2 Samuel 24:16 - An Bibel Kernewek 20234 (Kernewek Kemmyn)

¹⁶ Ha pan ystynnas an el y dhorn war Yerusalem dh'y distrui, an Arloedh a'n jevo edrek a'n drog, ha leverel dhe'n el, an distruer usi yn kres an bobel, ‘Henn yw lowr, hedh dha dhorn.’ Hag ena yth esa el an Arloedh ryb leur-drushya Arawna an Yebusyas.

2 Samuel 24:16 Iomraidhean Croise

Jenesis 10:16

ha'n Yebusysi, an Amorysi, an Girgashysi,

Jenesis 6:6

Ha'n Arloedh a repentyas ev dhe wul mab-den war an nor, ha grevys veu yn y golonn.

2 Samuel 24:18

Hag y'n jydh na Gad a dheuth dhe Davydh, ha leverel dhodho, ‘Ke yn-bann ha drehav alter dhe'n Arloedh war leur-drushya Arawna an Yebusyas.’

2 Samuel 5:8

Davydh a leveris y'n jydh na, ‘Piwpynag a vynno gweskel an Yebusysi, gwres ev mones yn-bann der an gowfordh-dhowr dhe weskel an dhellyon ha'n re glof, yw kesys gans Davydh.’ Rakhenna leverys yw, ‘Ny wra an dhellyon na'n re glof dos a-ji dhe'n chi.’

1 Myghternedh 19:4

Mes ev y honan eth y'n gwylvos, vyaj unn jydh, ha dos hag esedha yn-dann brenn banadhel. Ev a bysis may farwa: ‘Lowr yw; lemmyn, A Arloedh, kemmer ow bewnans, rag nyns ov gwell ages ow thasow.’

2 Myghternedh 19:35

Y'n nos na el an Arloedh eth yn-mes, ha gweskel pymp ha naw-ugens a vilyow yn kamp Assyria; ha pan sevis tus ternos, otta, korfow marow ens i oll.

1 Kroniklys 1:14

an Yebusysi ynwedh, an Amorysi an Girgashysi

2 Kroniklys 3:1

Solomon a dhallathas drehevel chi an Arloedh yn Yerusalem war venydh Moria, le may omdhiskwedhsa an Arloedh dh'y das Davydh, y'n tyller a dharbarsa Davydh war leur-drushya Ornan an Yebusyas.

2 Kroniklys 32:21

Ha'n Arloedh a dhannvonas el neb a ladhas oll an gasoryon alloesek ha'n gaslewydhyon ha'n soedhogyon yn kamp myghtern Assyria. Ytho ev a gildennas yn disenor dh'y dir y honan. Pan dheuth yn chi y dhuw, re a'y vebyon a'n weskis dhe'n dor gans an kledha.

Salmow 135:14

Rag an Arloedh a vreus y bobel, ha kemmeres truedh a'y wesyon.

Salmow 35:6

Bedhes aga fordh tewl ha slynk, hag el an Arloedh orth aga helghya.

Salmow 78:38

Mes ev, leun a druedh, a avas aga hammweyth ha ny's distruis. Ha lieskweyth ev a dreylyas dhe-ves y sorr ha ny wrug dhe oll y gonnar difuna.

Salmow 90:13

Dehwel, A Arloedh; pygemmys prys? Bydh truedhek orth dha wesyon.

Eksodus 12:13

An goes a vydh tokyn dhywgh, war an chiow le mayth esowgh; ha pan welav an goes, my a wra tremena dresowgh, ha ny goedh pla vyth warnowgh dh'agas distrui, pan waskav pow Ejyp.

Eksodus 12:23

Rag an Arloedh a wra tremena dhe weskel an Ejyptianys, ha pan wel goes war benn an daras ha'n dhew bost-daras, an Arloedh a wra tremena dres an daras, ha ny wra gasa an distruer dhe entra agas chiow dh'agas gweskel.

