2 Samuel 3:25 - An Bibel Kernewek 20234 (Kernewek Kemmyn)

²⁵ Ty a woer Abner mab Ner dhe dhos dhe'th toella, ha kavoes godhvos a'th vos yn-mes ha'th tos a-ji, ha dhe wodhvos pup-tra esos orth y wul.’

2 Samuel 3:25 Iomraidhean Croise

Jenesis 42:12

Hag ev a leveris dhedha, ‘Nansi, devedhys owgh hwi dhe weles noethedh an tir.’

Jenesis 42:16

Dannvenewgh onan ahanowgh dhe gyrghes agas broder, ha hwi a vydh kelmys, may fo prevys agas geryow, mars eus gwirder genowgh. Ha mar nyns eus, re vewnans Faro, aspioryon owgh hwi yn surredi.’

Jenesis 42:9

Ena Yosep a borthas kov a'n hunrosow re wrussa hunrosa anedha, ha leverel dhedha, ‘Aspioryon owgh hwi. Devedhys owgh dhe weles noethedh an tir.’

2 Samuel 10:3

pennsevigyon an Ammonysi a leveris dhe Hanun aga arloedh, ‘A dybydh bos Davydh owth enora dha das y'th wolok, hag ev ow tannvon konforters dhis? A ny dhannvonas Davydh y wesyon dhis dhe hwithra an sita, dhe aspia orti, ha dh'y domhwel?’

2 Samuel 3:24

Ena Yoab eth dhe'n myghtern ha leverel, ‘Pandr'a wruss'ta? Otta, Abner a dheuth dhis; prag y'n dannvensys dhe-ves, mayth yw ev gyllys glan?

2 Samuel 3:26

Pan dheuth Yoab yn-mes a lok Davydh, ev a dhannvonas kannasow war-lergh Abner, hag i a'n dhros dhe-dre dhiworth puth Sira; mes ny wodhva Davydh.

2 Samuel 3:27

Pan dhehwelis Abner dhe Hebron, Yoab a'n kemmeras a-denewen yn kres an yet dhe gewsel ganso yn kosel, hag ev a'n gweskis ena yn y dorr. Ytho ev a verwis rag goes Asahel y vroder.

2 Myghternedh 18:32

bys pan dhov ha'gas kemmeres dhe-ves dhe bow kepar ha'gas pow agas honan, pow a reun ha gwin, pow a vara ha gwinlannow, pow a olew ha mel, may hyllowgh bewa yn le merwel. Na woslowewgh orth Hezekia pan y'gas kammled ow leverel, An Arloedh a wra agan delivra.

Salmow 121:8

An Arloedh a'th with ow mos dhe-ves hag ow tos a-ji alemma rag ha bys vykken.

Ysay 37:28

‘Mes my a woer pan sevydh ha pan esedhydh, pan edh yn-mes ha pan dheudh a-ji ha fatell gonnerydh er ow fynn.

Niverow 27:17

neb a wra mos a-dheragdha ha dos a-ji a-ragdha, neb a's hembronk yn-mes ha'ga dri a-ji; ma na vo kuntelles an Arloedh avel deves na's teves bugel.’

Yowann 7:12

Hag yth esa krodhvol meur y'n routh yn y gever; rag re a leveri, ‘Dremas yw’, mes re erell a leveri, ‘Nag yw, mes ev a doell an routh.’

Yowann 7:47

Ytho an Fariseow a worthybis dhedha, ‘Owgh hwi ynwedh toellys?

Romanyon 2:1

Ytho ny'th eus askus, A dhen, piwpynag a vi, ow preusi den arall; rag pan vreusydh den arall y preusydh er dha bynn dha honan rag ty, an breusyas, a wra an keth taklow dha honan.

Dewteronomi 28:6

Benniges vydhydh pan dheudh a-ji, ha benniges vydhydh pan edh yn-mes.