2 Samuel 24:14 - An Bibel Kernewek 20234 (Kernewek Kemmyn)

¹⁴ Ha Davydh a leveris dhe Gad, ‘Yth esov yn ahwer meur; koedhyn yn leuv an Arloedh, rag y druedh yw bras; mes na'm gas dhe goedha yn leuv mab-den.’

2 Samuel 24:14 Iomraidhean Croise

2 Samuel 9:8

Ev a omblegyas ha gorthybi, ‘Pandr'yw dha was, may firsys war gi marow kepar ha my?’

2 Myghternedh 6:15

Pan sevis gwas gour Duw myttin a-varr, ha mos yn-mes, otta, yth esa lu ow kyrghynna an sita, gans mergh ha charettow. Y was a leveris dhodho, ‘Ellas, ow mester! Pandr'a wren?’

1 Kroniklys 21:13

Davydh a leveris dhe Gad, ‘Yth esov yn ahwer meur. Gas vy dhe goedha yn leuv an Arloedh, rag pur vras yw y druedh; mes na as vy dhe goedha yn leuv mab-den.’

Salmow 119:156

Meur yw dha druedh, A Arloedh; bewha vy herwydh dha vreusow.

Salmow 130:4

Mes yma gevyans genes jy, ytho ty yw ownys.

Salmow 130:7

Gwres Ysrael trestya y'n Arloedh, rag gans an Arloedh yma tregeredh, ha ganso yma daspren hel.

Salmow 145:9

An Arloedh yw da orth pub den oll, hag yma y druedh dres oll y oberow.

Salmow 51:1

Bydh grassyes orthiv, A Dhuw, herwydh dha dregeredh; herwydh dha druedh meur defend dhe-ves ow hammweythresow.

Salmow 86:15

Mes ty, A Arloedh, yw Duw truedhek ha grassyes, lent ow serri, ha meur dha dregeredh ha'th wirder.

Salmow 86:5

Rag ty, A Arloedh, yw kuv ha parys dhe ava, meur dha dregeredh orth oll an re a elow warnas.

Lavarow Koth 12:10

Den gwiryon a wra vri a vewnans y vest, mes mersi tebeles yw fell.

Ysay 47:6

My a sorras orth ow fobel, my a dhisakras ow ertach; my a's ros y'th tiwdhorn, ny dhiskwedhsys truedh dhedha; war an re goth y hwrussys dha yew fest poes.

Ysay 55:7

Gases an drogoberer y fordh, ha'n gour anwiryon y brederow; Dehweles dhe'n Arloedh rag may kemmerro truedh anodho, ha dh'agan Duw, rag ev a re gevyans yn hel.

Yeremia 39:17

Mes my a'th saw y'n jydh na, yn-medh an Arloedh, ha ny vydhydh res yn leuv an wer a berthydh own anedha.

Kynvannow 3:22

Yn hwir, ny fyll tregeredhow an Arloedh, ha nyns yw y druedhow gorfennys.

Daniel 9:9

Dhe'n Arloedh agan Duw yma truedh ha gevyans; rag ni re rebellyas er y bynn,

Yona 4:2

Hag ev a bysis dhe'n Arloedh ow leverel, ‘My a'th pys, A Arloedh, a nyns yw henna an keth tra a leveris vy pan esen hwath y'm pow? Rakhenna my a fias y'n dalleth dhe Tarshish; rag my a wodhva ty dhe vos Duw grassyes ha truedhek, lent ow serri, ha leun a dregeredh, ow kemmeres edrek a'n drog.

Mika 7:18

Py Duw yw haval dhis, ow kava droktra hag owth ankevi kammwrians an remenant a'y eretons? Ny with ev y sorr bynnari, drefenn bos mall ganso a dregeredh.

Mika 7:19

Ev a gemmer truedh ahanan arta, ha trettya agan drogoberow yn-dann y dreys. Ty a dewl agan peghosow oll yn downder an mor.

Zekaria 1:15

mes sorr bras a'm beus orth an kenedhlow yw attes. My a sorras nebes orta, mes i a weresas an galar.

Yowann 12:27

‘Lemmyn ow enev yw troblys; ha pandr'a lavarav? “A Das, gwra ow selwel dhiworth an eur ma”? Mes rakhemma y teuth vy bys y'n eur ma.

Filippianys 1:23

Yth esov vy yn kaletter ynter an dhew, ow pos hwansek dhe vos dhe-ves ha bos gans Krist, rag henn yw meur gwell;

1 Samuel 13:6

Pan welas gwer Ysrael aga bos yn ahwer (rag an lu o gweskys kales), ena an bobel a omgudhas aga honan yn kavow hag yn tell hag yn karregi hag yn bedhow hag yn dowrarghow.