Eksodus 32:14

Ha'n Arloedh a'n jevo edrek a'n drog a brederi gul dh'y bobel.

Eksodus 9:28

Pys an Arloedh; rag lowr re beu a'n taran ha'n keser ma; my a as dhywgh mones, ha ny wrewgh hwi gortos na fella.’

Ysay 27:8

Orth aga fellhe, orth aga divroa ty a strivyas gansa; gans y hwyth fers ev a's removas yn dydh gwyns an Est.

Ysay 57:16

Rag ny wrav vy kuhudha bys vykken, na vos serrys bynitha, rag ena spyrys den a wannsa a-ragov, ha'n anall a wrug vy.

Yeremia 26:19

A wrug Hezekia myghtern Yuda hag oll Yuda y worra yn hwir dhe'n mernans? A ny borthas own a'n Arloedh ha hwilas favour an Arloedh, ha'n Arloedh a dreylyas y vrys a-dro dhe'n anfeusi re leveris er aga fynn? Avel hemma ni a dhre drog meur warnan agan honan.’

Yeremia 42:10

Mar trigowgh y'n tir ma, ena my a'gas drehav, a-der agas tenna dhe'n leur; my a'gas plans ha ny'gas diwreydhyav; rag edrek a'm beus a'n anfeusi a wrug dhywgh.

Amos 7:3

An Arloedh a gemmeras edrek a hemma: ‘Ny hwyrvydh’, yn-medh an Arloedh.

Amos 7:6

An Arloedh a gemmeras edrek a hemma: ‘Ny hwyrvydh hemma na hwath’, yn-medh an Arloedh Duw.

Habakkuk 3:2

A Arloedh, my re glewas derivas ahanas, my re borthas own, A Arloedh, a'th ober; yn mysk an blydhynyow gas ev dhe dhasvewa, yn mysk an blydhynyow gas ev dhe vos godhvedhys; yn sorr porth kov a druedh.

Zekaria 9:7

My a gemmer y woes yn-mes a'y anow, ha'y daklow kasadow dhiworth y dhyns; ev ynwedh a vydh remenant rag agan Duw, hag ev a vydh avel kordh yn Yuda, hag Ekron a vydh avel an Yebusysi.

Mark 14:41

Hag ev a dheuth an tressa gweyth hag yn-medh ev dhedha, ‘Koskewgh lemmyn ha powesewgh; lowr yw, devedhys yw an eur: otta, yma Mab an den daskorrys yntra diwla peghadoryon.

Oberow 12:23

Hware el an Arloedh a'n gweskis, drefenn na ros ev an gordhyans dhe Dhuw, ha devorys gans pryves ev a verwis.

1 Korinthianys 10:10

ha na grodhvolewgh par dell wrug rann anedha, hag y fons ledhys gans an distruer.

2 Korinthianys 2:6

An kessydhyans ma gans an rann vrassa a'n dus yw lowr rag den a'n par na;

Yoshua 15:63

Mes ny allas mebyon Yuda fesya an Yebusysi, trigoryon Yerusalem; ytho yma an Yebusysi trigys gans mebyon Yuda yn Yerusalem bys y'n jydh ma.

Breusysi 1:21

Mes ny wrug mebyon Benyamin chasya dhe-ves an Yebusysi trigys yn Yerusalem; ytho an Yebusysi re beu trigys gans mebyon Benyamin yn Yerusalem bys y'n jydh hedhyw.

Breusysi 19:11

Pan esens ogas dhe Yebus gyllys pell o an jydh ha'n gwas a leveris dh'y vester, ‘Deus lemmyn, treylyn a-denewen dhe'n sita ma a'n Yebusysi, ha spena an nos ynni.’

1 Samuel 15:11

‘Edrek a'm beus my dhe settya yn-bann Sowl dhe vos myghtern, rag ev re dreylyas dhe-ves dhiworthiv, ha ny gollenwis ow gorhemmynnow.’ Samuel o serrys; hag ev a grias war an Arloedh dres nos.