2 Samuel 24:21 - An Bibel Kernewek 20234 (Kernewek Kemmyn)

²¹ Hag yn-medh Arawna, ‘Prag y teuth ow arloedh an myghtern dh'y was?’ Davydh a worthybis, ‘Rag prena an leur-drushya ahanas ha drehevel alter dhe'n Arloedh, may fo astelys an pla dhiworth an bobel.’

2 Samuel 24:21 Iomraidhean Croise

Jenesis 50:10

Hag i a dheuth dhe leur-drushya Atad usi dres an Yordan, hag ena i a gynis gans kynvann bras ha pur boes; hag ev a wrug kynvann rag y das seyth dydh.

2 Samuel 24:18

Hag y'n jydh na Gad a dheuth dhe Davydh, ha leverel dhodho, ‘Ke yn-bann ha drehav alter dhe'n Arloedh war leur-drushya Arawna an Yebusyas.’

2 Samuel 24:20

Hag Arawna a viras yn-nans ha gweles an myghtern ha'y wesyon ow tos yn-rag trohag ev; hag Arawna eth yn-rag hag omblegya gans y fas dhe'n dor a-rag an myghtern.

2 Samuel 24:3

Hag yn-medh Yoab dhe'n myghtern, ‘Re ynkressyo an Arloedh dha Dhuw an bobel kanskweyth, ha re'n gwello dhewlagas ow arloedh an myghtern. Mes prag y fynn ow arloedh an myghtern gul an dra ma?’

1 Kroniklys 21:22

Davydh a leveris dhe Ornan, ‘Ro dhymm tyller an leur-drushya may treheffiv warnodho alter dhe'n Arloedh; ro e dhymm rag an pris leun, may fo an plag treylys dhe-ves dhiworth an bobel.’

Salmow 106:30

Ena Finehas a sevis ha breusi, ha'n pla a hedhis.

Niverow 25:8

ha mos war-lergh an gour a Ysrael y'n tylda, ha gwana aga dew, an gour a Ysrael ha'n venyn, dre hy horf. Yndellma an pla a veu astelys a-dhiworth mebyon Ysrael.