2 Samuel 24:4 - An Bibel Kernewek 20234 (Kernewek Kemmyn)

⁴ Mes ger an myghtern o krev erbynn Yoab hag erbynn kaptenyon an lu. Ytho Yoab ha kaptenyon an lu eth yn-mes dhiworth lok an myghtern dhe nivera pobel Ysrael.

2 Samuel 24:4 Iomraidhean Croise

2 Samuel 24:3

Hag yn-medh Yoab dhe'n myghtern, ‘Re ynkressyo an Arloedh dha Dhuw an bobel kanskweyth, ha re'n gwello dhewlagas ow arloedh an myghtern. Mes prag y fynn ow arloedh an myghtern gul an dra ma?’

2 Samuel 24:5

Hag i a dremenas dres an Yordan, ha dalleth dhiworth Aroer, ha dhiworth an sita usi yn kres an nans, dre Gad hag yn-rag dhe Yazer.

1 Kroniklys 21:4

Mes ger an myghtern a warthevyas erbynn Yoab. Ytho Yoab a dhibarthas ha mos der oll Ysrael, hag ena dehweles dhe Yerusalem

Eksodus 1:17

Ha'n gwelivedhesow a borthas own a Duw, ha ny wrussons par dell gewssa dhedha myghtern Ejyp, mes gwitha an vebyon yn few;

Eksodus 30:12

Pan gemmerydh niveryans mebyon Ysrael, ena peub a re daspren ragdho ev y honan dhe'n Arloedh pan y's niverydh, ma na vo pla yn aga mysk pan y's niverydh.

Ekklesiastes 8:4

Le mayth usi ger myghtern, y'n keth le yma galloes, ha piw a lever dhodho, ‘Pandr'a wredh?’

Oberow 5:29

Mes Peder ha'n abesteli a worthybis ha leverel, ‘Y koedh dhyn obaya dhe Dhuw, a-der dhe dus.