2 Samuel 24:17 - An Bibel Kernewek 20234 (Kernewek Kemmyn)

¹⁷ Ha pan welas Davydh an el esa ow kweskel an bobel, ev a leveris dhe'n Arloedh, ‘Otta, my ow honan re beghas, ha my re wrug drog; mes an deves ma, pyth a wrussons? Hedh dha dhorn, my a'th pys, bydh er ow fynn, hag erbynn chi ow thas.’

2 Samuel 24:17 Iomraidhean Croise

Jenesis 18:23

Abraham a dheuth nes ha leverel, ‘A vynn'ta diswul hwath an re wiryon gans an re dhrog?

Jenesis 44:33

Ytho, re worto dha was lemmyn, my a'th pys, yn keth dhe'm arloedh; ha gas an maw dhe vos yn-bann gans y vreder.

2 Samuel 12:13

Hag yn-medh Davydh dhe Nathan, ‘My re beghas erbynn an Arloedh.’ Ha Nathan a leveris dhe Davydh, ‘Lemmyn an Arloedh re worras dhe-ves dha begh; ny verwydh.

2 Samuel 24:10

Ha kolonn Davydh a veu gweskys wosa ev dhe nivera an bobel. Hag yn-medh Davydh dhe'n Arloedh, ‘My re beghas yn feur y'n pyth re wrugavy. Mes lemmyn, A Arloedh, my a'th pys, gav kammweyth dha was; rag my re wrug yn foll.’

2 Samuel 7:8

Lemmyn lavar yndella dhe'm gwas Davydh: Yndellma y lever Arloedh an luyow: my a'th kemmeras dhiworth an beurva, dhiworth holya an deves, dhe vos rewler war ow fobel, war Ysrael;

1 Myghternedh 22:17

Ena Mikaya a leveris, ‘My a welas Ysrael oll keskerys war an menydhyow, avel deves na's teves bugel; ha'n Arloedh a leveris, “An re ma ny's teves mester; gas peub dhe vos tre yn kres.” ’

Job 42:6

rakhenna my a'm kas ow honan, ha koedha yn edrek yn doust ha lusu.’

Job 7:20

Mar peghav, pandr'a wrav dhis, ty goelyador mab-den? Prag y'm settsys avel dha gostenn? Prag yth ov vy begh ragos?

Salmow 32:5

My a aswonnis ow feghes dhiso jy, ha ny gudhis ow hammweyth. My a leveris, ‘My a yes ow hammweyth dhe'n Arloedh’; ha ty a avas kabel ow feghes. Sela.

Salmow 44:11

Ty re'gan ros avel deves dhe vos dybrys, ha re'gan skattras yn mysk an kenedhlow.

Salmow 74:1

Prag, A Dhuw, re'gan skonsys bynitha? Prag y feg dha sorr orth deves dha beurva?

Salmow 78:71

Ev a'n dros dhiworth an deves esa ow tena, dhe vaga Yakob y bobel hag Ysrael y ertach.

Eksodus 10:16

Ena Faro a elwis Moyses hag Aron yn fysk, ha leverel, ‘My re beghas erbynn an Arloedh agas Duw, hag er agas pynn.

Ysay 6:5

Ena my a leveris, ‘Go-vy! diswrys ov vy, rag gour avlan y dhiwweus ov vy, ha trigys esov yn mysk pobel avlan hy diwweus; rag ow dewlagas re welas an Myghtern, Arloedh an luyow.’

Yona 1:12

Yn-medh ev dhedha, ‘Kemmer vy yn-bann ha'm tewlel y'n mor, ena an mor a vydh spavenhes ragowgh, rag my a woer an annawel vras ma dhe goedha warnowgh drefenn an pyth re wrugavy.’

Zekaria 13:7

‘Difun, A gledha, erbynn ow bugel, erbynn an den yw ow howeth!’ yn-medh Arloedh an luyow. Gwask an bugel, ha'n deves a vydh skattrys, ha my a dreyl ow leuv erbynn an re vyghan.

Niverow 16:22

Hag i a goedhas war aga fas, ha leverel, ‘A Dhuw, Duw spyrysyon kig oll, mar pegh unn den, a vydhydh serrys gans an kuntelles oll?’