dhe brofya keskalar rag an den marow; na ny wra denvyth ri dhedha an hanaf a gonfort dhe eva rag aga thas po rag aga mamm.

Ezekiel 24:17

Hanas – mes yn kosel; na wra kynvann rag an re varow. Fast dha dulyfant warnas ha gorr dha sandalyow war dha dreys; na gudh dha vinvlew, ha na dheber bara an gynoryon.

Ezekiel 24:22

Ha hwi a wra kepar dell wrugavy; ny gudhowgh ages minvlew na dhybri bara gynoryon.

Breusysi 20:23

An Ysraelysi eth yn-bann hag a oelas a-rag an Arloedh bys y'n gorthugher; hag a wovynnas a'n Arloedh, ‘A dheun nes arta dhe vatalyas orth agan breder an Benyaminysi?’ Ha'n Arloedh a leveris, ‘Kewgh yn-bann er aga fynn.’

Breusysi 20:26

Ena oll mebyon Ysrael, an lu dien, a dhehwelis dhe Bethel, hag a oelas, owth esedha ena a-rag an Arloedh, ow penys an jydh na bys y'n gorthugher. Ena i a offrynnas offrynnow leskys hag offrynnow kres a-rag an Arloedh.

Ruth 1:17

Plepynag y ferwi y farwav, hag ena y fydhav ynkleudhys; hemma re wrello an Arloedh dhymm ha moy yn ta, mar kwra travyth saw ankow y honan gul dibarth yntra ty ha my.’

1 Samuel 3:17

Yn-medh ev, ‘Pandr'yw an pyth a leveris an Arloedh dhis? My a'th pys na gudh ev a-dhiworthiv. Re wrello Duw yndella dhis ha moy ynwedh, mar kudhydh neppyth a-dhiworthiv a oll an taklow a leveris ev dhis.’