2 Samuel 3:21 - An Bibel Kernewek 20234 (Kernewek Kemmyn)

²¹ Hag Abner a leveris dhe Davydh, ‘Gas vy dhe sevel ha mones, ha my a guntell oll Ysrael dhe'm arloedh an myghtern, may hyllons gul kevambos genes, ha may hyllydh reynya war bup-tra a dhesir dha golonn.’ Ytho Davydh a dhannvonas Abner dhe-ves; hag ev eth yn kres.

2 Samuel 3:21 Iomraidhean Croise

2 Samuel 2:9

Ev a'n gwrug myghtern war Gilead, ha war an Asherysi, ha war Yezreel, ha war Efraym, ha war Benyamin, ha war oll Ysrael.

2 Samuel 3:10

dhe dreusworra an vyghterneth dhiworth chi Sowl, ha fastya tron Davydh war Ysrael ha war Yuda, dhiworth Dan bys yn Beer-sheba.’

2 Samuel 3:12

Abner a dhannvonas kannasow dhe Davydh y'n tyller may feu, ow leverel, ‘Dhe biw yw an pow? Gwra dha gevambos genev, hag awotta, ow dorn a vydh genes, dhe dreylya oll Ysrael dhis.’

2 Samuel 3:20

Pan dheuth Abner dhe Davydh yn Hebron, hag ugens gour ganso, Davydh a wrug kevewi rag Abner ha'n wer esa ganso.

2 Samuel 5:3

Ytho oll henavogyon Ysrael a dheuth dhe'n myghtern yn Hebron; ha myghtern Davydh a wrug kevambos gansa yn Hebron dherag an Arloedh, hag i a untyas Davydh myghtern war Ysrael.

1 Myghternedh 11:37

Ha ty, my a'th kemmer dhe reynya war bup-tra a dhesir dha enev; ty a vydh myghtern war Ysrael.

Salmow 20:4

Re wrontyo dhis hwans dha golonn, ha kowlwul oll dha gusul.

Filippianys 2:21

Rag pubonan anedha a hwila aga les aga honan; ny hwilons i les Krist Yesu.