2 Samuel 3:18 - An Bibel Kernewek 20234 (Kernewek Kemmyn)

¹⁸ Lemmyn ytho gwrewgh yndella; rag an Arloedh re gewsis dhe Davydh, ha leverel: Dre leuv ow gwas Davydh my a wra sawya ow fobel Ysrael dhiworth leuv an Filistysi, ha dhiworth leuv oll aga eskerens.’

2 Samuel 3:18 Iomraidhean Croise

2 Samuel 3:9

Re wrello Duw yndella dhe Abner, ha moy ynwedh. Rag kepar dell dos an Arloedh dhe Davydh, an keth henna my a wra ragdho,

2 Samuel 8:6

Ena Davydh a settyas savleow-goelyadoryon yn Aram Damaskus; hag Aram eth ha bos gostydh dhe Davydh, or tri trubyt. Yth esa an Arloedh ow ri trygh dhe Davydh plepynag yth e.

1 Samuel 13:14

mes lemmyn ny wra dha wlaskor durya; an Arloedh re hwilas ragdho gour war-lergh y golonn y honan, ha'n Arloedh re'n apoyntyas dhe vos rewler war y bobel, drefenn na withsys an pyth a erghis an Arloedh dhis.’

1 Samuel 15:28

Ha Samuel a leveris dhodho, ‘An Arloedh re skwardyas gwlaskor Ysrael dhiworthis y'n jydh hedhyw, ha'y ri dhe gentrevek ahanas, neb yw gwell agesos.

1 Samuel 16:1

Ha'n Arloedh a leveris dhe Samuel, ‘Pygemmys prys y fydhydh ow kyni rag Sowl? My re'n skonyas a vones myghtern war Ysrael. Lanw dha gorn gans oyl, ha ke, my a'th tannvon dhe Yesse an Bethlehemyas, rag my re brovias ragov ow honan myghtern yn mysk y vebyon.’

1 Samuel 9:16

‘A-vorow a-dro dhe'n termyn ma my a dhannvon dhis gour mes a bow Benyamin, ha ty a wra y untya avel rewler war oll ow fobel Ysrael. Ev a saw ow fobel a-dhiworth dorn an Filistysi. My re viras war ow fobel, drefenn aga garm dhe dhos dhymm.’