2 Samuel 24:15 - An Bibel Kernewek 20234 (Kernewek Kemmyn)

¹⁵ Ytho an Arloedh a dhannvonas pla war Ysrael dhiworth an myttin na bys y'n termyn apoyntys, hag y ferwis ena a'n bobel dhiworth Dan bys yn Beer-sheba deg ha tri-ugens a vilyow a dus.

2 Samuel 24:15 Iomraidhean Croise

2 Samuel 24:2

Ytho an myghtern a leveris dhe Yoab kaslewydh an lu esa ganso ‘Ke der oll loethow Ysrael, dhiworth Dan bys yn Beer-sheba ha niver an bobel, may hwodhviv niver an bobel.’

1 Kroniklys 21:14

Ytho an Arloedh a dhannvonas plag war Ysrael; ha deg ha tri-ugens gour Ysrael a goedhas.

1 Kroniklys 27:24

Yoab mab Seruya a dhallathas nivera mes ny worfennas; sorr a goedhas war Ysrael ragdho, ha ny veu an niver gorrys yn Kroniklys myghtern Davydh.

1 Kroniklys 27:4

Doday an Aghoghyas a'n jevo charj a'n rann rag an nessa mis; Mikloth o ledyer y rann; yn y rann yth esa peswar mil warn ugens.

Ysay 37:36

Ena el an Arloedh eth yn-mes ha gweskel pymp ha naw-ugens a vilyow yn kamp Assyria; ha pan sevis tus ternos, otta, korfow marow ens i oll.

Habakkuk 3:2

A Arloedh, my re glewas derivas ahanas, my re borthas own, A Arloedh, a'th ober; yn mysk an blydhynyow gas ev dhe dhasvewa, yn mysk an blydhynyow gas ev dhe vos godhvedhys; yn sorr porth kov a druedh.

Niverow 25:9

Byttegyns an re a verwis der an pla o peswar mil warn ugens.

Matthew 24:7

Rag kenedhel a sev erbynn kenedhel ha gwlaskor erbynn gwlaskor hag y hwyrvydh divoetter ha dorgrysyow yn divers tylleryow.

Diskwedhyans 6:8

Ha my a welas, hag otta, margh glas; ha hanow neb o esedhys warnodho o Ankow, hag ifarn a siwyas ganso. Ha galloes a veu res dhedha war beswora rann an norvys dhe ladha gans kledha, ha gans divoetter, gans mernans ha gans bestes an norvys.

1 Samuel 6:19

Hag ev a weskis gwer Beth-shemesh, drefenn i dhe vires a-ji dhe argh an Arloedh; hag ev a weskis deg ha tri-ugens gour anedha. An bobel a gynis, drefenn an Arloedh dhe wul ladhva veur yn mysk an bobel.